Il-Logħba s-Sabiħa

Malta-Magyaroszag 2-1

2006-10-12T10:55:00.000+02:00

Malta - Magyaroszag 2 - 1

Madonna, huma kellhom ikunu! A post dedicated to my Hungarian friends Viktor Luszcz, Balint Szlanko and Andras Inotai. I've been saying for ages that I love Hungarians.

ps: note the delicious but understandable hyberbole on di-ve.com.

Schembri Schembri

2006-10-12T00:42:00.000+02:00

The first victory since 1982 (I was seven then, I am thirty now) and only the third since 1975 (the year I was born) in UEFA qualifications. I cannot believe it. I got home from Marouilles (provincia di Metz) half-dead and only switched on the computer with a faint flicker of hope that accompanies the viewing of every result of the national team. The UEFA website title did not help: "Hungary Win Ends Malta Famine" does not betray a perfect grasp of English... let alone give any clue about the final result.

But we bloody well won. I feel like we won the World Cup. Don't give me a draw with Croatia (although in some quarters tonight some would have loved at least a draw with the men from Zagreb). To hell with a draw with Bojinov's Bulgaria. No, no. I don't care if the Hungary side is a shadow of the once mighty Magyars of Puskas and Masopust. We beat them. Two goals to nil. Schembri scored, Mifsud shone and Gilbert Agius provided the assists.

Carcade anyone?

From the other pitches:

My new pet hate Portugal had their come-uppance losing to that drab team called Poland. - the irony of it all? Both goals were scored by... wait for it.... EUZEBIUSZ SMOLAREK.
David Trezeguet was voted the player that most Frenchies would not want on the national squad. He responded in his usual fashion - two goals against the Far Oer.
Mighty Eng-er-land fell to Croatia, the team held to a draw recently by the valiant Maltese (yep, today they are valiant). The other team to draw recently in Malta (Bulgaria) came over to Luxembourg and meted out a narrow 1-0 defeat to this great footballing nation.
The question remains. Come March... will we beat Moldova?

And finally...

FORZA MALTA (Benny u Tonia)
tradotta bin-nejk mill-istudenti kors tal-ligi (Ultras Universita' 1993-1999)

Forza Malta nghajtu lkoll
Force Malta we say all

B'vuci soda nghajtu gowl
With a strong voice we say goal

Meta nilghabu go Ta' Qali
When we play in "it falls me"

B'kowc barrani imhejjijin
With a foreign coach we're spleen

Issa zgur l'ghandna tim qawwi
Now for sure we have a rough team

Mel'ejjew ilkoll flimkien
So come on all you together

Issapportjaw 'il dan it-tim
Come support this very team

It-tim li huwa ta' kullhadd
The team that is of everyone

Id-dinja kollha taf illum
All the world knows today

Kullhadd tghallem il-ballun
Everyone Learns the ball

Għeluq

2006-07-13T04:33:00.000+02:00

L-emozzjonijiet tal-kampjunat: plejers jiċċelebraw jew b'wiċċ ta' diżappunt, jiġġieldu jew jagħmlu ħbieb, partitarji jifirħu jew jitnikktu, kommentaturi jgħajtu l-kelma gowl f'diversi lingwi, bnadar jixxejru... kollu bil-mużika tas-silta One, tal-U2.

We're one, but we're not the same... u darba kull erba' snin, permezz tal-logħba sabiħa tal-futbol, id-dinja donnha tingħaqad daqsxejn aktar.

Grazzi lill-kontributuri u lill-qarrejja kollha ta' dan il-blogg. Il-kampjunat ta' din is-sena kien sabiħ ħafna, u ħadt pjaċir ngħixu hawnhekk, magħkom, fuq il-bloggosfera Maltija. Forsi erba' snin oħra nerġgħu nagħmluha.

Saħħiet.

TotoDinja 1-X-2: Riżultati

2006-07-13T03:46:00.000+02:00

Skużawni tad-dewmien. Fl-aħħar kelli ċans ngħodd il-punti kollha mill-ġdid. Kif se taraw, għamilt tliet klassifiki differenti.

1. Punti

Punt wieħed għal kull tbassira korretta. Il-klassifika wara 64 logħba:

***

* minn 54 logħba
** minn 60 logħba
*** minn 48 logħba

Fl-aħħar J'Accuse laħaq lil Baldu permezz tar-rebħa Ġermaniża fl-ispariġġ kontra l-Portugall. It-tnejn li huma jirbħu vaganza ta' ġimagħtejn fil-gżejjer tar-Repubblika tal-Vanwatu, l-aktar pajjiż ferħan fid-dinja skond il-Happy Planet Index tan-New Economics Foundation.

2. Perċentwali

70.4 % ... Mandraġġar
62.5 % ... Arċibald
62.5 % ... J'Accuse
58.3 % ... Ereżija
57.8 % ... Maqluba
57.8 % ... Xifer
56.3 % ... Rod Mallia
53.1 % ... Maria
51.6 % ... L-Imżebbel
51.7 % ... Nigredo
46.9 % ... Toni Sant

Il-Mandraġġar jirbaħ it-troffa xagħar ta' Camoranesi maqtugħa minn Oddo waqt iċ-ċelebrazzjonijiet tal-plejers Taljani.

3. Medja Maltese (sic.)

Wara dan is-suġġeriment tajjeb ta' Jacques: jingħata punt wieħed għal-logħob tal-gruppi, 2 għal dawk ta' l-aħħar sittax, 3 għall-kwarti ta' finali, 4 għas-semi-finali u l-ispariġġ għat-tielet post, u 5 punti għall-final.

Minn massimu ta' 93 punt:

58 ... J'Accuse
52 ... Arċibald
52 ... Rod Mallia
51 ... Mandraġġar
50 ... Maqluba
49 ... Xifer
47 ... Ereżija
46 ... Maria
46 ... L-Imżebbel
39 ... Nigredo
39 ... Toni Sant

No comment... La J'Accuse diġà rebaħ vjaġġ fil-Vanwatu, hawnhekk għandu wkoll daqsxejn spending money. Jogħġobni wisq il-biljett tal-500 vatu...

Prosit ukoll lil Toni Sant talli ġie l-aħħar fl-aħħar żewġ klassifiki (u kważi kważi anke fl-ewwel waħda). Bħala konsolazzjoni, jirbaħ dan ir-ritratt ta' Peter Crouch, l-isbaħ plejer ta' l-FC Baked Beans:

Italia Campione del Mondo

2006-07-12T23:08:00.000+02:00

Italja 1 Franza 1 (5-3 pen.)

Ma kinitx partita ta' barra minn hawn, imma kienet mimlija drama, u għalija, final wisq isbaħ minn dawk ta' l-aħħar erba' edizzjonijiet tal-Werld Kapp (ċjoè, dawk li niftakar).

B'xorti ħażina l-filmati meħudin mit-televiżjoni ta' l-Ekwador tneħħew mill-internet wara pressjoni mingħand il-Fifa. Hawnhekk għandkom vidjo ta' l-isbaħ siltiet (u waħda kerha) meħud mill-iSky Taljan:

Id-daqqa ta' ras ta' Zidane (mhux dik li ssejvja Buffon ftit minuti qabel) ... mais pourquoi?

Stampa li rċevejt mill-Ingilterra...

... u l-għada, il-kuġin tiegħi ta' 7 snin beda jimita lil Zidane, jiġri lejja qisu barri u jtini daqqa daqqun f'sidri, darba wara l-oħra... Prosit ta' l-eżempju li tajt lit-tfal, Zizou. Jekk jirriżulta veru li l-kumment ta' Materazzi kien wieħed razzista, nispera li l-Fifa tieħu azzjoni kontrih...

Iċ-ċelebrazzjonijiet tat-tim Taljan (Caressa: «Abbracciamoci forte e vogliamoci tanto bene... abbiamo vinto tutti!»)

Striscioni al Circo Massimo:

U fil-fehma umli tiegħi, mingħajr dubju, l-aqwa plejer tal-kampjunat:

Gianluigi Buffon

Il-klassifiċi tal-1X2 ġejjin dalwaqt...

Kif Ċipru ta' Fuq rebħu t-Tazza tad-Dinja

2006-07-12T17:30:00.000+02:00

Tazez tad-Dinja alternattivi #3

Hamburg, 29 ta' Mejju-3 ta' Ġunju 2006: l-ewwel "FIFI Wild Cup"

Kif Ċipru ta' Fuq rebħu t-Tazza tad-Dinja

Kif inhu naturali, qatt ma naraw pajjiżi bħal Malta jew Ċipru jilagħbu fit-Tazza tad-Dinja tal-FIFA. Xorta suppost li għandhom dan id-dritt. Hemm però anki xi pajjiżi oħrajn li għal xi raġuni jew oħra ma jgawdux minnu. X'jista' jsir jekk madanakollu xi wħud minnhom jixtiequ jieħdu sehem f'turnew internazzjonali?

Kollox beda billi tim magħmul minn Tibetjani eżiljati staqsa lit-tim magħruf ta' Hamburg FC. St. Pauli kinux interessati f'logħba ta' ħbiberija. Ċert li għoġbuhom il-prospetti ta' laqgħa ma' nies mit-Tibet misterjuż, u b'xi mod jew ieħor twieldet l-idea ta' turnew b'aktar timijiet mhux rikonoxxuti mill-FIFA. Sabiex ikunu jistgħu jieħdu sehem fih, l-organizzaturi Ġermaniżi "waqqfu" r-Repubblika ta' St. Pauli. Imbagħad sar il-ħin li jiddeċiedu lil min se jistiednu. Kellhom xi dubji minħabba l-fatt li l-pajjiżi mhux rikonoxxuti s-soltu lanqas għandhom tim nazzjonali. Xorta fl-aħħar insabu aktar timijiet interessati milli riedu jistiednu.

It-timijiet parteċipanti

1. Ir-Repubblika ta' St. Pauli (popolazzjoni: 27,000 ruħ)

Ovvjament sabiex ikollhom ċans ikbar it-timijiet mistednin, kienet irrapreżentata minn selezzjoni ta' żgħażagħ.

2. Żanżibar (800,000 ruħ)

Żanżibar huwa stat federali awtonomu, magħmul minn gżira, li jifforma parti mit-Tanżanija. Kważi bħal Malta, din l-eks-kolonja Britannika kisbet l-independenza mill-Imperu Ingliż fl-1963 u mbagħad flimkien mat-Tanganijka waqqfet ir-Repubblika Magħquda tat-Tanżanija. Għal dak li għandu x'jaqsam mal-futbol, huwa naturali li l-eks-kolonja jkollha waħda mill-eqdem tradizzjonijiet kalċistiċi fost il-pajjiżi Affrikani. U l-500 klabb tal-futbol li hemm illum, għal 800,000 ruħ m'humiex ftit! It-tim nazzjonali ta' Żanżibar huwa rikonoxxut mill-Għaqda Affrikana tal-Futbol, imma s'issa mhux mill-FIFA minħabba l-fatt li Żanżibar mhuwiex stat rikonoxxut mill-Ġnus Magħquda.

3. Ġibiltà (28,000 ruħ)

Il-"Gibraltar Civilian Football Association" (illum "Gibraltar Football Association") hija waħda mill-eqdem 10 għaqdiet tal-futbol fid-dinja! L-ikbar suċċess ta' dan it-tim tal-Commonwealth s'issa huwa dro f'logħba kontra r-Real Madrid fl-1949.

4. Il-Grinlandja (57,000 ruħ)

Il-Grinlandja, minkejja li tifforma parti mid-Danimarka, tgawdi minn awtonomija sinjifikanti u hija l-uniku pajjiż li qatt ħareġ mill-Unjoni Ewropea permezz ta' referendum. It-tim nazzjonali tagħha mhuwiex rikonnoxut mill-FIFA, għax fil-pajjiż m'hemm l-ebda grawnd li jaqbel mar-regolamenti tagħha. Minħabba l-klima estrema l-Grinlandiżi ma jistgħux jilagħbu futbol fuq ħaxix naturali, imma s-soltu jużaw r-ramel għall-grawnds tagħhom. Probabbli però li tinbidel din is-sitwazzjoni wara li l-FIFA ddeċidiet li fil-futur se jkunu aċċettati anki grawnds b'ħaxix artifiċjali.

5. It-Tibet

Bħala konsegwenza tas-sitwazzjoni politika, il-futbol Tibetjan kważi għadu kemm twieled. Fl-2001 intlagħbet l-ewwel partita "internazzjonali" kontra l-Grinlandja mit-tim "nazzjonali" Tibetjan.

6. Ir-"Repubblika Torka ta' Ċipru ta' Fuq" (200,000 ruħ)

Peress li dan l-istat, imwaqqaf fl-1983, mhuwiex rikonoxxut minn ħadd barra mit-Turkija stess, huwa naturali li m'għandux id-dritt li jieħu sehem f'turnews internazzjonali bħall-parti Griega ta' Ċipru. Imma huwa naturali wkoll li bħala parti ta' eks-kolonja Britannika għandu tradizzjoni b'saħħitha fil-futbol.

Ir-riżultati

Għalkemm il-biċċa l-kbira tal-plejers ma kellhomx esperjenza "internazzjonali", l-entużjażmu maħsus kien daqs f'Tazza tad-Dinja "ta' veru". Anki l-metodu ta' kif il-logħob ġie rrealizzat kien l-istess, jiġifieri t-turnew beda bil-fażi tal-gruppi (2 gruppi ta' 3 timijiet). Wara din il-fażi sfaw eliminati t-Tibet u l-Grinlandja, li tilfu l-logħbiet tagħhom. Fil-fażi tas-semifinali Żanżibar rebħu 2:1 kontra r-Repubblika ta' St. Pauli, u Ċipru ta' Fuq 2:0 kontra Ġibiltà. Il-logħba ta' spariġġ għat-tielet post rebħuha Ġibiltà 2:1. Iżda mingħajr dubju l-aktar logħba diffiċli kienet il-finali, li fih il-fawls u l-plejers li weġġgħu kienu ħafna u saħansitra ngħatat karta ħamra lil wieħed minn Żanżibar. Din il-partita spiċċat f'dro u fl-aħħar rebħuha Ċipru ta' Fuq permezz tal-penaltis.

Minkejja li fil-bidu l-organizzaturi donnhom kellhom f'moħħhom aktar ċajta milli turnew serju, għall-inqas matul il-finali deher ċar li għall-kalċaturi stess din xejn ma kienet ħaġa taċ-ċajt. Wara t-telfa tagħhom xi wħud mill-plejers minn Żanżibar infexxu jibku, waqt li l-kowċ Ċiprijott qal lill-ġurnalisti, "Għalina dak kien turnew ta' veru. Ġejna hawn biex nilagħbu futbol. Irbaħna t-Tazza, u issa aħna kuntenti ħafna." Fl-2006 Ċipru ta' Fuq għadhom ma tilfux logħba "internazzjonali". Fost it-timijiet opponenti tagħhom kienu l-Kosovo, il-Kurdistan u l-Oċċitanja. Imma anki għat-Tibetjani, li b' 0:12 ġew l-aħħar fit-turnew, u sa dakinhar lanqas kellhom ċans jilagħbu f'grawnd kbir bħal dak, din kienet ħaġa serja ħafna. "Dawn huma tifkiriet li se jibqgħu magħna għal għomorna", qal wieħed minnhom.

Ħoloq:

http://service.spiegel.de/cache/international/0,1518,419651,00.html

http://www.wild-cup.de

Tmiem sodisfacenti

2006-07-11T18:50:00.000+02:00

Min jaf ghalfejn?

Meta ħasbuni Taljan u partitarju part-time ġie jitnejjek mill-penaltiż

2006-07-10T12:06:00.000+02:00

Mid-dehera t-Taljani jaslu sal-finali tat-tazza tad-dinja kull tnax-il sena. Din l-istatistika tgħid ħafna dwar kemm qed jitgerbeb iż-żmien minn fuqi. Il-bieraħ kienet it-tielet finali li rajt lit-Taljani jilagħbu. Fl-82 kont G'Mangia, fid-dar ta' xi ħbieb tal-ġenituri li kellhom reception tat-televixxin tajjeb (araw hawn dwar ir-reception tat-televixxin fis-snin tmenin). Fin-94 naħseb (nenfasizza l-kelma "naħseb") li kont ir-Renos Bar, Tas-Sliema, mal-ħbieb. M'għandix tifkiriet ċari ta' dak il-werld kapp. U fl-2006 kont it-Tube ġewwa Lussemburgu, l-uniku partitarju "Taljan" ġo bar mimli Franċiżi. Tant hu hekk li xi nies (li dwarhom tkellimt fil-bloggata ta' qabel) ħasbuni Taljan ta' vera u jiena ma ppruvajtx inbiddlilhom il-fehma. Si si, stiamo giocando male, NO! NO! SI! SI! Lgħabtha tajba. Ma waqajtx offsajd (sibna xi kelma ġdida Maltija għal offside? Imżebbel, Maqluba?), lanqas darba, u ftit qabel ma bdew il-penaltiż żgiċċajt 'il hemm mingħajr qatt ma ndunaw li jiena Taljan minix u malli ħriġt mill-bar kważi kważi lanqas temmen, tlift kull interess fir-riżultat finali. Se tgħiduli, dan vera partitarju part-time ostja! U jkollkom raġun. Iżda, waqt il-logħba il-mutur żgħir ta' qalbi ma waqafx għaddej, bi kwietu imma persistenti. U fit-tieni taqsima, meta l-Franċiżi wrew li setgħu jiskurjaw, dak l-istess mutur ta' qalbi tela' tul griżmejja u qagħad f'ħalqi, lest għall-qabża - kif kważi jgħidu l-Ingliżi.

Mit-Tube, il-mixja sa l-inħawi tal-Gare (stazzjon tal-ferrovija) ddum xi għaxar minuti, jew, kemm idumu biex jingħataw il-penaltiż. Għax sa meta wasalt sa tal-Kebab (kelli l-ġuħ) faċċata ta' l-istazzjon, it-Taljani kienu għamluha. Campioni. Ħassejt ferħ, ma nistax ngħid li ma ħassejtx, imma meta tqabbel il-ġirja ta' tiġieġa b'rasha maqtugħa li kont għamilt tul il-kuritur tal-flat tal-ħbieb tal-ġenituri meta r-referi saffar l-aħħar tal-finali fl-82, il-bieraħ verament kont qisni tiġieġa mejta, kiesħa, lesta biex titpoġġa f'xi salad. Forsi intebħet fl-aħħar li rasha maqtugħa. U għallura għad niekol kebab u chips fil-ħanut tal-kebab quddiem it-televixxin tagħhom, li għal darba ma kienx fuq l-MTV Tork, u qagħad nara 'l Gattuso jiġri fil-grawnd bil-qalziet ta' taħt, u bil-kwiet nistad taħt il-wiċċ ta' qalbi għal ħuta emozzjoni ftit ikbar mill-goldfish ħelu imma patetiku li dan il-partitarju baqa' jżomm f'idu sakemm qam dalgħodu u qisu ma kien ġara xejn. Kapitlu magħluq. Daqshekk metafori ħżiena.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
u fl-2018?

24 sena wara'

2006-07-10T09:02:00.000+02:00

Pertini (1982), Napolitano (2006)

Zoff (1982), Cannavaro (2006)

Hija u jien circa. 1984

Hija u jien certissimament fl-2005 (dicembru)

Fallo, seconda parte

2006-07-10T07:23:00.000+02:00

Wara din.

Jidher li Zidane jobgħod il-kjuwijiet tad-dipartiment sew u ddeċieda, ħabta w sabta, li jevitahom akkost li jtappan il-karriera tiegħu fl-aħħar ftit minuti tagħha. Fi kliemu stess:

"Malli ndunajt li l-logħba kienet waslet fi tmiema u kien sa jkolli bżonn il-kartanzjan biex naqbeż il-kju għat-tazza, iddeċidejt li nimita lil barri li rajt fuq dokumentarju fuq Discovery Channel il-bieraħ fil-għodu".

Ħasra li ħadd ma qallu li bil-kartanzjan ma kienx sa jitħalla jgħolli t-tazza, lanqas kieku Franza rebħu l-lotterija tal-penaltis.

P.S. Minn hawn nixtieq nawgura lil Jacques li rnexxielu jilħaqni (kif dan?) fil-klassifika biex ġejna b'40 punt kull wieħed fl-ewwel post. X'għidt li kien il-premju Antoine? :)

Momentary Lapse of Reason

2006-07-09T23:54:00.000+02:00

It was meant to be his finest hour. The New York Times might have spoken too soon when it described Zidane as the "coolest" footballer in the world. It was just his cool that was lost when provoked by sly fox Materazzi - because no one head-butts in this manner for no reason at all. It's a pity that a man destined to become legend had to bid his farewell in such a manner - seeing red in the extra time of a world cup final. He should have known better. I hope it will not diminuish the magic of Zizou, that it will not tarnish all the good that he has brought to football. I hope that this momentary lapse of reason will be seen as just that.

On the other hand complimenti to the azzurri. Winning by penalties is not exactly top of the supporter's wish list. I remember not enjoying Brazil's 1994 victory as much as I had hoped. The World Cup has been won by intelligent and cynical football. Both teams in the final got there with a bit of intelligent playing - the European chess game. True, there were moments of flash genius like Pirlo's blind pass to Grosso or Zidane's conjuring tricks, but in the end you would have to be blind to think that the beautiful game is back.

This is not an epitaph. It is just a rationalisation of what has been. I do think that the cup has been lifted by the team that deserved to win it. But the chasm between "deserve" and "beautiful football" is growing. I hope it gets filled before it gets too late.

Tomorrow is another day - from celebration to punishment. We shall see - and we are not hoping for any amnesties. Let's just hope that like Zidane's ugly head-butt and like too many matches ending in penalties, Juventus' dark moment will soon be forgotten - to be dismissed sometime in the future as a momentary lapse of reason.

Good Night.

Spariġġ għat-tielet post

2006-07-09T15:50:00.000+02:00

Ġermanja 3 Portugall 1

Imsejknin il-Portugiżi... lagħbu futbol eleganti ħafna -avolja ftit maħmuġ-, mhux biss il-bieraħ iżda tul il-kampjunat kollu. Forsi bir-raba' post ikunu sodisfatti, imma li kieku skorjaw il-gowls li kien ħaqqhom daqskemm ikkontrollaw kull partita u għamlu pressjoni fl-attakk, kieku l-lejla jagħtu logħba tajba ħafna (u żgur aktar fluwida) lill-Azzurri.

Għalkemm naħseb li l-logħba tal-lejla se tkun sabiħa xorta waħda. Il-finali tat-Tazza tad-Dinja għandhom tendenza li jkunu speċi ta' anticlimax... imma din is-sena, it-Taljani se joħorġu b'ġuħ ta' nagħam, u żgur mhumiex se jidfnu rashom fil-ħaxix tal-piċċ. U rridu jpattu għad-disfatta tal-finali ta' l-Ewro 2000...

FORZA AZZURRI.

Mit-Times tal-bieraħ (ħajr lil Max L. Fly):

"Kemm huma ħelwin... imma boloh!"

2006-07-09T08:52:00.000+02:00

Tazez tad-Dinja alternattivi #2

"By the year 2050, develop a team of fully autonomous humanoid robots that can win against the human world soccer champion team."

Bremen, 14-20 ta' Ġunju: It-Tazza tad-Dinja tar-robots

"Kemm huma ħelwin... imma boloh!"

Fil-każ taċ-ċess suppost li b'xi mod irnexxa l-esperiment meta Kasparov tilef il-logħba kontra l-"Big Blue". Kemm huwa probabbli però tali żvilupp fil-kamp ta' sports tat-tip tal-futbol?

Min żar ir-Robocup ta' Bremen issa matul it-Tazza tal-plejers umani u għex din l-esperjenza li tfakkar aktar f'xirja high-tech milli f'avveniment sportiv, induna kemm għadha twila t-triq. "Rajthom l-umanoidi? Kien hemm wieħed resaq tlikki tlikki lejn il-ballun, refa' riġlu biex jixxutja... u waqa' ma' l-art! U mbagħad il-gowlkiper għamel l-istess," qal it-tifel. It-tifla ta' maġenbu kellha żżomm żaqqha bid-daħk. "Kemm huma ħelwin... imma boloh!" ikkumentat hi.

Xorta waħda min ma jiddejjaqx jaqra aktar tagħrif dwar l-istorja ta' tentattivi bħal dan u l-istat attwali ta' l-iżvilupp tekniku, jinduna li dan l-aħħar sar progress kbir ħafna. Dażgur li l-plejers tal-ħadid u tal-plastik jaqgħu ma' l-art aktar drabi anki minn Ronaldo stess, imma l-aqwa minnhom tgħallmu jqumu weħidhom. Dan biss diġà hu suċċess enormi fil-kamp ta' l-intelliġenza artifiċjali.

Waqt li l-kategorija ta' l-umanoidi kif ukoll il-klieb ħelwin ta' dik tat-tetrapodi jiġbdu l-aktar is-simpatija u l-interess tal-pubbliku, l-aħjar logħob naturalment jintlagħab fil-kategoriji l-oħrajn, li jqajmu interess wisq ikbar fost it-timijiet umani (gruppi ta' studenti universitarji u riċerkaturi f'diversi istituti tekniċi) li fasslu u ħejjew dawk robotiċi: is-small sized league u l-middle sized league fejn diversi kaxex żgħar bir-roti jiġru wara l-ballun b'ħeffa u effiċenza li ġġagħlek tistagħġeb.

Ħoloq:
http://www.robocup.org/
http://www.robocup2006.org/start?lang=en http://www.spiegel.de/netzwelt/technologie/0,1518,421758,00.html

Autobus a Roma

2006-07-07T14:29:00.000+02:00

Fallo

2006-07-07T11:56:00.000+02:00

Berlin, Ġermanja: Aħbar interessanti għall-final tat-Tazza tad-Dinja 2006 li ser isseħħ hawn ġewwa Berlin nhar il-Ħadd li ġej. Għall-plejers tat-tim Franċiż, għall-ewwel darba fl-istorja, ir-referee mhux ser juża karti sofor u ħomor. Minnflok, ser jurihom il-Kartanzjan.

Għal dan, Zinedine Zidane deher eċitat u kkummenta li "għallinqas il-karta tingħata lili dak il-ħin stess u ma rridx noqgħod fil-kju id-dipartiment."

Barra dan, aħbar oħra interessanti hija l-waqa' ta' Grosso fl-aħħar minuti tal-logħba kontra l-Awstralja. Din issa daħlet fl-istorja u ħadet il-laqam ta' Colpo Grosso.

TotoDinja 1-X-2: Ta' l-aħħar

2006-07-07T00:27:00.000+02:00

Wara s-semi-finali, l-ordni tal-klassifika jibqa' l-istess, imma l-ewwel post għadu mhux deċiż għalkollox... mill-bqija, ta' min jinnota li l-Mandraġġar kien beda tard u tilef 8 logħbiet, iżda jinsab biss 3 punti 'l bogħod minn Arċibald.

Il-klassifika wara 62 logħba:

40 ... Arċibald
39 ... J'Accuse
37 ... Mandraġġar *
37 ... Maqluba
36 ... Xifer
35 ... Rod Mallia
33 ... Maria
32 ... L-Imżebbel
31 ... Nigredo **
30 ... Toni Sant
26 ... Ereżija ***

* minn 54 logħba
** minn 60 logħba

*** minn 46 logħba

L-aħħar kupun:

63. Ġermanja – Portugall
64. Italja – Franza

Baldu u Jacques: naħseb li jkun aktar ġust jekk tibagħtuli t-tbassiriet tagħkom permezz ta' e-mail, imbagħad intellagħhom jien stess wara li nkun irċevejt mingħandkom it-tnejn. Iddeċiedu intom...

Is-Semi-Finali (per la cronaca)

2006-07-07T00:10:00.000+02:00

Notte magica
Ġermanja 0 Italja 2 (w.ħ.b.)

Portugall 0 Franza 1

Fejn nafek?

Edson

2006-07-06T17:05:00.000+02:00

Is-suq jiddetta li l-awtobijografija ta' l-akbar leġġenda fl-istorja tal-logħba toħroġ lejlet it-tazza tad-dinja. U jiena ta' marid li jiena kont ili li ordnajtha minn qabel minn fuq l-internet. Onestament minn banda ddeludietni. Miktuba qisha komponiment tat-tfal, u mhux li tgħid li fiha xi rivelazzjonijiet ġodda li jixxukkjaw id-dinja tal-ballun. Pele' qatt ma kien magħruf għal xi intellett ta' l-għaġeb, u għalhekk forsi l-aspettazzjonijiet tiegħi kienu għoljin wisq.

Iżda mill-banda l-oħra sirt naf aktar dwar x'irnexxielu jagħmel dan il-ġenju fil-25 sena li dam jilgħab il-futbol. U għalhekk fittixt vidjows bħal dan...nistedinkom tarawh sa l-aħħar biex tapprezzaw ir-repertorju kollu. Kollox hemm: xellug, lemin, bir-ras, dribbles, finti, kreattivita', saħħa...kollox. Ix-xettiċiżmu tiegħi ġiegħlni saħansitra nżomm għajnejja fuq id-difensuri. Ta' spiss tisma' li l-futbol ta' dak iż-żmien kien aktar 'faċli' jew soft. Pero' f'dan il-klipp ma stajt nagħti tort lill-ebda difensur vittma. U allura, ħa nagħmel pass lura. Għax minn banda veru li l-futbol kien differenti...għal ħafna miż-żmien li kien jilgħab fih lanqas kien hemm il-possibbilta' ta' sostituti jew karti ħomor u sofor(kienet tiġri ħafna li logħba tiddeġenera u tispiċċa b'xi żewġ plejers jitkaxkru u jibqgħu fil-grawnd). U veru li t-tattika tal-logħob dejjem tiżviluppa. U forsi l-kompetizzjonijiet kienu inqas strutturati (ħafna mill-mijiet ta' gowls Pele' skurjahom f'logħob ta' ħbiberija, tournaments, u leagues differenti)...għax lanqass kampjonat veru u proprju Brażiljan ma kien hemm. U veru wkoll li kellu x-xorti jilgħab ma ġenerazzjonijiet ta' plejers ta' barra minn hawn (ma nsemmu xejn, Didi, Vava, Rivelinho, Garrincha, Zagallo eċċ eċċ).

Imma veru wkoll li l-ħiliet ta' dan ir-raġel kienu akbar minn kull wieħed ieħor li lagħab il-ballun matul is-snin. Forsi taqta' xi e%u

Mill-ġurnal Taljan La Repubblica

2006-07-06T15:38:00.000+02:00

MALTA : FESTA GRANDE PER LA VITTORIA DEGLI AZZURI A DORTMUND

LA VALLETTA - E' durata per quasi tutta la notte la grande festa a' Malta per la vittoria dell' Italia ieri contro la Germania. Una vincita che porta l'Italia alla finalissima della Coppa del Mondo che si gioca a' Berlino domemenica prossima. Migliaia di persone si sono riversate nelle strade sventolando bandiere tricolore, e celebrando con caroselli
la storica vincita a' Dortmund. Malta si e' svegliata con meta' del paese che sventola bandiere italiane sui balconi e le finestre.

Con una popolazione di 400,000, il tifo calcistico e' storicamente diviso a' meta tra chi e' pro italiani e chi tifa l'Ingilterra. Per fatto storico-politico, moltissimi sono I maltesi che si schierano dietro la bandiera italiana per dispetto contro l'ex colonista inglese. L'eliminazione dell' Ingilterra agli ottavi di finale ha portato anche
i "pro-italiani" a celebrare nelle strade, come per dispetto ai perdenti.

Politicamente, anche I partiti sono divisi tra "pro-italiani" e "pro-inglesi". Mentre negli anni 50 i laburisti, oggi all' opposizione volevano l'integrazione con l'Ingilterra, il Partito nazionalista di centro destra era sempre politicamente, culturalmente ed
intelletualmente vicino all' Italia.

I mondiali di calcio portano I maltesi a rivivere l'antagnosimo storico-politico con molto fervore, tanto che questi giorni dell'avvanzata della squadra azzurra alla finalissima di domenico, ha fatto anche la differenza per l'umore di migliaia di maltesi che stamane si
sono presentati al lavoro fischiando l'Inno di Mameli con la suoneria dei cellulari.

Allez les BLA BLA BLAAĦ

2006-07-06T10:09:00.000+02:00

Din xi tkun għid? Il-bieraħ żammejt mal-Portugall kontra Franza. Is-Sibt żammejt ma' l-Ingilterra kontra l-Portugall. Forsi għax dak l-għajjat u ferħ sakran "allez les bleus" li rajt Belfort fil-wikend iritani sew. Imma jekk niġu f'dan, il-Portugiżi ta' Lussemburgu jqabbżuli ċ-ċinga wkoll... ma' kull rebħa arahom ħerġin fit-triq iwerżqu u jperpru l-bnadar qishom boloħ, karozzi jpaqpqu mingħajr waqfien - iljunfanti antipatiċissimi -

Iva. Jiena wkoll antipatiku. F'għajnejn ħaddieħor. Għax l-espressjoni kollettiva ta' ferħ li tispira fin-nies it-tazza tad-dinja ddejjaqni ħafna. Fi kliem ieħor, kull meta nara partitarji ta' tim jifirħu ġo bar fejn inkun qed nara l-logħba arawni minnufih inżomm mat-tim l-ieħor. U hekk ġarali l-bieraħ. Mort sat-Tube biex nara l-Franċiżi jirbħu kontra dawk l-indannati Portugiżi tuffatori (agħar mit-Taljani dawn), l-iktar biex nara lill-Portugiżi numerużi ta' Lussemburgu jinħarqu. Ħeħe. Imma fit-Tube ħlief Franċiżi ma kienx hemm, allez les bleus allez les bleus qażżuni jwerżqu qishom teenyboppers waqt kunċert tal-Beatles kull darba li mess il-ballun Zidane. U ejja f'ġieħ Alla! Mela qatt ma rajtu plejer imiss ballun u jtih bis-sieq? Jekk jiena partitarju part time, dawn x'inhuma mela? U għalhekk, fl-għoxrin minuta qabżitli u bdejt inżomm mal-Portugall. L-aqwa li ma nkunx mal-folla.

Din xi tkun? Li tiddeċiedi li żżomm ma' tim? Ma tistax tara logħba mingħajr ma żżomm ma ħadd? Din xi tkun? Hija għażla marbuta max-xewqa ta' l-individwu li jħoss ix-xenqa tar-rebħa, u l-klimaks tal-konkwista tat-tim l-ieħor? Li jħossu rebbieħ, anke jekk by proxy? Dik il-kelma li nużaw - "żomm" - bħallikieku jekk ma żżommx taqa', tintilef fir-rassa jekk ma żżommx m'id il-mummy. Fil-każ tiegħi l-bieraħ kienet sempliċi għażla ta' tama li nara l-ferħ fuq wiċċ grupp nies (li wara kollox kull ma kienu qed jagħmlu kien li jieħdu pjaċir jaraw it-tim nazzjonali TA' PAJJIŻHOM - għal kuntrarju tal-partitarji full time Maltin) jinbidel f'dispjaċir u niket. Id-diżappunt sabiħ wisq meta tarah idallam wiċċ ħaddieħor. Allez les BAA BAA BAA.... blaħ.

Is-Sibt kien każ differenti. Kont Belfort flimkien ma' l-Imżebbel u x-Xifer għal festival ta' mużika. Wikend taħt xemx tiżreġ fil-kumpanija ta' żewġ persuni ta' l-ostja. L-unika problema - huma partitarji akkaniti ta' l-Ingliżi, u jiena, minix. Anzi, id-dispjaċir fuq wiċċ partitarju Ingliż jinżilli għasel. Iżda s-Sibt sibt ruħi nżomm ma' l-Ingliżi kontra l-Portugall. Tgħid għalfejn? Forsi għax il-ġurnata ta' qabel it-Taljani kienu rebħu b'mod konvinċenti (3-0 ma' l-Ukrajna) u għallura stajt naffordja li l-Ingliżi jifirħu wkoll. Forsi għax l-istennija eżawrenti ta' Kevin u Mark qabel il-logħba kienet kontaġġjuża u spiċċajt jien ukoll ninkwieta li Ericksson jilagħbu lill-Crouch u x'naf jien. L-appoġġ tiegħi għat-tim Ingliż dak in-nhar ma kellux ekwivoki. Kien totali. Qatt ma kienet ġratli qabel. Għaraft at first hand niket l-ieħor. The Other. Ipparteċipajt f'dak in-niket. Mhux daqs L-Imżebbel s'intendi u lanqas daqs Ix-Xifer, imma xi ħaġa onesta u vera ħassejt għall-Ingilterra u dawk il-qomos bojod bit-tliet iljuni. Rooney ma kellux jitkeċċa!

Imma Les Bleus QATT! Inżomm ma' kull tim nazzjonali fid-dinja iżda ma' Franza QATT! QATT! Għalfejn? Ma nafx. Idejquni n-nies? Ma tantx. Forsi li kieku kienet Franza Ingilterra s-semi finali kont inżomm ma' Franza minkejja l-kotra mdawra miegħi tobżoq allez les bleus b'ferħ pulċinellesk. Naf żgur li meta Franza rebħet lill-Brażil kont kuntent, għax lill-Brażil ma naħmilhomx - l-attitudini tas-saporters tagħhom tixbaħ wisq xi tifel imfissed li kulħadd jifraħ bih u meta xi ħadd ma jagħtix kasu jaqa' down. Aħjar għalihom. Kemm hu sabiħ tara l-ferħ jinbidel f'niket. F'wiċċ ħaddieħor.

Kontra t-Taljani żgur minix se nżomm mal-Franċiżi, ovvjament, imma jekk niġu f'dan, is-saporters Taljani ma jqażżux l-Alla wkoll? Dażgur. U jdejquni daqs l-oħrajn. L-aqwa li ma nkunx mal-folla. U dan mingħajr ma qiegħed Malta fejn min jaf x'se jkun hemm nhar il-Ħadd bil-lejl jekk l-azzuri jaslu sal-premju aħħari. BLAĦĦĦĦĦ! Iġagħluni nirremetti...

Daqshekk ridt ngħid.

Feast of Football

2006-07-05T18:57:00.000+02:00

Artiklu li għoġobni ħafna minn fuq il-BBC World...

Feast of football
By John May

If football is the beautiful game the World Cup semi-final between Italy and Germany was a super-model on a catwalk.

Dortmund's Westfalenstadion provided the perfect stage for what will go down as one of the classic World Cup encounters.

But what were the ingredients that made this such a feast?

THE COACHES

Jurgen Klinsmann and Marcello Lippi have to take a lot of the credit.

Here were two coaches who knew what they were doing.

Unlike Sven-Goran Eriksson, they both had a plan, knew the players at their disposal intimately and set up their teams accordingly.

Also unlike Eriksson, they showed passion which would have transmitted onto the pitch as they kicked every ball with their players.

As a former striker, Klinsmann knows only one way to play, and that is to attack. His 4-4-2 system had proper wide midfielders and full-backs encouraged to bomb forward.

Lippi's team will do much to dismantle the reputation Italian football has suffered from of being suffocated by a defensive strait-jacket.

Sure, the best player on the pitch was Fabio Cannovaro and Italy's defence is as mean as ever.

But that curmudgeonly defence is now seen as a platform instead of a padlock and in Andrea Pirlo, Gennaro Gattuso and Francesco Totti, Italy have midfielders full of mobility, pace and attacking intent.

It was no coincidence that the opening goal was scored by left-back Fabio Grosso, who along with Gianluca Zambrotta, his counterpart on the right, spent as much time in the German half of the pitch as his own.

Two more words on Lippi the coach - Marco Materazzi. A wayward liability at Everton, but Materazzi became a colossus for Italy under the Silver Fox.

THE PLAYERS

It is almost facile to say there were always 22 good players on the pitch, but it is true.

Without exception, the outfield players all possessed a sublime first touch, could find a team-mate with a simple pass, and worked themselves space to receive a pass. Sounds easy, so why couldn't England do it?

The players also appeared to come into the game with the right attitude.

Perhaps operatic performances elsewhere had embarrassed them, but there were few if any signs of the Rada dramatics that have plagued other games in this World Cup.

Refreshingly, there was no sign of what is becoming the most hated gesture in football, the waving of a pretend card under the referee's nose.

Both sets of players wanted to play the game, and were happy to let the referee get on with his job.

THE REFEREE

Mexican referee Benito Archundio Tellez was a breath of fresh air. The Fifa nit-pickers will no doubt dissect his performance critically, but his preference for keeping his card pocket tightly buttoned got the right response from players (see above).

He rightly interpreted that in a contact sport not every foul is a booking, and not every tumble is a dive.

Whereas Russian referee Valentin Ivanov waved cards like a conjuror at a convention to stamp his authority when Portugal met Holland, Tellez used embarrassment.

You could almost hear players who tried it on being told: "For goodness sake, get up and get on with it!" Few wanted to risk being a conspicuous wet blanket to a flowing spectacle.

The three yellow cards he showed were correctly applied for tackles from behind, but he tried at all times to let the game flow.

WHO'S AFRAID OF GHOSTS?

Extra-time is so often an anti-climax. Fearful of losing, teams shut up shop, prepared to take their lumps in a penalty shoot-out.

But here were two teams who were patently spooked by the spectre of penalty shoot-outs.

Despite their record of never having lost one, the Germans did not want to trust to one.

And with Germany as the opposition, the Italians certainly didn't, so there was the almost unprecedented sight of two teams going hammer and tongs at each other in the extra 30 minutes.

MOMENTUM

A runaway train is hard to stop and both teams came into the semi-final with plenty of momentum behind them, again a tribute to the respective coaches.

Knowing he had to get an unconvinced nation behind him, Klinsmann got Germany got off to a faster start than Justin Gatlin. Germany rode the wave from there.

In contrast, like a good pasta sauce, Italy were heated gently to begin with, stirred at intervals and brought to the bubble at the momento perfetto.

PITCHING IN

Even the groundstaff played a part by watering the lushly grassed pitch before the game.

Whereas some early games in the tournament had the appearance of being played on a felt playing surface with a velcro-covered ball, the watering slickened up the pitch so the passes zipped about.

Il tormentone della pizza 2-0

2006-07-05T18:28:00.000+02:00

È stata inventata in Germania.

"Siamo pronti ad offrirla a tutti i tifosi tedeschi

che verranno nei nostri locali"

Dopo Dortmund i tedeschi minacciano di evitare i ristoranti italiani
La risposta dei connazionali: la pizza-risultato dedicata alla vittoria
Mondiali, nasce la pizza '2-0' contro il boicottaggio tedesco

ROMA - La risposta italiana agli insulti tedeschi non poteva che essere una pizza. La '2-0', si chiama così, e viene già servita nelle migliori pizzerie tedesche. Per festeggiare la superiorità calcistica italiana, per replicare alla volgarità dei luoghi comuni, ma anche per ricordare a chi se la mangia - e paga per questo - che la pizza è tricolore.

Settimane di insulti gratuiti nei confronti degli italiani definiti "mammoni e parassiti". Un boato di fischi allo stadio Dortmund che ha straziato persino l'inno di Mameli. E poi sberleffi, "mafia e mandolino" e "tornatevene a casa". Durante questo Mondiale tutto hanno sopportato gli italiani dai tedeschi, ma di fronte alla minaccia di boicottaggio dei ristoranti aperti dai nostri emigranti tra Monaco e Berlino, qualcuno ha detto basta.

E per dirlo si è inventato una nuova pizza. Un po' come la Margherita - primigenia - era omaggio e, di fatto, figlia della regina, la '2-0' resterà negli annali a memento di una vittoria quasi epica perché sofferta e, quindi, ancora migliore.

Insomma, loro reagiscono alla sconfitta di Dortmund incarognendosi e passando al boicottaggio economico? Gli italiani rispondono con la consueta creatività, con quel pizzico di fantasia che è anche un po' maligno quando obbliga l'avversario a mangiarsi un risultato (disegnato elegantemente con la mozzarella) che fa male, ma è tanto buono.

(5 luglio 2006)

Minn La Repubblica

Id-Deni Malti

2006-07-05T17:40:00.000+02:00

Illum tfaċċa karikaturista ġdid fuq il-MaltaMedia Online Network jismu Martin Attard. L-ewwel biċċa tiegħu hija propju dwar il-Werld Kapp minn perspettiva Maltija u allura ħsibt li xieraq ngħid xi ħaga dwarha fuq dan il-blogg ukoll. U hekk għadni kemm għamilt, hux?

Jekk tittawwlu sal-websajt u tgħidulu hello ċert li jieħu pjaċir jisma' mingħand sħabi l-bloggejja.

Il Calcio

2006-07-05T09:13:00.000+02:00

Il calcio non è, come sostengono gli specialisti del senno di poi, uno sport logico: fosse così, piacerebbe agli americani, che invece lo respingono. Il calcio è profondamente ingiusto e casuale, ma emozionante: imita la vita, che ogni tanto ci regala emozioni così.

- Beppe Severgnini (Italians, Corriere della Sera)

Temmnu li t-tfal kienu se jaharbu?

2006-07-04T20:06:00.000+02:00

4.7.2006

Tazez tad-Dinja alternattivi #1

Berlin, 2-8 ta' Lulju 2006: L-ewwel Tazza tad-Dinja fl-hekk imsejjaħ "Street Football"

Isem it-trofew "Copa Escobar", b'tifkira tal-kalċatur Kolombjan Andrés Escobar, li nqatel minħabba l-awtogowl li għamel matul it-Tazza tad-Dinja ta' l-1994, f'logħba kontra l-Istati Uniti.

Fil-logħob "Street Football" m'hemmx referì; it-timijiet jiddeċiedu dwar ir-regoli weħidhom. Bilħaqq... hemm pereżempju l-opzjoni li gowl skorjat minn tifla jiswa aktar!

Temmnu li t-tfal kienu se jaħarbu?

Infexxu jibku lkoll meta qalilhom bl-aħbar tant mistennija. Mistennija iva... għax kienu ilhom jimmaġinaw b’aktar u aktar dettalji s-safra twila, il-belt maqsuma u llum magħquda mill-ġdid, fuq il-kontinent tan-nies għonja u bojod, il-mistednin minn kull rokna tad-dinja. Fuq kollox però l-festa tal-ġenn li se ssir apposta għalihom u għaż-żgħażagħ kollha. Imbagħad il-logħob u (forsi!) ir-rebħa.

Xorta ma stennewhiex hekk. Għax il-biraħtlula, nhar il-Ħadd, 2 ta’ Lulju, il-festa tal-ġenn bdiet mingħajrhom. Yomi Kuku għadu bix-xokk. “Għaddejt minn trawma. Sakemm kellimt lill-ambaxxata Ġermaniża, lanqas kont niftakar l-aħħar darba li kont bkejt.” Kien iħossu speċi ta’ ambaxxatur anki hu. F’Lagos, Niġerja, qed imexxi proġett ta’ importanza soċjali kbira ħafna bl-isem ta’ “Search and Groom”, li fih qed jieħdu sehem aktar minn 1.000 tifel u tifla minn dawk li m’għandhomx familja u dar, imma qed jgħixu fuq it-toroq tal-metropoli Niġerjana. Dan il-proġett soċjali huwa bbażat prinċipalment fuq il-futbol. Għax il-futbol ma jintlagħabx biss minn kalċaturi b’mentalità ta’ divi quddiem il-partitarji fanatiċi tagħhom, imma f’kuntesti għalkollox differenti, huwa kapaċi wkoll joħloq sens ta’ għaqda fost ulied il-ħali li qatt ma kellhom ċans jgħixu ħajja soċjali “normali” u organizzata.

24 tim mid-dinja kollha kienu mistednin għall-festival, imma 22 biss waslu f’Berlin. “Dan mhux avveniment għall-avveniment”, jgħid l-organizzatur, Jürgen Griesbeck. Fil-fatt it-timijiet kollha jieħdu sehem fix-xibka dinjija “Street Football World”, u l-festival jiġi organizzat bl-appoġġ tal-Ġnus Magħquda u jifforma parti mill-programm kulturali tal-FIFA. Xorta waħda r-rappreżentanzi diplomatiċi tal-Ġermanja ċaħdu li jagħtu viża lit-timijiet tan-Niġerja u tal-Gana. Skond il-Ftehim ta’ Schengen viża tingħata biss lil min jipprova r-rieda tiegħu li jerġa’ lura f’pajjiżu. U skond il-Ministeru ta’ l-Affarijiet Barranin dan mhux il-każ taż-żgħażagħ Niġerjani u Ganjani...

Ħoloq:
http://www.streetfootballworld.org/index_html/en
Is-sehem tal-FIFA
Rivista Der Spiegel

TotoDinja 1-X-2 – Semi-finali

2006-07-04T16:50:00.000+02:00

Skużawni tad-dewmien. Baqa' 4 partiti... hawnhekk il-klassifika wara 60 logħba:

39 ... Arċibald
37 ... J'Accuse
36 ... Mandraġġar
36 ... Maqluba
35 ... Xifer
33 ... Rod Mallia
32 ... Maria
31 ... L-Imżebbel
31 ... Nigredo
30 ... Toni Sant
24 ... Ereżija

Il-kupun li jmiss:

61. Ġermanja - Italja
62. Portugall – Franza

Kwarti ta' Finali (per la cronaca)

2006-07-04T16:44:00.000+02:00

Ġermanja 1 Arġentina 1 (4-2 pen.)

Italja 3 Ukrajna 0

Ingilterra 0 Portugall 0 (1-3 pen.)

Brażil 0 Franza 1

Well done boys!

2006-07-04T13:47:00.000+02:00

"And here we are again...I'm sorry for the team, the squad and the fans who were fantastic. They deserve to have a team in the semi-final or the final... I must say they fought enormously when it was 10 against 11. We started the second half very well and controlled the game exactly what we wanted to do. Then there was the sending off. We held the game up very well and lost on penalties again and I'm really sorry about that. I don't think we deserved to lose and I think the boys deserved better. But we lost the game and went out of the tournament and that hurts incredibly." qalilna Sven. U hekk hu. Forsi ma setax qalha aħjar.

Ir-ritratt ta' hawn taħt jiġbor fil-qosor iżda b'mod preċiż kif ninsab sewwasew f'dan il-mument: iddispjaċut, iżda daqstant ieħor kburi. M'għandix wisq xi nżid, ħlief ngħid prosit tassew lit-tim nazzjonali Ngliż tal-wirja kbira li ta nhar is-Sibt, minkejja l-ħafna ċirkostanzi xejn favorevoli tas-soltu. Issa drajna, u forsi rabbejna xi ftit qoxra wkoll. Hold on. It happens to the best of us...

Madankollu, il-ħajja bħall-ballun: tonda u ddur, l-ewwel tieqaf u mbagħad tkompli, u sejrin. Hi wkoll xi ftit kiefra u redikola, u kemmxejn assurda wkoll... bħall-injuries ta' Michael Owen u ta' David Beckham, u bħat-tkeċċija ta' Wayne Rooney, fost bosta oħrajn...

Imma issa ħallina minn dan. Niltaqgħu mill-ġdid fil-kampjonat Ewropew sentejn oħra fl-Awstrija u fl-Iżvizzera (fejn ninsab proprju dal-ħin), u din id-darba b'ġenerazzjoni oħra ta' kalċaturi, u wkoll taħt it-tmun ta' kaptani oħrajn ġodda.

Intant, show must go on, so let's get back to business...

Domenech

2006-07-03T14:32:00.000+02:00

Raymond Domenech

entraineur de l'equipe de France

Con un sussulto di dignita' a Le Pen che vaneggiava: "Il problema della squadra e' che ci sono troppi neri", replicava: "Il problema della politica e' che ci sono troppo imbecilli".

(source: La Repubblica 3/7/2006)

Germanja-Italja-Portugall-Franza

2006-07-02T00:17:00.000+02:00

1) Ici Bruxelles Tghix go belt internazzjonali u tintebah kemm n-nies jingibdu l-hin kollu lejn pajjizhom. Wara kull rebha johorgu l-karozzi jpaqpqu l-hornijiet bil-bnadar tricolore iperpru mar-rih. Kuljum iz-zona tal-Bourse issir bahar ta' kuluri, storbju u nies jiccelebraw. Tfajliet, tfal, xjuh, Taljani, Portugizi u llejla, bir-ragun, hargu l-Francizi wara li laghbu loghba kbira kontra l-Braziljani li vvintaw il-cucchiaio. Meta hareg il-konvoj karozzi Portugizi bl-ghajjat u t-tixjir tal-bnadar fiz-zona fejn hemm hafna pubs, il-kollega tieghi Ingliz qaghdilhom f'nofs it- triq b'pinta f'id wahda, b'dahka kbira fuq wiccu u b'bandiera ta' l-Ingilterra fl-id l-ohra (biex niftiehmu l-bajda bis-salib l-ahmar u mhux il-Union Jack li tara ta' spiss fuq il-front tas-Sliema). U jcapcpilhom meta johorgulu subghajhom tan-nofs. Il-bierah qabel il-partita ta' l-Italja, siehbi Taljan tefa' l-Inno di Mameli (Coro e Orchestra dell'Accademia Nazionale di Santa Cecilia) u segwejt il-kliem minn fuq il-ktejjeb z-zghir. L-innijiet jinstemghu anakronistici llum. Il-Marseillaise titkellem dwar 'sang impur'* (demm mahmug) ... waqt li dan it-tim sabih u bete noire tat-torcida bena l-forza tieghu fuq it-tfal ta' l-immigranti u tal-kolonji. Henry, Zidane, Makelele, Viera. L-Inno di Mameli? 'Fratelli d'Italia/l'Italia s'e desta/Dell'elmo di Scipio/S'e cinta la testa/Dov'e la Vittoria?/Le porga la chioma/Che schiava di Roma/Iddio la creo'/Stringiamoci a coorte/Siam pronti alla morte/L'Italia chiamo''. Alluzjonijiet ghar-rebh fil-gwerer Punici, ejjew ninghaqdu u mmorru ghall-qatla. Fi zmien il-World Cup johorgu l-istereotypes tas-soltu. Id-Der Spiegel tghajjar lill-irgiel taljani "mammoni u parassiti" u l-gurnali Taljani (anki l-aktar cinici fosthom) jiehdu ghalihom. Ghada t-tabloids jikkruciffisaw lil Sven u ma trid xejn biex is-Sun issemmilek 'the obscene sums of money that the philandering Swede has made' waqt li Raymond Domenech (li l-Francizi, tipikament, iqisuh injurant u bidwi) isir eroj nazzjonali. U forsi ma tafx kif, anki Chirac jaf igawdi minnha l-bicca. Ghax il-futbol mhux biss il-loghba u l-kuluri u t-teknika imma il-hajja ta' poplu. Wara l-festa li ghamilna l-bierah, il-Francizi ukoll ser jghaddu nuit blanche fuq ic-Champs Elysees illejla u hasra li kelli nirrifjuta l-invit ta' siehbi Tom biex naqbez qabza sa Parigi. Kont niehu gost nara lil dan il-pajjiz jerga' jiccelebra s-sahha tad-diversita' fit-toroq u fil-boulevards. Imma ejja ma ngergrux. Wara kollox saru s-saghtejn u nofs u ghadna nisimghu c-celebrazzjonijiet fit-toroq ta' Ixelles. U ma ninsewx li ahna mat-Taljani nzommu. Forza Ragazzi e vai cor cucchiaio! U, bil-haqq, ghadni ma staqsejthomx lill-Belgjani x'jidrilhom minn dan l-istorbju kollu bil-bnadar ta' pajjizi ohra f'art twelidhom. Ghada nsaqsi lill-gar li qalli li jigi jaqa' u jqum mill-futbol. Ormai nahseb li drawha l-bicca ghax ma qalli xejn wara l-istorbju li ghamilna l-bierah bl-Inno di Mameli.

*(L’expression « sang impur » est parfois mal interprétée. Il ne s’agit nullement ici d’une connotation raciste faisant référence à du sang étranger. Le « sang impur » de la Marseillaise, c’est le sang de ceux qui sont tombés pour défendre la Liberté, l'Egalité, les « Droits de l'Homme » - Wikipedia.)

2) Ici Paris Hey mate! We finally did it... And this was no miracle. One of the best football memories in my whole life ; yeah, yeah, really. Our competition started on a slow & boring pace, not untalented but so stressed (the ghosts of 2002 and 2004 still heavy in their legs and flowing in their nerves), they just couldn't play. But they were still confident. The whole country, its press & medias, wasn't, but they were. They played a good (or decent) game against Togo -small & weak (but actually not so bad) team. All for Zidane's sake. And then the Spaniards, a Nation I usually consider as our closest cousin, claimed they'd retire Zidane from football. Stinky arrogance, populist stupidity and a great big incredible hole in their memories -they never won against France, they never won anything either. France is old, it's slow, we'll swallow them. Plus Aragones, with his "negro de mierda" a few months ago against Henry... Plus a few Spanish supporters welcoming the French bus with monkey shouts. Plus they whistled the Marseillaise. And the Spaniards scored first. That was it : the beginning of a small revolt. French style. Les bleus never seemed to worry. Played a great game. Old, but so experienced the Spaniards couldn't help it. Ribery, presented by the French press, before the tournament, as our "saviour" (an old French tradition, especially since De Gaulle, and even more especially with our deep actual moral crisis), saved us. Viera (only Domenech believed in him, saying when criticism was at its highest that Great Pat would make a wonderful tournament) scored the second goal. Well, a bit of a cheat by Henry, but there was an obstruction anyway. And Zidane... Scoring the final goal, definitely humiliating the Spaniards... What a wonderful self revenge. That was history written as I was "living" it! So symbolic, overcharged with deep emotions... I knew we'd win, I could sense it before the game. It's such a great thing for the country, for its mood. The atmosphere was incredible in the streets, in the metro, afterwards. Like a small 1998, like some kind of liberation... We needed it, and they did it. Despite all the (very unfair) criticism, despite the terrible schizophrenic French atmosphere during the first games (France wants heroes, but France, scared by failure, or by success, deeply self-ashamed, constantly spit on them). I believed they could do it, and now, I believe they can beat Brazil. And France is no more sceptic : we all believe it's 50-50, at least! They'll go far! And beat Italia! Cheers! Tom PS : and if we ever lose 5-0 against Brazil, we don't even care, this game against Spain was our own final! From now, it's only bonus.

3) Ici Berlin In June 2006 Germany has the honor of hosting the World Cup football tournament. Far more than a sporting event, this is the biggest global cultural phenomenon that there is. JAZZANOVA and the crew at Berlin's Sonar Kollektiv label just couldn't let the occasion slip by without marking it with a record release. And so it is that the Paz e Futebol compilation celebrates what is undoubtedly the Brazilian nations greatest passion next to soccer: music. What better time to showcase Brazilian music than coinciding with a World Cup? Featuring greats of the Brazilian music scene such as MARCOS VALLE and EDU LOBO, this record is sure to please those already in the know about the musical treats the country has to offer as well as winning over new listeners to the sound of Brazil.

Ifraħ, ifraħ kemm tiflaħ

2006-07-01T20:17:00.000+02:00

Wara l-penaltis:

F.C. Baked Beans

1

3

Sporting Bacalhau

Parabéns!

[Prosit]

TotoDinja 1-X-2: Kwarti ta' Finali

2006-06-30T00:11:00.000+02:00

Baqa' tmien partiti, u għadu mhux ċar min se jirbaħ il-kampjunat... Hawnhekk il-klassifika wara 56 logħba:

37 ... Arċibald
35 ... J'Accuse
35 ... Mandraġġar
34 ... Maqluba
34 ... Xifer
32 ... Rod Mallia
30 ... Maria
29 ... L-Imżebbel
29 ... Nigredo
28 ... Toni Sant
23 ... Ereżija

---

Il-kupun li jmiss:

57. Ġermanja – Arġentina
58. Italja – Ukrajna
59. Ingilterra – Portugall
60. Brażil – Franza

Ftakru li l-X tfisser li l-partita tkun deċiża permezz tal-penaltis, ċjoè, dro wara 120 minuta.

Ħajr lil Maria tar-ritratt.

L-aħħar 16 (per la cronaca)

2006-06-29T23:48:00.000+02:00

Forsi erba' snin oħra nagħmlu xi ħaġa...

Ġermanja 2 Żvezja 0

Arġentina 2 Messiku 1 (w.ħ.b.)

Ingilterra 1 Ekwador 0

Portugall 1 Olanda 0

Italja 1 Awstralja 0

Żvizzera 0 Ukrajna 0 (3-0 pen.)

Brażil 3 Gana 0

Spanja 1 Franza 3

Mismugħ fuq ir-Rai fil-minuta 16 tal-partita Ingilterra-Żvezja, wara li Joe Cole ipprova jdendel kross lil Crouch [u li dan (s)fortunatament ma laħaqx]: «non è un piacere da vedere, anzi, è decisamente brutto!»

Fl-aħħar sirt naf in-nazzjonalità tal-kummentatur Latinoamerikan – osservaw kif f'dan il-vidjo tal-frikik ta' Beckham l-o tal-kelma gol titkarkar wisq inqas minn dawk li smajna f'vidjos oħra:

Ma setax jonqos: kif ikkonferma l-awtur tal-blogg Futbolizados, dal-vidjo huwa meħud sewwasew mit-televiżjoni Ekwadorjana!

Għax il-kalċatur mhux mill-ballun biss jgħix....

2006-06-29T09:09:00.000+02:00

"Pessotto was taken to a Turin hospital on Tuesday with multiple fractures after falling an estimated 15 metres from a second-storey window. He was reported to have been clutching a set of rosary beads."

Koko

2006-06-28T12:23:00.000+02:00

B'dedika lil Jacques (bl-akbar simpatija u gettwellsuwn) kif ukoll lill-Anġlu u t-Taljani

L-i"Stepover"

2006-06-28T10:10:00.000+02:00

Gewwa Ruma ghadhom jilludu ruhhom li l-imgharfa mossa ta' Tonto Totti. kull plejer ghandu mossa tieghu. Ronaldo ihobb wisq jaghmel zifna fuq il-ballun hu u jigri lejn l-avversarju jew lejn il-lasta. Li l-mossa ma hix wahda hafifa rajna l-bierah, ghax x'hin dak li maghruf bhala l-Imperatore ipprova jemula lill-Fenomeno u waqa' wahda ghan-nejk kif ukoll garrab karta safra tas-simulazzjoni. Pero' li l-mossa ma originatx ma Ronaldo mhux kullhadd jaf.

Garrincha (ara ritratt) li rebah it-tazza tad-Dinja darbtejn ('62 & '58) kien jittormenta d-difensuri billi jaqleb kontinwament sieq u ohra fuq il-ballun waqt li kien jibqa' wieqaf. Kien ihalli l-oppozizzjoni imbellha, u kif jarahom hekk, ipnotizzati, il-Braziljan kien jispara minn hdejhm bhal vapur ta' l-art. Edson Arantes do Nascimento, jew ahjar Pele, ghamel il-mossa maghrufa bhala l-istepover biex hawwad il-gowler Urugwajan Ladislao Mazurkiewicz filt-Tazza tad-Dinja tas-70 izda wara li qabzu tefa' l-ballun barra. Denilson, plejer li laghab hafna Spanja u deher fil-Brazil tat-98 kien ukoll ihobb hafna jaghmel l-istepover.

U dwar Angelo u l-fatt li gie jitnejjek kif ta' l-penalty Totti. Nimmagina li hekk hu. Bhala tifoso ma tkunx tridu jiehu xi riskju. U nimmagina ukoll li bhala tifoso Angelo jitnejjek li l-penalty fuq Grosso kien inezistenti. L-importanti r-rizultat. Ghalhekk ninkwieta meta nara l-Brasil jilghabu bhall-bierah. Inaghlqu biex jghajjew il-Ghana. Hafna kontrattakk. Qisna l-Chievo Verona. Imbaghad jigi Parreira u jghidlek l-importanti r-rizultat. Allura might as well inzomm mal-Fantazzurri jew mal-Lions who thrash Ecuador!

Colorín colorado...

2006-06-27T23:09:00.000+02:00

Colorín colorado,
este cuento se ha acabado...

Kangaroo

2006-06-27T21:51:00.000+02:00

Milli nista' nara, sakemm irkuprajt ilħaqtu għidtu kollox dwar il-partitona (tutto tranne...) tat-Taljani. Inutli nintilef fil-kronaka, għax kulħadd diġa' qal tiegħu. Ngħidilkom biss li l-esperjenza kienet waħda minn dawk li ma tinsa qatt (u anke hawn, xejn li ma stennejtux li ser tisimgħu).

Li laqatni kien in-numru kbir ta' Awstraljani li kienu l-grawnd. Żgur aktar milli Taljani. U aktar minn hekk, l-ispirtu li bih iħarsu lejn l-isport (ħaġa li innutajtha f'ħajja oħra fil-Yankees). Temmnu li wara l-logħba komplew b'party fit-toroq akbar minn dak li kienu diġa' għamlu qabel ma beda l-uġigħ ta' żaqq f'Kaiserslautern? Jista' jkun il-birra, imma jista' jkun ukoll l-isport veru, jew kif suppost ikun, u li aħna ma nafux x'iġifieri minħabba l-krib tar-rai, il-kospirazzjonijiet tal-gazzetta, is-suspetti ta' l-equipe eċċ. eċċ.

Re il-cucchiaio, frankament kont niġi nitnejjek kif itih, basta jagħmlu. Għaddewli wisq ħsibijiet minn moħħi f'dawk is-sekondi ta' l-aħħar....aħseb u ara hu. Attwalment dibatittu sħiħ fuq mgħarfa jew furketta huwa possibbli għax darba fettillu jtina l-pjaċir li jagħmilha. Min jagħmilha bħalu ħaqqu prosit daqsu. L-aqwa li jgawdi s-sapporter...bħali.

Fejn nafek?

2006-06-27T16:12:00.000+02:00

La qbadna z-zifna.... Rachid Bouazizi (Tunizin) jaghti lemha wankellettwali lil:

a) David Friggieri
b) Dolly the Sheep
c) Francesco Totti
d) All of the above

Dawra mat-Trasvestiti Trasteverini ghar-rebbiegh.

Fejn nafek?

2006-06-27T14:29:00.000+02:00

Oleguer Presas, difensur ta' Spanja u camplin ewropew mal-Barca jixbah lil:

a) Jacques Rene Chirac

b) Eddie Fenech Adami

c) Jacques Rene Zammit?

Premju: tanga hadra u safra stil Copacabana Beach

Fejn nafek?...

2006-06-27T13:49:00.000+02:00

Cris, plejer tal-Brazil, u Guze` Stagno, kittieb Malti.

Italiani di Lussemburgo

2006-06-27T13:14:00.000+02:00

Avenue de la Gare (Luxembourg) wara Italja - Awstralja 26-06.06.

Tifosi - Kinnie & Twistees

Fejn nafek?...

2006-06-27T11:39:00.000+02:00

Koebi Kuhn, kowc ta' l-Izvizzera u Jack Lemmon, attur.

Kont qed nerġa' nitgħallem naqbeż, u mbagħad kien hemm dak il-penalti

2006-06-27T10:34:00.000+02:00

Kont erġajt bdejt nitgħallem naqbeż bil-ferħ, fil-kumpanija tat-tifosi Maltin kollegi tiegħi hawnhekk fil-Lussemburgu. Ġimgħa ilu intfajna t-Tie Break u rajna t-Taljani jirbħu maċ-Ċeki, u f'dik is-siegħa u nofs, qalb gaj partitarji akkaniti, li jafu l-ismijiet tal-plejers u jafu x'għandu jagħmel Lippi - u jien nistaqsi, bħaċ-ċuċ, "U Del Piero għalfejn ma jilagħbuhx?" - dfint darba għal dejjem kull pretensjoni li kelli li nżomm maċ-Ċeki tal-passat qarib tiegħi, u erġajt bdejt niskopri l-passato remoto, meta jien ukoll kont naf inkun partitarju akkanit ta' l-azzuri. U għalhekk, ma' l-ewwel gowl arawni naqbeż mis-siġġu bħall-oħrajn. Wara għamilt xi kalkoli... kont ili ma nagħmel xi ħaġa simili mill-inqas 12-il sena, mill-werld kapp tan-94... jekk mhux qabel...

U għalhekk, il-bieraħ erġajt intfajt it-Tie Break mat-tifosi Maltin Lussemburgiżi...

...iżda did-darba ma wasalx iċ-ċans li naqbeż ma' l-oħrajn. M'inix tifoso minn dawk li jinsew kollox u jintilfu jwerżqu, ANKE meta kien ċar li ma kienx penalti... u jibdew ifittxu skużi (ma kellux jitkeċċa Materazzi lanqas jew u x'għamlulna erba' snin ilu? kien ħaqqna daqsxejn fortuna) biex il-kuxjenza tiskot u ċ-ċelebrazzjonijiet jissuktaw kif suppost... iżda dawn huma biss skużi... il-penalti ma kienx, u nħossni misruq, għax meta mort it-Tie Break il-bieraħ mort hemm bl-intenzjoni li nieħu pjaċir inħossni parti minn grupp nies kollha bl-istess idea f'moħħhom, xi ħaġa li ili ħafna ma nħoss...

Lil dak li qarraq lir-referi u ġab il-penalti għat-Taljani ngħidlu: "Ħxejtli nofs ta' nhar! Waqqajtni down! Fottejtli kull sens ta' komunita! Grazie stronzo! Grazzi ewropew imfissed! Imma xorta magħkom ħa nżomm kontra l-Ukrajna. Ara jiena vera kont misħut meta saħħartuli qalbi..."

Iffirmat,

Partitarjupartitarja

Il Cucchiaio

2006-06-27T09:11:00.000+02:00

Xi ftit tal-jiem ilu kont qed nitkellem ma' futbolite u certu lettis dwar il-meriti u demeriti tal-wisq ozannat Totti. Dak l-istess Totti, illi l-bierah sa l-eroj tal-penizola wara li skurja penalt(r)i li inaghta fuq foul inezistenti meta Grosso ghogbu jitmieghek gewwa l-kaxxa. L-istess Totti illi kien kawza ta' elf ghajta ta' furur fost il-bolgja supporters taljani gewwa t-Tie Break kafe' (illi jdoqq l-innu taljan ma kull gowl ta' l-azzurri) anki meta' kien ghadu fuq il-bank tar-rizervi. L-istess Totti li suppost huwa l-antidotu tal-hazen irraprezentat minn Del Piero (ibbujat u mghajjar anki fejn m'ghandu l-ebda tort).

Ghax jekk tara loghba ta' l-Italja b'sens oggettiv tinduna kemm is-support jaf ikun gakbin. Lil Del Piero ma tawhx nifs. Meta hin minnhom Gattuso ta' cross li laqqas Peter Crouch fuq spallejn Luca Toni fuq spallejn Mark Vella ma kien jilhaq, xorta kien hemm xi guda (Romanista) ghajjar lil Del Piero "incompetente" u "pippa" talli ma rabbiex par gwienah u tar. U dlonk tisma' isem Totti jissejjah bhallikieku dak li s'issa ibbrilla u xeghel kampjonat mondjali se johroghom mill-infern.

U hekk gara. Dahal Totti u hareg Del Piero fost il-gubilew tas-support. U impressjonani dan Totti. Madonna l-grawnd sar nar ta' loghob u l-loghba saret Totti vs the Rest. L-isbah kienet meta plejer Aussie laqat lil Totti bi' zbrixx u dan waqa' malart fl-isbah stil Ruman u Taljan. Wara mument tijatrin, u xhin ra' li l-foul inaghtalu, Totti qam qisu mhux hu. Imma insomma "if it's in the game, it's in the game".

Imma nergghu lura ghal-Angelo u Lettis. Jien kont indannat per ezempju kif it-taljani minghalihom li Totti ivvinta dak li jissejjah il-"cucchiaio" (l-imgharfa) - lob ta' kiesah li tispjazza gowlkeeper u tidhol helwa helwa fil-lasta. Ghalxejn tispjega li Socrates & Co kienu ga jaghmlu l-affarijiet bhal dawn meta Totti kien ghadu pupino u mhux pupone. Pero', qalli Angelo, Totti biss ghandu l-gazz (guts) jaghmilha f'loghba krucjali. Ghalxejn il-lettis hareg b'xi statistika dwar Czechozlovakia - Germania ta' xi 1960 fejn l-imgharfa kienet intuzat. Totti biss. Totti Totti Totti. Jilghabx qisu l-hmar ta' bendu jew le, il-mit li inholoq madwaru inkredibbli.

U nigu ghall-bierah. Fil-mument krucjali. Penaltri fid-94 minuta. Totti kontra Schwarzer (goalkeeper tal-Middlesborough illi qalghu lir-Roma mill-UEFA). Tahsbu li l-genju tal-Pantheon holqilna xi penaltri gdid? Hargilna b'xi gojjel? Le. Wara l-loghba qalilna li "ikkunsidra l-imgharfa, imma haseb li ahjar le". Lippi qal li beza' li se jipprova l-imgharfa. U Del Piero? Qalilna li anki hu kien kapaci jixxuttja penaltri. Mur obsor.

Fast forward ghal Svizzera - Ukrajna. Ghaddew mija u ghoxrin minuta. Skor ghadu vergni. Sheva Shevchenko tal-Milan ta' Meani jitlef l-ewwel pinaltri. Jitilfu anki l-ewwel Svizzeru. Jitla' plejer Ukrajn ghadu gej mill-Under 21. Qed jilghab ir-raba' loghba tieghu man-nazzjonal. Importanti li jiskurja - ghax ir-ritmu tal-gowls ghadu ma qabadx. Pressjoni inkredibbli. Jismu Milevskyi. Ghandu wiehed u ghoxrin sena. Jista' jaghzel... ponta ghad-dritt. Placed shot. Jista' jaghlaq ghajnejh u jitlob li tigih tajba. Imma le...

....qahbec... ma jaghmillekx il-cucchiaio?

Hawn min bil-kliem u paroli irid ibellaghlek it-Totti bl-imgharfa, u hawn min mutu mutu, kwiet kwiet qed jilghab il-loghba sabiha.

PS> Innutaw l-ispazju moghti fil-Gazzetta dello Sport lil din il-prodezza ta' kalma ta' Milevskyi. Fejn is-soltu "cucchiaio" ta' Tonto jimla ta' l-inqas zewg pagni:

Decidono i rigori. L'Ucraina inizia malissimo, con l'errore di Sheva. Ma tutto è annullato dallo sbaglio di Streller. Poi Milevskyi inventa un "cucchiaio" e porta avanti i suoi, Barnetta sbaglia, Rebrov segna, Cabanas no e Gusev manda la formazione di Blokhin ai quarti. Venerdì ad Amburgo c'è l'Italia.

Li jikkonferma li fil-futbol... iktar milli f'kull haga ohra "beauty is in the eye of the beholder".

Ma che sollievo...

2006-06-26T19:28:00.000+02:00

Mat-Taljani dejjem tbati. Fil-mitiku kampjunat ta' l-94, kważi kull meta kien jidher li l-logħba kienet se tmur għall-ħin barrani jew saħansitra għall-penaltis, f'daqqa waħda kien ifiġġ Roberto Baggio qisu minn imkien biex jiskorja l-gowl deċiżiv li jsalva lit-Taljani. Bis-saħħa ta' Baggio, dik is-sena waslu sal-final, u kif żgur tiftakru lkoll, l-eroj inbidel f'żbandut fi frazzjoni ta' sekonda - il-ħin li wieħed jieħu biex jiskorja jew ifalli penalti.

U l-lum mill-ġdid, minkejja li l-aktar bniedem li influwenza l-andament tal-logħba reġa' kien ir-referì -għax ma naħsibx li Materazzi kellu jitkeċċa, u għadni m'iniex ċert jekk it-Taljani tassew kienx ħaqqhom penalti-, frazzjoni ta' sekonda kulma kien jeħtieġ. Wara xi 45 minuta ninkwieta, naqta' qalbi, nibża', nagħmel in-nervi, ngħajjat waħdi għax deherli li l-plejers Taljani kienu qegħdin jilagħbu bla qalb waqt li ċerti membri tal-każin għoġobhom jiftakru f'demm u f'qrabat ir-referì (li kumbinazzjoni, kien Spanjol), sponta Totti u xeħet il-ballun fix-xibka mingħajr ma tniffes.

X'tbatija sa dak il-waqt! Għall-erwieħ!!

Dal-lejl ħlomt li miet Pelé

2006-06-26T16:20:00.000+02:00

...kellhom ikunu l-Franz Ferdinand u mhux il-Placebo...

...imma sewwa jgħid Xifer: misħut il-Lussemburgu...

l-ewwel xemx wisq sabiħa u kollox ward u żagħar... ġuvnotti b'xagħarhom imħabbel u telqa nobis... ħafna nisa gotiċi qishom sħaħar li tant iħawwduni... palk imponenti u ismijiet promettenti jwiegħdu spettaklu... kollox qisu dak il-festival kbir li morna fi Spanja sentejn ilu...

u mbagħad...

ix-xita u r-ragħad... tfaqqigħ ta' silġ... kesħa... sema ċlampu... għatis... ħwejjeġ imxarrbin għasra... mowbajl domnu... l-art kollha ħmieġ u tjun... tidlik... partita tedjanti għall-aħħar... diżillużjoni... għajja... għatx... tertir... qtugħ ta' nifs... rassa ostili... ħass ħażin... u mixja twila lura d-dar...

...u Brian Molko sar proprju Lussemburgiż borgiż... issa sarilna nadif tazza, liebes pulit, b'xagħru maqtugħ qasir... sewwa qal fi Black Eyed ilbieraħ, qatt ma kont xi ħadd li tista' toqgħod fuqu... qatt ma kont fidil... is-soltu msomma... m’għadux imżebbel... forsi qatt ma kien... u forsi lanqas l-Imżebbel m'għadu daqstant imżebbel...

Imn’alla kienu Rio u Franz Ferdinand... u David Beckham...

...u dal-għodu qomt ma niflaħx... forsi wkoll għax dal-lejl ħlomt li miet Pelé...

Vit jew skorfina

2006-06-25T19:44:00.000+02:00

Ili noħlomha mill-eqqel ta' tfuliti. Minn banda nħossni ixxurtjat wisq li esperjenza bħal din, li dejjem kienet tidher kważi impossibbli, issa ser issir realta' daqshekk malajr. Fil-kompetizzjonijiet passati li niftakar, fl-Italja u fl-Istati Uniti kont żgħir wisq, fi Franza probabbli kont qed nagħmel xi eżamijiet, fl-2002 saret in-naħa l-oħra...u f'kull waħda kont ngħid li xi darba nixtieq immur nara logħba tat-tazza tad-dinja.

Issa għada sejjer. U ser naqsamha magħkom. U ser taħsbu fija waqt il-logħba tat-Taljani. Tgħidu dak ix-xadin min jaf x'buzz qed jieħu, jew balleċ kien tant beżżul li kellu jara t-Taljani jitilfu...cioe' jinqalgħu - għax għandhom ħabta jinqalgħu mingħajr ma jitilfu. Għada ngħidilkom (jew pitgħada, probabbli jkolli bżonn ftit żmien biex nirkupra). Minn filgħodu nlebbet lejn Kaiserslautern, bil-flokk tat-Taljani u, ma jistax jonqos, bandiera ta' Malta...ħalli jkollkom aktar fejn timirħu fid-dibattiti mqanqla, mkebbsa mill-Imżebbel et al, u li ngħidu x'ngħidu ma ntemmuhom qatt.

Kont inkun kuntent anke nara s-Sawdi mat Tuneżija. Ukoll kont inħossni xxurtjat. Imma minn hawn jew minn hemm lgħabt karta biex forsi nazzekka t-Taljani. U ġiet tajba. Ħa naraw tiġix kompluta.

MaxiGol

2006-06-25T03:28:00.000+02:00

Ma kontx se nibbloggja l-lejla, imma...

Sa ftit tal-jiem ilu, l-aktar gowl ta' din l-edizzjoni tat-turnew ivvotat mill-qarrejja tas-sit tal-Fifa kien dak ta' Cambiasso, it-tieni gowl ta' l-Arġentina kontra s-Serbja u l-Montenegro, wara mhux inqas minn 25 daqqa tal-ballun:

Imbagħad, il-gowl ta' Cambiasso niżel fit-tieni post, għax kellna l-ġawhra ta' Joe Cole:

Iżda l-lejla, fil-ħin barrani tal-partita kontra l-Messiku, Maxi Rodríguez għamel kważi l-istess ħaġa, iżda fil-fehma tiegħi b'ħafna aktar stil, u ovvjament f'mument wisq aktar importanti... naħseb li l-gowl tal-kampjunat mhux se jkun Ingliż iżda Arġentin. Hawnhekk għandkom il-gowls tal-partita... meta jasal il-gowl ta' Maxi, bil-kummentarju Latinoamerikan u l-mużika fl-isfond, u dik l-o ta' gol titkarkar sa l-infinit, ikolli ngħid, ġismi jqum xewk xewk...

Rio u Franz Ferdinand... jew Placebo?

2006-06-24T12:00:00.000+02:00

Għada, ftit sigħat wara l-logħba tat-tieni rawnd bejn l-Ingilterra u l-Ekwador, se nkun qiegħed nara lil Placebo, li hu wieħed mill-iżjed gruppi favoriti tiegħi. Kont ili erba' snin noħlom li xi darba narahom, u meta ċ-ċirkostanzi tal-ħajja ġabuni 'l hawn fuq, kont kważi ċert li xi darba għad ninzertahom.

Ma mortx żmerċ għax hekk ġara. U mhux talli hekk, talli qabilhom inzerta li se jkun hemm ukoll il-Franz Ferdinand.

Terġa', jekk dejjem jgħaddu, ftit sigħat wara li l-Ingliżi jkunu tqatlu kontra l-Olanda jew il-Portugall, jiena nkun qiegħed nara lid-Depeche Mode u lil Morrisey ma' xi kollegi, fosthom ereżija u Xifer. Għal dan il-kunċert ħerqan ħafna wkoll, għax dejjem qist lil Placebo bħala verżjoni alternattiva elettrika tad-Depeche Mode, u l-mużika ta' Morrisey u ta' l-Ismiths dejjem tfakkarni f'dik il-melonkonija Brittanika tipika li tant togħġobni.

Tgħid għada, liema esperjenza se nibqa' niftakar l-iżjed bħala l-isbaħ waħda, il-kunċerti jew il-partita? Aħjar ma nissograx imbassar. Mill-esperjenza, naf li fuq prestazzjoni tajba mill-Placebo fuq il-palk dejjem tista' tkun ċert, iżda fuq waħda tajba fil-grawnd mill-Ingliżi mhux daqstant. F'das-sens, il-Placebo meta mqabbla mat-tim nazzjonali Ingliż ma tistax tqishom bħala xi one-hit-wonderers. Ma' dawk qatt ma taf x'se jiġri; stenna minn kollox: mill-pwerili sas-sublimi. Però mill-banda l-oħra dawn x'imkien jiltaqgħu: ħafna drabi t-tnejn jafu jwaqqgħawk down.

Ikolli ngħid li dawn il-kunċerti ħabtu f'ġurnata tabilħaqq ħażina, imma kif jgħid il-Malti, kull deni ħudu b'ġid. Għada, jekk l-Ingliżi jgħaddu għall-kwarti tal-finali, tkun tassew sabiħa li l-ġurnata mbagħad immur nispiċċaha hekk bit-tgawdija ta' dawn il-kunċerti. Aktarx f'dak il-każ, għal darba, inkun iżjed fil-burdata li nara u nisma' l-mużika fuq tagħha tal-Franz Ferdinand.

Iżda jekk inkunu bqajna l-art, imbagħad, il-mużika tal-Placebo tkun tassew ferm ideali biex inkompli nżid iżjed id-dipressjoni...

...tassew komunjoni...

TotoDinja 1-X-2, L-aħħar 16

2006-06-24T02:21:00.000+02:00

Il-kampjunat 1X2 infetaħ beraħ. Arċibald għadu f'ras il-klassifika, imma l-vantaġġ li kellu naqas sew u issa J'Accuse u l-Mandraġġar jinsabu biss punt 'il bogħod. Baqa' sittax-il logħba oħra, u għandu mnejn is-suspense jibqa' sejjer sal-ġurnata tal-final...

Hawnhekk il-kupun li jmiss – ftakru li se nużaw l-X biss jekk naħsbu li l-logħba tispiċċa fi dro wara 120 minuta (mhux 90) u tiġi deċiża permezz tal-penaltis.

49. Ġermanja – Żvezja
50. Arġentina – Messiku
51. Ingilterra – Ekwador
52. Portugall – Olanda
53. Italja – Awstralja
54. Żvizzera – Ukrajna
55. Brażil – Gana
56. Spanja – Franza

Gruppi E-F-G-H, Ġurnata 3

2006-06-24T00:56:00.000+02:00

Qatt ma fhimt kif it-tim tar-Repubblika Ċeka kien għamel xi żmien fl-ewwel għaxra tal-klassifika tal-Fifa, għalkemm meta tqis li bħalissa l-Istati Uniti jinsabu fil-ħames post tinduna kemm din il-klassifika mhijiex ta' min jorbot fuqha. Minkejja d-daqsxejn ta' biża' li kelli, l-iżjed forsi minħabba d-data partikulari tal-logħba, l-Italja għaddew mingħajr wisq problemi, u ma naħsibx li se jbatu ħafna biex jaslu sas-semifinali. Min-naħa l-oħra, l-uniku seed li ma rebaħx il-grupp tiegħu kellu jkun Franza, li issa se jiltaqgħu ma' l-Ispanjoli. Ħażin. Zidane ilu xi erba' snin jilgħab maġenb u kontra l-plejers ta' Spanja u jafhom sewwa; iżda aktar minn Zidane, qed nibża' minn x'jista' jagħmel Thierry Henry. Waqt sessjoni ta' taħriġ tas-selezzjoni Spanjola li saret m'ilux, Luis Aragonés daħal f'polemika meta pprova jinkoraġixxi lil Reyes bil-kliem «¡tú eres mejor que ese negro!», b'referenza għall-attakant Franċiż, kollega tiegħu fl-Arsenal. Aragonés ħaqqu lezzjoni, u Henry, bi raġun, wisq probabbli se joħroġ biex jagħtihielu. Malos tiempos para la lírica...

Kif diġà għedt darbtejn tlieta, ix-xewqa tiegħi kienet li Spanja jiltaqgħu mal-Korea t'Isfel, opportunità tad-deheb biex jivvendikaw id-disfatta ta' erba' snin ilu, meta l-iżbalji ta' arbitraġġ iffavorixxew lill-Koreani. Iżda l-mogħdijiet tal-futbol kultant ikunu aktar misterjużi milli jidhru, u l-lum il-ġudizzju (naħseb żbaljat) tar-referì ħadem kontrihom: il-gwardalinja tella' l-bandiera għax Frei kien f'pożizzjoni irregolari, il-gowler u d-difensuri Koreani waqfu, Frei tefa' l-ballun fix-xibka, u mbagħad ir-referì iddeċieda li l-gowl ma jħassrux. Sa dak il-mument il-Koreani kellhom bżonn jiskorjaw gowl wieħed biss biex forsi jibqgħu fil-kampjunat... iżda tqarraqt. M'hemmx x'tagħmel.

Lil hinn mill-ipoteżi u minn dak li seta' kien, minn issa 'l quddiem ser ikollna ħafna partiti interessanti. It-Taljani jerġgħu jiffaċċjaw skwadra mmexxija minn Guus Hiddink, bi plejers li żgur mhumiex se jaqtgħu qalbhom kif għamlu ċ-Ċeki l-bieraħ. Partita oħra li qed nistenna bil-ħerqa hija dik bejn il-Brażil u l-Gana. Veloċità garantita. U jekk l-Ispanjoli jridu jeħilsu mis-saħta li ilha ddellel it-tamiet tagħhom, ser ikollhom jirbħu erba' partiti mill-aktar diffiċli...

Hawnhekk ir-riżultati ta' l-aħħar tmien logħbiet – ikklikkjaw fuqhom biex taraw l-filmati korrispondenti.

Repubblika Ċeka 0 Italja 2
Gana 2 Stati Uniti 1

Ġappun 1 Brażil 4
Kroazja 2 Awstralja 2

Togo 0 Franza 2
Żvizzera 2 Korea t'Isfel 0

Għarabja Sawdita 0 Spanja (B) 1
Ukrajna 1 Tuneżija 0

Mingħajr dubju, l-iktar spettaklu li rajna f'din l-aħħar ġurnata ta' l-ewwel fażi ġie mill-grupp F, konkretament fit-tieni taqsima tal-partiti Ġappun-Brażil u Kroazja-Awstralja. Jidher li l-Brażiljani reġgħu sabu l-jogo bonito li tant huma magħrufa għalih, u li Ronaldo qatagħha li jibda jilgħab daqsxejn futbol u anki joħloq periklu quddiem il-gowl. Fil-logħba l-oħra kien hemm minn kollox: żball iblah tal-gowler Awstraljan, tliet karti ħomor, konfużjoni papali meta Pletikosa ipproteġa l-ballun b'ġismu kollu eżatt fuq il-linja tal-gowl, l-enerġija u d-determinazzjoni tas-Socceroos bħalma kienu wrewna kontra l-Ġappun... Dan kollu tistgħu tarawh fiż-żewġ vidjos ta' hawn isfel.

Ġappun 1 Brażil 4

Kroazja 2 Awstralja 2

Hawnhekk il-klassifiki finali u l-panorama tat-tieni fażi tal-kampjunat.

Sadattant, fil-Brażil ħarġet fis-suq verżjoni carioca tal-mustardini Tic Tac, li tiċċelebra bil-quddiem il-Hexacampeonato tas-Seleçao (ċjoè, is-sitt Tazza tad-Dinja):

Kif jgħidu, min ħexa mexa, u min ma mexiex…

Lamppost Campaign

2006-06-23T13:57:00.001+02:00

Il-lamppost (temporanja) tiegħi għall-kampanja favur it-tolleranza... avolja lil dan ma tantx nittollerah... imma xejn xejn, iservi għal xi ħaġa...

...ħasra li ma nzertax kunjomu Lampard...

(B'dedika speċjali lil dan sieħbi)

Man/Woman of the Match

2006-06-23T08:06:00.000+02:00

Italja - Repubblika Ceka : 2-0

Rudi Voeller. Sa fl-ahhar wasal il-mument tieghu! Ghal min segwa l-loghba ta' l-Italja u r-Repubblika Ceka fuq ir-Rai Uno, fil-haf tajm seta' jgodi minn intervista qasira lill-plejer/kowc li sar mit f'din il-kolonna. Ovvjament staqsewh x'jidhirlu mill-loghba u kif qed jara lit-tim Taljan igib ruhu. Rudi qal li t-Taljani kienu qed jilaghbu loghba tajba, u hawnhekk inqabad li minflok jara l-mecc kien qed jilghab Pro Evolution Soccer 5 fuq il-PSP. Minkejja dan l-iskerz, Rudi xorta laqat wahda tajba u qal li Gilardino kien kemmxejn izolat. Marcello Lippi kien qed isegwi din l-intervista mimdud fl-art, magenb il-gurnalista, fejn la Rudi u lanqas il-kameramen tar-Rai ma setghu jarawh. U Lippi mexa fuq il-parir ta' UberVoeller, u fit-tieni taqsima dahhal lil Super Pippo minflok Gila. Il resto e` storia.

Rudi Voeller huwa shortlisted ghall-premju Most Friendly Face on the Premises, flimkien ma' Zdenek Zeman wara loghba kontra l-Juve; Ronaldinho meta jfalli pass; Adriano Galliani; u wicci casomai l-Ingilterra jghollu din it-Tazza tad-Dinja.

Il-lingwa tal-futbol

2006-06-23T00:45:00.000+02:00

Artiklu li deher fir-rivista Sagħtar, Novembru 2004,
miktub minn Olvin Vella

Il-preżentaturi ta’ l-isports ta’ sikwit jiġu kkritikati talli jużaw Malti ħażin jew ikrah. Bosta jmaqdruhom talli jużaw kelma flok oħra u talli jissellfu kliem barrani.

Ngħiduha kif inhi, ma rridx inkun xagħra f’rashom għax biex tirrakkonta disgħin minuta futbol u ma tiżbaljax, diffiċli wisq. Il-Malti, kuntrarju għal-lingwi l-kbar, m’għandux tradizzjoni twila ta’ lsien użat f’funzjonijiet differenti. Anzi, għal sekli sħaħ dejjem qasam il-medda ta’ l-użu ma’ ilsna ħafna akbar minnu u ta’ sikwit kien iħossu, u għadu, magħfus biex ilaħħaq magħhom. Fi kliem ieħor, mhux lakemm nippretendu l-mirakli mix-xandar.

Imma dan ma jfissirx li m’għandniex nagħmlu iżjed. Ejjew nieħdu l-eżempju ta’ xandira ta’ partita tal-futbol. Bl-għajnuna ta’ l-istudenti tal-Liċeo Vassalli (Tal-Ħandaq) ġbart il-vokabularju li jużaw huma u jilagħbu. Kif wieħed jista’ jara hawn taħt, fuq ix-xandir nisimgħu xi wħud minnu, imma mhux kollu. Huwa kliem idjomatiku u allura isbaħ mill-kliem tekniku u bombastiku li nisimgħu.

* * *

Il-logħba joħorġuha, plejer fin jilgħabha (jew jgħaqqadha), jagħmel finta, idawwar id-difiża, jasal quddiem il-gowler, iqandilhulu u jagħmel gowl bellezza.

It-tim l-ieħor ma joqgħodx b’idejh fuq żaqqu. Jibda jiġġieled għall-ballun. Id-difensur ċentrali inewwel ballun lin-numru għaxra, imma d-difensur tat-tim l-ieħor jiġri fuq il-plejer u jarmih. Ir-referì saffar free-kick. Imur biex jagħtih in-numru ħdax. Jiġri, jixxuttja u jifqgħu. Wieħed b’wieħed.

Il-logħba qed issir iktar interessanti. It-tim l-ieħor ħariġha diġà. Qed jattakka. Id-difiża rieqda. Kross mill-ġenb u forċi. Impitter. Tnejn b’wieħed!

It-tim l-ieħor lanqas mhu wieħed li jċedi malajr. Il-ballun fin-nofs biex inkomplu l-logħba. It-tisfira. Telgħu jattakkaw mill-ewwel. In-numru sebgħa jiftaħ fuq il-lemin, l-attakkant ħarat lid-difensur, imma n-numru ħamsa jitkaxkar u jisraqlu l-ballun. Bravu! Jitfa’ l-ballun fin-nofs l-ieħor tal-grawnd, sieħbu l-attakkant iwaqqa’ l-ballun lin-numru l-ħdax, l-ieħor jiġri għalih u jfaqqa’ xutt bomba. Il-gowler jintefagħlu imma l-ballun... ixxellef mal-lasta. Ħaqru!

Il-logħob jerġa’ jibda mill-kaxxa ż-żgħira. Il-gowler jixxuttja ’l fuq, id-difensur tat-tim l-ieħor imewtu imma l-attakkant li mar jiġri fuqu jaqtgħu.

Ikompli l-logħob.

* * *

U miegħu nkomplu nżidu l-vokabularju Malti.

Xi jfisser, ħa nara, meta ngħidu: kissirniehom; ballun barra; nasbuh lil dak il-plejer; daqqa ta’ ras; tkaħħal ma’ l-art; il-gowler issallab; stampa l-lasta; u għamilhulu?

Tifsiriet

1.	rabuxxata / forċi	bicycle kick
2.	jilgħabha / jgħaqqadhielu	iddribilja
3.	ħawwad id-difiża / dawwarha	fixkel
4.	kissirniehom	irbaħnielhom sewwa
5.	xutt bomba	xutt b’saħħtu
6.	iftaħli	sib l-ispazju
7.	qandilhulu	illobjalu l-ballun
8.	ħartu	qabżu fil-ġiri
9.	xellef il-lasta	ħabat mal-lasta u mar barra
10.	flokkijiet	gerijiet
11.	gowl bellezza	gowl sabiħ
12.	id-difiża raqdet	id-difiża ħadet żball kbir
13.	xeħet / newwel	ta long pass
14.	tkaxkar	għamel sliding tackle
15.	jisraqlu l-ballun	ħadhulu
16.	faqgħu	skurja b’saħħtu
17.	ballun barra / mar barra / telaq	out of play
18.	se joħorġuha	kick-off
19.	mewwithulu	stoppjah
20.	ħaqru	hard lines
21.	iġġieled għall-ballun	għamel pressjoni
22.	nasbuh	inqabad off-side
23.	waqqagħlu l-ballun	jikkontrolla l-ballun mill-arja u jqassam qabel ma jmiss ma’ l-art
24.	daqqa ta’ ras	header
25.	tkaħħal ma’ l-art	waqa’ waħda kbira
26.	il-gowler issallab	ma setax jagħmel mod ieħor
27.	stampa l-lasta	ħabat mal-lasta u l-ballun reġa’ fil-grawnd
28.	jintefagħlu	jaqbeż għall-ballun
29.	il-freekick pinġieh / pittru	ixxuttja bil-preċiż
30.	kif qatgħu	iwaqqgħu xi waħda kbira
31.	għamilhulu	gowl
32.	ramieh	tah charge

Ħames lustri u tlieta

2006-06-22T20:49:00.000+02:00

Fejn jidħol il-futbol, u ġieli anki fejn ma jidħolx, kont mingħalija li t-22 ta' Ġunju kienet dejjem ġurnata misħuta. Minkejja li suppost ikun diġà daħal is-sajf, meta kont għadni l-Ingilterra, it-22 ta' Ġunju ta' spiss kienet tagħmel ix-xita. U fil-fatt, sa ftit sas-snin ilu, din id-data kont nistmerrha daqs il-25 ta' Diċembru.

22 ta' Ġunju 1996 – Tliet lustri u tlieta
Chelmsford, L-Ingilterra
Kwarti ta' Finali ta' l-UEFA '96, Ingilterra vs. Spanja

Mhux biss kont għadni kemm lestejt l-A-Levels, imma kont tlaqt mill-boarding school darba għal dejjem. Kont qed nistenna li jasal Lulju biex naqbad il-pullman lejn ix-xatt Mediterran ta' Spanja. Iz-ziju Żepp, dilettant kbir tal-futbol u tal-logħob tal-karti, ġie minn Malta biex iqatta' ġimagħtejn għand missieri, u ħuti, li jżommu ma' l-Ingliżi, għal grazzja t'Alla kienu ħarġu. Il-logħba nistgħu narawha bil-kwiet, u jekk jiskorjaw l-Ispanjoli nista' nifraħ u ngħajjat kemm irrid, għax m'hu se jieħu għalih ħadd...

Tibda l-partita u f'kemm ili ngħidlek jaslu xi klijenti ta' missieri. Minchia. Mhux biss jiddeċiedu li joqogħdu jaraw il-logħba fis-salott tagħna, iżda ftit minuti wara nsib ruħi nipprepara toast u kafè għal kulħadd. Kulħadd b'ġuħ ta' nagħma donnu ilhom tliet ijiem mingħajr ma naqqru xejn. L-ewwel taqsima ma rajthiex. Fit-tieni taqsima, jew forsi fil-ħin barrani għax il-lum ma niftakarx, ir-referì jħassar gowl ta' Spanja bi żball, u jien ikolli noqgħod kwiet. Imbagħad il-penaltis: Hierro jolqot il-mimduda, u Seaman iwaqqaf il-penalti ta' Nadal. Inġustizzja kbira... but at least, football was not to come home...

22 ta' Ġunju 2002 – Erba' lustri u erbgħa
Alcalá de Henares, Spanja
Kwarti ta' Finali tat-Tazza tad-Dinja '04, Spanja vs Korea t'Isfel

Spiċċaw l-eżamijiet, ma baqagħli xejn x'nikkoreġi, nibda nippjana l-vjaġġ ta' l-Interrail fl-Italja u l-Greċja. It-tfajla ta' l-aħħar avventura pseudo-amoruża tmur lura mal-boyfriend, iżda ma jimportax. Anzi, ferħan li l-istorja ntemmet. Wara lejl twil nidħqu u nixxalaw fiċ-ċentru ta' Alcalá, immorru nieħdu l-kolazzjon fil-bar ta' l-Arġentini waqt li naraw il-logħba kontra l-Koreani. L-Ispanjoli jiddominaw il-partita. Nirbħu żgur... Il-bqija nafuh. Inġustizzja oħra, ir-reff iħassar mhux biss gowl wieħed iżda tnejn. It-tamiet ta' l-iskwadra Spanjola spiċċaw, u tista' tgħid anke l-kampjunat. Minkejja n-ngħas li għandna fuqna, wara l-logħba mmorru sal-pixxina. Hemm sħana ta' l-għaġeb... nispiċċa rieqed fuq il-ħaxix, fl-eqqel tax-xemx, u meta nistenbaħ nintebaħ li nsejt indellek il-krema... Inħraqt, u ta' ċuċ li jien kelli nagħmel kważi tliet ijiem taħt ix-xawer biex intaffi l-uġigħ...

22 ta'Ġunju 2006 – Ħames lustri u tlieta
Il-Qrendi, Malta
L-aħħar ġurnata tal-fażi tal-gruppi, Italja vs Repubblika Ċeka

Wara kważi sentejn Malta, jidher li dan se jkun l-aħħar sajf li ngawdi kollu kemm hu fil-Mediterran. Tant żagħżugħ, tant xwejjaħ, xi għaxar kili żejda, u l-element ta' misterju kulma jmur qed jgħib. Iżda m'għandix xi ngorr, għalissa. Fuq l-iskrin il-kbir tal-każin ta' Lourdes, iċ-Ċeki għoddhom qed jiddominaw il-logħba, Nedved qed joħloq ħafna periklu, u jekk it-Taljani ma jqumux fuq saqajhom hemm ċans li jisfaw eliminati. Nesta jweġġa' u jidħol Materazzi... u xi għaxar minuti wara, dan jiskorja minn korner. Fit-tieni taqsima jidher li ċ-Ċeki qatgħu qalbhom. Fl-aħħar, rebħa faċli... u l-lejla t-tiramisù tan-nanna se jkun saħansitra aktar delizzjuż mis-soltu.

B'xorti tajba, it-22 ta' Ġunju m'għadhiex il-ġurnata misħuta li kienet qabel...

Vidjo meħud minn xi stazzjon ta' l-Amerika Latina

Man/Woman of the Match

2006-06-22T08:23:00.000+02:00

Kosta ta' L-Avorju - Serbja u Montenegro : 3-2

Marco Rodriguez. Dan ir-referi` Messikan il-bierah beda jxejjer karti sofor u homor 'l hemm u 'l hawn bl-addocc, tant li f'xi drabi kont tisthajjel li fil-grawnd se tidhol il-vara ta' Santa Marija ta' Guadalupe, bil-banda quddiema. Mhux li ma kellux ghalfejn. Ghalkemm il-loghba ma kienitx ix-xmara ta' demm li kienet Italja - Stati Uniti, iz-zewg timijiet tal-bierah xorta wahada ssieltu ghat-tliet punti. L-Afrikani riedu 3 punti biex itaffu d-dulur li nqalghu avolja laghbu zewg loghbiet kbar; u s-Serbi u Montenegri riedu jigbru giehhom wara l-mesha li qalghu ma' l-Argentina.

Marco Rodriguez qed jigi nnominat mill-gurnalisti taghna ghall-Most Colourful Presence on the Pitch, flimkien mal-gear li kien jilbes Jorge Campos fi zmienu; l-insulti Taljani lejn ir-referi` Moreno fil-Werld Kapp li ghaddiet; u l-amorin ta' Rudi Voeller, li apparentement, jaf jghid Bundesliga b'sittax-il lingwa differenti.

Gruppi A-B-C-D, Ġurnata 3

2006-06-22T01:20:00.000+02:00

Peress li dawn il-gruppi tista' tgħid kienu diġà deċiżi wara t-tieni ġurnata, ma tantx jidhirli li hemm xi ngħidu dwar il-logħbiet ta' l-aħħar jumejn. Il-Ġermanja għelbu faċilment lill-Ekwador; kien hemm daqsxejn spettaklu fl-ewwel taqsima tal-partita bejn l-Ingilterra u l-Iżvezja, iżda mill-bqija dehritli naqra tedjanti; il-Messiku naqsu milli jiskurjaw il-gowl tad-dro kontra dak li sa ċertu punt kien il-B-team tal-Portugall (u ta' min Omar Bravo jħalli l-futbol u jmur lura għall-boksing); u kif bsart, l-Arġentina u l-Olanda prattikament lagħbu għad-dro, forsi għax jirrispettaw wisq 'il xulxin.

Tistgħu taraw il-ġawhra ta' Joe Cole f'dan il-vidjo:

U, per la cronaca, dawn huma r-riżultati tat-tmien partiti (ikklikkjaw fuqhom biex taraw il-filmat korrispondenti):

Ekwador 0 Ġermanja 3

Kosta Rika 1 Polonja 2

Żvezja 2 Ingilterra 2

Paragwaj 2 Trinidad u Tobago 0

Olanda 0 Arġentina 0

Kosta ta' l-Avorju 3 Serbja u Montenegro 2

Portugall 2 Messiku 1

Iran 1 Angola 1

Xi espressjonijiet meħudin mill-Malta Minnufih (wara ftit korrezzjonijiet):

«Hekk kif il-logħba dehret li se tispiċċa favur it-tim Ingliż, kienet geġwiġija fil-kaxxa l-kbira ta' l-Ingilterra li wasslet għall-gowl tad-dro deċiżiv.»

«Meta Sohrab Bakhtiarizadeh 15-il minuta mit-tmiem skorja għat-tim Iranjan, it-tama li l-Angola kellhom li jilħqu l-Messiku bid-differenza fil-gowls sfaxxa fix-xejn.»

Hawnhekk il-klassifiki finali u l-panorama tat-tieni fażi tat-turnew... tgħid ikollna semi-finali bejn Spanja u l-Ingilterra? L-ewwel se jkollhom jeliminaw lill-Brażil, u lir-rebbieħ tal-partita Portugall-Olanda...

TotoDinja 1-X-2, Fażi 3-B

2006-06-22T00:09:00.000+02:00

B'erba' plejers jaqsmu t-tieni post tal-klassifika, il-kampjunat 1X2 kulma jmur qed isir aktar interessanti. Prosit lill-Mandraġġar, li minkejja li daħal tard u tilef l-ewwel tmien logħbiet xorta jinsab biss tliet punti 'l bogħod minn Arċibald.

Il-kupun li jmiss:

41. Repubblika Ċeka – Italja
42. Gana – Stati Uniti
43. Ġappun – Brażil
44. Kroazja – Awstralja
45. Togo – Franza
46. Żvizzera – Korea t'Isfel
47. Għarabja Sawdita – Spanja
48. Ukrajna – Tuneżija

Wara l-kummenti li tħallew f'bloggati preċedenti naħseb li l-biċċa l-kbira minna naqblu li fil-fażi li jmiss inkomplu bl-istess sistema, u li nużaw l-X biss jekk inbassru li l-logħba tkun deċiża permezz tal-penaltis (mhux fil-ħin barrani). Jekk għandkom xi oġġezzjonijiet, ħallu kumment hawn taħt.

¡Buena suerte!

Supporters Kbar

2006-06-21T14:55:00.000+02:00

Hawnhekk gewwa il-Gran Dukat il-fervur kalcistiku ma naqasx. Huwa minnu li parti l-kbira tac-celebrazzjonijiet wara l-loghob isiru mill-kommunitajiet Portugizi, Taljani jew Inglizi illi hawn. Minkejja l-fatt li hafna minn dawn huma issa Lussemburgizi ad hoc xorta meta jigi ghall-futbol qalbhom ghadha thabbat favur l-pajjiz originali. Ma tistax tlumhom ghax wara kollox l-Lussemburgu daqs tal-gzira taghna tajbin fil-loghba tal-ballun. Dan il-fenomenu ta' appartenenza lejn art missirijiethom deher car per ezempju meta l-Portugall laghab kontra Lussemburgu gewwa l-istadkum nazzjonali f'Lussemburgu. Stadjum imballat nies. Stadjum jghajjat b'lehen wiehed favur Figo u Ronaldo minghajr misthija u minghajr skizofrenija.

Il-lokali - il-Lussemburgizi ta' Letzebeurg - m'humiex daqshekk zbukkati. Lanqas naf nghid jekk ghandhomx preferenzi lejn les bleus Francizi , jew lejn ix-xjaten il-homor Belgjani jew lejn l-Allemanni - kollha nazzjonijiet round-the-corner biex niftiehmu. Is-sensazzjoni generali li jaghtuk hija ta' tolleranza - ghax m'hemmx x'taghmel bhalissa l-World Cup. Imbaghad halli ghall-puluzija dukali tappella ghal-celebrazzjonijiet iktar kontenuti. Tappella biex jekk jergghu jirbhu l-Portugall, s-supporters ghandhom jiftakru li hemm min mhux ezattament ewforiku f'dawn iz-zminijiet. Speci ta' nittollerawkom tizzablu f'pajjizna imma ftakru dejjem li hawnhekk Letzeburg u hafna ghajjat u frakass ghal bicca ballun tal-gilda jaf jigi ikkunsidrat bhala "breaking the public peace" u anki sahansitra "riotous assembly".

Ghalhekk meta nhares lejn ic-celebrazzjonijet frenetici gewwa pajjizi - jirbhux il-Brazil, l-Italja., l-Ingilterra jew il-Germanja - qatt ma kont nitkaza. Issa wisq inqas. Ghax ahjar pjacir bil-loghba tal-ballun. Ahjar il-murtali tal-hajja u celebrazzjoni milli l-bard nordiku ta' pajjiz li kull ma jmur iktar jidhirli bhala l-killjoy ta' l-Ewropa.

"Supporters kbar" ikantaw tal-Belt. U hekk ghandu jkun. Supporters kbar li jafu jehdew bil-ballun - bix-schadenfreude b'kollox. Ghax hekk ghandu jkun.

Il-loghba s-sabiha. Però wisq isbah bl-ucuh ferrieha, bil-kant u x-xalar...

Illum il-festa taghna naghmlu li rridu!

Man/Woman of the Match

2006-06-21T08:11:00.000+02:00

Ingilterra - Zvezja : 2-2

Posh David Beckham. Apparti s-slaleb (crosses) favoluzi tieghu, David Spice, ghandu d-don li wara disghin minuta jitqabad fil-grawnd, l-istil ta' xagharu jibqa' tali kwali bhal meta jkun ghadu diehel frisk fil-grawnd. M'hemmx klima li tista' ghalih; ma tezistix tekkil li tqanfdu; ghadu ma twelidx id-difensur li kapaci jitturufnalu t-troffa. Fir-ritratt, mehud waqt il-loghba tal-bierah, Spice Boy jidher jikkonsla lil siehbu Wayne Rooney, wara li Sven Goran Eriksson iddecieda li jibdlu. Kuntrarjament ta' kif haseb kulhadd, Rooney ma kienx indannat minhabba t-tibdila imma minhabba l-fatt li l-appuntament li kellu mal-parukkier tal-Beckhams (l-istess wiehed li juza Rudi Voeller), thassar fl-ahhar minuta. Apparentement kien hemm double booking; fl-istess hin kien hemm Roberto Carlos ghal trim hafifa u naqa' kulur.

Madankollu, David Beckham gien nnominat ghall-Most Persistent HairDo Award, flimkien ma' Xavier Zanetti, li xejn ma jgerfixlu l-ferq; Zinedine Zidane, li l-bald patch tieghu tippersisti tikber b'mod regolari; u Rudi Voeller, li, jghidu, waqt it-tsunami ta' l-Indonesja, hu kien jinsab hemm ghall-btala, u kienu propju l-mustacci tieghu li salvaw lilu u zewg familji nativi t'hemm milli jgherqu taht il-mewga enormi.

Gruppi G - H, Ġurnata 2

2006-06-20T19:16:00.000+02:00

Togo 0
Żvizzera 2

L-ewwel żewġ partiti tal-bieraħ ma rajthomx għax inżilt sa l-Imnajdra biex niżżi ħajr lill-elementi. Għal xi raġuni, l-Orizzont ma tellgħux ir-rapporti dwar il-partiti tal-bieraħ fuq is-sit tagħhom. Forsi għax ħadu għalihom? Għalkemm niddubita li jafu b'dan il-blogg. F'kull każ, m'għandhomx għalfejn jieħdu għalihom għax lil hinn mill-iżbalji ortografiċi u l-punteġġjatura kaotika (ċjoè, in-norma), mill-artikli tagħhom dammejt lista mhux ħażina ta' espressjonijiet kalċistiċi tajbin. M'hemmx x'tagħmel.

Mir-rapport tal-Malta Minnufih slitt terminu li għoġobni ħafna:

«Iżda Barnetta ikkonsolida t-tliet punti żewġ minuti mit-tmiem meta kkonnettja il-ballun li kien ġej minn fuq in-naħa tal-lemin u mill-baxx venven xutt li spiċċa fir-rokna tax-xibka avversarja u għalaq il-partita.»

Hawnhekk il-filmat tal-Fifa.

Il-Grupp G għadu interessanti ħafna. Hawnhekk il-klassifika:

---

Għarabja Sawdita 0
Ukrajna 4

Wara li kienu qalgħu erbgħa kontra Spanja, l-Ukranjani reġgħu kisbu daqsxejn dinjità billi taw erbgħa lill-Għarabja Sawdita. Naħseb li Sheva kien ilu ma jitbissem hekk fuq il-grawnd.

Mill-MRN (wara li daħħalt xi virgola 'l hawn u 'l hemm):

«Ir-reazzjoni tas-Sawdi baqgħet ma waslitx, anzi kull darba li avvanzaw bdew jinqabdu fuq wara, kif ġralhom fl-84 minuta meta wara ħarba tajba ta' Shevchenko mal-linja dan xeħet għan-nofs fejn kien hemm kompletament żmarkat Maksym Kalinichenko, li f'lasta vojta minn sitt metri bogħod spara fis-saqaf tax-xibka.»

Hawnhekk il-filmat.

Spanja 3
Tuneżija 1

Mil-lejl għan-nar, wara bosta xhur jipprova jsib il-forma li kien tilef mar-Real Madrid, Raúl reġa' sar eroj tal-partitarji Spanjoli. Biex dawru l-iskor kontra t-Tuneżija kien jeħtieġ dożi ta' esperjenza, u m'hemmx xi ngħidu, id-deċiżjoni ta' Aragonés li jdaħħal lil Raúl u lil Joaquín fit-tieni taqsima kienet waħda mill-aktar għaqlija (għalkemm għadni ma nifhimx il-għala ma kienx sejjaħ lil Morientes). Madankollu, naħseb li dak li tassew ta spinta lit-tim Spanjol kien Cesc Fábregas, iż-żagħżugħ ta' l-Arsenal. Kien l-aktar plejer kreattiv, involut f'ħafna mill-attakki ta' l-Ispanjoli, inklużi l-ewwel żewġ gowls. U issa li d-dinja tal-futbol qed issir taf bl-abbiltà u l-veloċità ta' Torres, għandu mnejn ma jibqax ma' l-Atlético Madrid fl-istaġun li jmiss iżda jinħataf minn xi klabb akbar minnhom... nispera li mhux iċ-Chelsea.

Tistgħu taraw il-filmat tal-Fifa, jew tisimgħu l-gowls ta' Spanja: Raúl '71; Torres '76; Torres '91.

Il-klassifika tal-Grupp H:

M'iniex espert fl-aritmetika, iżda jidhirli li Spanja (dejjem jekk ma jitilfux kontra l-Għarabja Sawdita) jistgħu jiltaqgħu mal-Korea t'Isfel fl-aħħar 16 biss jekk dawn ma jirbħux lill-Iżvizzera u Franza jġibu dro jew jitilfu kontra t-Togo. Il-partiti ta' nhar il-Ġimgħa se jkunu kruċjali, u jiena se ngħid... Forza Żvizzera! Forza Togo!

Man/Woman of the Match

2006-06-20T11:19:00.000+02:00

Il-gowler tat-Tunezija Ali Boumnijel. Innominat ghas-saves mirakuluzi, ghall-harga mignuna qabel it-tieni gowl ta' Torres, izda b'mod partikolari ghall-HANGRA simpatika matul il-partita kollha, indirizzata lejn shabu d-difensuri tat-Tunezija waqt l-ghoti tal-freekicks.

"Aaaaaaa......Aaaaaaaaa......Ersaq......Aaaaaaa"

Intom smajtuh? Jew tal-BBC biss kellhom il-mike ta' wara l-lasta mgholli?

Man/Woman of the Match

2006-06-20T11:12:00.000+02:00

Spanja - Tunezija: 3-1

Ali Boumnijel. Il-gowlkijper tat-Tunezija il-bierah kien certament protagonista fil-loghba kontra Spanja. Avolja taqqbuh tlett darbiet, il-gowls waslu kollha fl-ahhar meta kien car li l-bqija tad-difiza kienet abbandunatu minhabba ghejja tremenda. U minhabba s-sostituzzjonijiet azzekkati minn naha Latina. Izda matul il-loghba ghamel zewg saves ta' veru, b'idejh jidhru li jwasslu ghal kullimkien. Fir-ritratt ta' fuq naraw idu ngwantata waqt harga azzardata li ghamel ghal hdejn il-bandiera tal-korner; bl-id l-ohra kien qed jixtri hot dog minn Berlin. U meta ghaqqad idejh ponn, ghatta l-lasta kollha. Izzeggeg Senor Fabregas mhux tiskurjalu minn hemm! Infatti gewwa t-Tunezija jafuh aktar bhala Il-Ponn go Halqek, li bl-Ingliz tigi The Fists of the Hulk. Titqarrqux, l-ahdar li kellu ma' gismu ma kienx il-flokk imma sidru mikxuf.

Ali Boumnijel ghandu l-unur li jigi nnominat ghall-Hand & Foot Ball Award, flimkien ma' Diego Armando Maradona ghall-Werld Kapp ta' l-'86, Alessandro Nesta ghall-Werld Kapp ta' l-'06, u t-tim tan-nisa Taljan tal-volleyball, ghax forsi jaqraw din u jibghatuli n-numri tal-mowbajls taghhom. Rudi Voeller ma kellu l-ebda nominazzjoni f'din il-kategorija.

Jekk Joghgobkom...

2006-06-20T11:11:00.000+02:00

... qed iwegghu in-nies quddiem ewsqu naqa' luwwa
(kliem storici - lehen Charles Stroud jinstema fuq il-PA System waqt mass meeting tal-PN fejn ir-rassa qed taghfas u taghfas... circa 1992)

19-JUN-06
Supporters Asked to Calm Down

Following wild celebrations in both Luxembourg city as well as in Esch-sur-Alzette on Saturday, following Portugal's victory over Iran in the World Cup, police have asked supporters to be considerate of other people when celebrating.The request came after various minor disturbances and complaints were reported.

TotoDinja 1-X-2, Fażi 3-A

2006-06-20T00:01:00.000+02:00

Minn total ta' 64 partita diġà ntlagħbu 32. Ninsabu eżattament f'nofs il-kampjunat. S'issa Arċibald għadu f'ras il-klassifika, u Xifer, li ma tantx kellu bidu tajjeb, issa qiegħed jaqsam ma' Maqluba t-tieni post. Tikkonfondi xejn Baldu, aħna se nilħquk!

Il-kupun li jmiss:

33. Ekwador – Ġermanja
34. Kosta Rika – Polonja
35. Żvezja – Ingilterra
36. Paragwaj – Trinidad u Tobago
37. Olanda – Arġentina
38. Kosta ta' l-Avorju – Serbja u Montenegro
39. Portugall – Messiku
40. Iran – Angola

Dwar kif se nagħmlu wara l-partiti tal-gruppi: personalment ma nixtieqx nikkomplika wisq ir-regoli. L-idea ta' Angelo proposta minn Jacques (li nippruvaw inbassru l-iskor) togħġobni, imma naħseb li tkun logħba totalment differenti. Ikun ħafna aktar prattiku jekk inżommu sempliċement il-1X2, u li nużaw l-X biss jekk naħsbu li l-logħba tkun deċiża wara l-penaltis (imma mhux il-ħin barrani). Insomma, għiduli x'taħsbu u mbagħad nagħmlu votazzjoni.

Hemm x'liebes?! Nehhi, ejja!

2006-06-19T18:18:00.000+02:00

"Oi! Nederlander! Geen leeuwenhose in het stadion!"

Man/Woman of the Match

2006-06-19T16:48:00.000+02:00

Franza - Korea t'Isfel : 1-1

Park Ji Sung. Thallux dak il-wicc angeliku ta' tifel imrobbi fuq l-episodji ta' Megaloman iqarraq bikom. Park Ji Sung wera li fejn jidhol il-futbol, huwa jaf ikopri l-istess rwol ta' taxi lokali: jisponta minn imkien, jghaddi qisu sajjetta u jgaghlek tidghi xkora dagha. F'dan il-kaz, id-dagha huwa bil-Franciz ghax minhabba t-tifel tal-wicc angeliku li trabba fuq l-episodji ta' Megaloman, il-Bleus tfottitilhom il-festa ta' l-ewwel rebha (u l-ewwel gol) mill-Finali tat-Tazza tad-Dinja ta' l-1998. Il-guvnott Korean skurja gowl minn dawk l-antipatki, li tarhom ghaddejjin vera bil-mod minn quddiem ghajnejk u tibqa' ssegwihom b'harstek sakemm il-ballun jidhol fix-xibka.

Sadanittant, Park Ji Sung qed jigi nnominat ghall-Killer of Giants Award, flimkien ma' Mighty Mouse, it-topu erojku; Ronaldo, li qatel lill-Brazil; il-mowbajl ta' Moggi; u Rudi Voeller, li ghajdut jghidilna kif fi zmienu mar-Roma, kien jaghti l-privat lil Daniele DeRossi fuq l-elbow tackles minghajr ma' jaqa' fl-offside.

Gruppi F - G, Ġurnata 2

2006-06-19T15:42:00.000+02:00

Ġappun 0
Kroazja 0

L-artiklu ta' l-Orizzont: bla sugu.

Tal-Malta Minnufih: ukoll.

U fuq il-logħba nnifisha ma tantx hemm xi ngħidu lanqas. Diżappunt kbir għaż-żewġ timijiet, forsi aktar għall-Kroati wara li Srna falla l-penalti. Hawnhekk il-filmat.

Se tkun interessanti ħafna l-partita ta' bejn il-Kroazja u l-Awstralja għax se jkunu qegħdin jilagħbu għat-tieni post tal-grupp. Dro għas-Socceroos għandu jkun biżżejjed... u jekk kollox jimxi ħarir jiltaqgħu mat-Taljani fl-aħħar 16.

Brażil 2
Awstralja 0

Ronaldo, dari magħruf bħala O Fenomêno, m'għadux li kien, iżda l-bieraħ wera daqsxejn aktar maġija milli konna rajna fil-logħba kontra l-Kroazja. L-Awstraljani ma lagħbux ħazin, anzi fakkruna mill-ġdid li l-Brażiljani, altru milli mhux invinċibbli, għandhom diversi punti ta' dgħufija li skwadri oħrajn jistgħu japproffitaw minnhom. Għaddew għall-aħħar sittax, iżda ser ikollhom ikomplu jitjiebu.

Mis-sentenzi ma jieqfu qatt ta' l-artiklu tal-Malta Minnufih, slitt l-espressjonijiet li ġejjin (wara li rranġajt daqsxejn l-ortografija):

«[...] l-Awstralja taw daqs kemm qalgħu.

Hawn il-logħba nfetħet beraħ u minn korner ta' Ronaldinho kien Kaka li bir-ras stampa l-lasta ta' Schwarzer [...]

[...] Viduka bir-ras ra l-ballun jgħaddi jħakkek mal-lasta l-wieqfa.»

Hawnhekk il-filmat.

Il-klassifika tal-Grupp F wara t-tieni ġurnata:

---

Franza 1
Korea t'Isfel 1

Ħadt gost li l-Koreani ġabu d-dro fl-aħħar ftit minuti, għal żewġ raġunijiet: l-ewwel, għax jidhirli li t-tim Franċiż huwa mill-aktar arroganti; u t-tieni, għax issa hemm ċans li l-Korea t'Isfel jispiċċaw fit-tieni post tal-grupp u jiltaqgħu ma' Spanja fil-fażi li jmiss, nittama li b'referì differenti minn dak ta' l-2002... Barthez, miskin, il-bieraħ kellu fuqu s-saħta tad-dea bendata, u għal ftit ma ħarablux il-ballun xi żewġ minuti wara l-gowl Korean. Issa l-Franċiżi ser ikollhom jegħlbu lit-Togo mingħajr Zidane... imma naħseb li fl-aħħar jgħaddu.

Id-deskrizzjoni tal-gowl Korean fl-Orizzont:

«Cho-Jae-Jin niżżel ballun bir-ras lil PARK JI-SUNG, li mattar siequ u qabbeż minn fuq ras Fabien Barthez.»

U hawnhekk il-filmat tal-Fifa. Lit-tim Franċiż niddedika s-silta ta' Gotan Project li għadni kemm tellajt, bit-titlu Last Tango in Paris.

Issa li l-polemika bejni, bejn Arċibald u bejn l-Imżebbel naħseb li għaddiet, nixtieq nagħlaq billi nikkopja l-istqarrija tal-parrukkier ta' Rudi Völler, għax naħseb li fiha messaġġ importanti li ta' min nomogħduh sew:

“Porca troia. Meta plejer jinzel fil-grawnd, hemm biss hu, shabu u ta’ kontrieh. Jilghab biex jirbah hu, mhux biex jaghmel unur lil pajjizu jew biex jaghti pjacir lis-sapporters. X'izzobb. Dawk l-affarijiet jigu wara, meta jkun qed ikellem lill-gurnalisti, u meta kollox ikun mexa sew. U jigi fucken jitnejjek fil-culo jekk dawk li qed ixejru l-bnadar humhiex Eskimos, Zabbarin jew is-Simpsons.”

Kalċatur ferfiexiGħaġġla, daħliet tard u offsajds

2006-06-18T20:47:00.000+02:00

U wara li forsi issa l-istorbju u t-trab tal-murtali qagħad xi ftit, tajjeb li nħarsu naqra lura lejn x'seta' ġarraf dik il-lingwaġġ tal-kordjalità li kien hawn f'dan il-blogg. Issa li l-foga tan-nuqqas ta' ftehim donnha ċċarat xi ftit, naħseb li kemm jien u kemm min seta' kien involut f'dal-battibekki jista' jara aħjar għala jien irritaljajt b'mod u mhux ieħor. Ma nixtieqx nikkonċentra fuq din il-biċċa tax-xogħol weħidha biss, għax naħseb li l-biċċa hi ferm iżjed kumplessa minn hekk. Niddubita hux jirnexxili nispjega ruħi sew, għax forsi bħalissa moħħi jinsab wisq fuq il-ballun biex ikun tassew kreattiv. Mhux ta' b'xejn ġieli nsib problema biex f'dan il-blogg nikteb xi ħaġa tassew togħġobni. Madanakollu, se nipprova.

Qabel xejn, naħseb li minflok sfurzajt attakk ieħor waqt il-ħin miżjud, f'dak il-ħin missni mort nistrieħ fuq il-bankina jew mort nieħu doxxa, kif wara kollox kien biħsiebni mmur nagħmel. Minfloki kont indaħħal fil-grand lil wieħed litteralment rieqed, biex la jagħti bis-sieq bl-addoċċ u lanqas jissogra twissija jew tkeċċija. Hekk jew hekk, ma tantx kien għad fadal ħin, u l-punt tad-dro kont inġibu f'logħba oħra, meta kont inkun ferm iżjed frisk u fil-forma. Iżda dak is-sens ta' kurżità tas-soltu webbilni mmur nara kienx hemm xi aġġornamenti fil-blogg, aktarx biex nara ta' malajr x'kien intqal dwar ir-rebħa ta' l-Ingliżi.

Minkejja li nemmen li kelli għala nintervjeni biex niddefendi lit-tim tiegħi, żgur li f'dak il-ħin ma kontx fl-aħjar qagħda biex nagħmel dan b'ċerta klassi u finezza, kif forsi stenna l-osservatur sportiv ta' J'Accuse Jacques. Lanqas ma kont fil-burdata li noqgħod nifli wisq f'liema pożizzjoni kien jinsab dak l-attakkant jew dak iċ-ċentrukampista. Kull ma rajt kienet id-dehra ġenerali u vaga ta' l-azzjoni, u ma qistx lanqas li warajja suppost hemm ukoll lastier pront pront għalli jista' jinqala'.

Iżda wara li flejt il-movjola għal darba u tnejn, deherli li wara l-mistrieħ aktarx kont inkun f'qagħda ferm aħjar biex inwaqqaf dik l-azzjoni permezz ta' mossa xierqa. Kont żgur intajjar il-ballun 'il bogħod mill-periklu b'mod aħjar u inqas aggressiv. Kont ukoll nara l-lasta fil-pożizzjoni l-proprja tagħha, u forsi kont inkun kapaċi niżen aħjar jekk l-attakk ta' l-avversarju kienx daqstant insidjuż jew le. Iżda minflok naħseb li dħalt għall-ballun bis-saħħa żżejjed. Kelli wisq ġenn biex nixxuttja l-ballun 'il bogħod minni b'kemm kelli saħħa, u għaldaqstant immirajt ħażin.

Intant il-logħob kien diġà twaqqaf, għax sforz il-ġenn ittakiljat lill-attakkant fil-ħin ħażin. U daħla tard, ġenwina jew mhix, hija dejjem fawl.

Ġieli anke ritaljazzjoni żejda, tard jew ta' bla ħseib, taf twassal ukoll għal fowl. Qatt ma tista' tgħid. Dan ġieli jgħodd ukoll f'każ ta' provokazzjoni, fejn forsi wieħed jifhem għala dak li jkun ikun ħass li kellu jirritalja. Tajjeb niftakru x'kien ġralu David Beckham kontra l-Arġentina waqt it-Tazza tad-Dinja ta' l-1998. F'dak kollu li nqala' Beckham ftit li xejn kellu tort, imma spiċċa ntbagħat joqgħod gallarija xorta waħda. Agħar minn hekk, kellu wkoll jitqanna bit-tort kollu huwa. X'ġara wara kulħadd jaf. Jien niftakar qisu lbieraħ, bħal ma niftakar il-gowl mħassar għalxejn ta' Sol Cambell u dak ir-referi Daniż daqsxejn m'aħniex, u l-penalties li fallew Paul Ince u David Batty.

Metafori kalċistiċi apparti, skond il-movjola jidher li r-ritaljazzjoni tiegħi kellha ssir, għax sinċerament ċerti kummenti rajthom xi ftit barra minn lokhom, speċjalment m'għand sieħbi Arċibald, li nimmaġina li ma jafx xi tfisser li tkun tbati bid-deni tal-partitarju. Jiena din kont tgħallimtha meta kont għadni biss daqsxejn ta' tifel, meta kont partitarju akkanit Belti dejjem ġej u sejjer Ta' Qali u dejjem mimli għal dawk tal-Ħamrun Spartans. Imbagħad ftit wara ġie t-tim nazzjonali Ingliż, u wara l-klabb ta' Liverpool fil-kampjunat Ingliż, u mbagħad ukoll il-klabbs Ingliżi kollha (inklużi l-Everton u l-Manchester United!), fil-kompetizzjonijiet tat-tazzi Ewropej.

Maż-żmien ikkalmajt, għax meta għalaqt dawk is-sittax-il sena l-prijoritajiet tiegħi bdew bil-mod il-mod jinbidlu. Id-dinja akkademika u artistika kont bdejt naraha kull ma tmur dejjem iżjed seduċenti minn dik sportiva/kalċistika, u minn hemm il-ħiliet u l-enerġiji tiegħi bdew jevolvu lejn id-direzzjoni ta' l-ewwel. Meta naqra d-djarji tiegħi ma' sieħbi ereżija (eżerċizzju tassew ħelu), li m'ilux bdejt nippubblika xi siltiet minnu fi Ħġejjeġ, niskanta mhux ftit kemm kont differenti. Kultant inħossni qiegħed naqra l-memorji ta' xi ħadd ieħor. Kienet bidla tassew stramba. Bdejt insir nippreferi niftaħ ktieb jew nikkolezzjona l-mużika milli mmur nagħti daqqtejn ballun jew nerfa' l-ħadid, u flok f'xi grawnd jew f'xi palestra kont issibni f'xi librerija jew f'xi kumitat lokali politiko-studentesk.

Imbagħad iffissajt fil-klassi tal-ħaddiema, aktarx sforz l-ambjent proletarju li twelidt fih u l-esperjenzi li ġarrabt meta Sajf minnhom kien fettilli mmur naħdem bħala servjent ma' missieri f'lukanda mmexxija minn erba' mostri. Minn hemm nibtet rivoluzzjoni; mhux tal-massa, iżda mentali; ġo moħħi. Il-futbol, bħar-reliġjon u ħwejjeġ oħra, kultant kont sirt narah kważi ikrah, għax bdejt inqisu bħala għodda ta' aljenazzjoni u lok ta' żvog futili. Meta tiffissa f'xi ħaġa ħafna drabi hekk jiġrilek: tara lilha biss u b'rasu jdur min jiġi jtappanlek il-viżta. Huma fażijiet tal-ħajja; hemm min joħroġ minnhom u hemm min jibqa' mwaħħal fihom. Min jużahom biex jikber, u min biex jiblieh; min biex jibni u min biex ikisser.

Ġo fija llum għad hemm bosta traċċi minn dik il-metamorfosi: illum jien agnostiku (u prattikament ateist), il-partiti saru jqabbduni apatija, l-ideat tan-nazzjon u n-nazzjonaliżmu għadhom qegħdin dejjem iżjed ibeżżawni, u l-ambizzjonijiet li kelli meta kont tifel għebu kważi kollha. U ma jiddispjaċini xejn. Madankollu, niskanta li waħda mit-traċċi tar-radiċi ta' tfuliti baqgħet ma nżabritx bħall-bqija. Din hija dik tal-futbol. M'għadnix akkanit 24/7 bħal qabel, għax m'għadx għandi l-ħin jew l-entużjażmu biex inkun xi ffissat fil-futbol. Nemmen li hemm ħwejjeġ ferm iżjed rilevanti għall-eżistenza tal-bniedem, u li kemm-il darba tkun iffissat fuq attività mhix intellettwali iżda tassew dinamika bħal m'huwa l-futbol, ma tista' qatt tissintonizza ruħek u moħħok sewwa magħhom. Kif dejjem ngħid, kollox ma' kollox il-futbol waħdu ma jissodisfanix.

F'das-sens għadni tal-fehma li l-futbol jaljena lin-nies. Għal kuntrarju ta' bosta segwaċi li naf, fil-futbol naf ukoll nara l-ikrah, u ma niddejjaq xejn nitkellem dwaru. Iżda dan ma jfissirx li m'għadnix inħobbu. Il-futbol għalija logħba mill-isbaħ, u eċitanti wisq biex tinjoraha, u minkejja li relattivament bridt, għadni sal-lum ma nistax nifhem kif nies oħrajn, l-iżjed irġiel, li ma jaħsbuwhiex l-istess. Imma dik hija storja oħra. Ma nixtieqx nidħol f'polemika bħal din, għax nemmen li f'xi ħaġa bħal din ħadd ma jista' jgħid li għandu raġun. U wara kollox, nemmen li hawn polemiki wisq iżjed rilevanti u li ta' min jidħlilhom bir-ras minn din.

La qiegħed insemmi l-polemiċi, nista' nerġa' lura għal polemika li qbadt hawn ġew, li ngħid is-sew, kienet riżultat ta' polemika oħra li qbadt ma' ħabiba tiegħi. Mhux fil-kontenut, iżda fit-temperament. Din il-persuna hija mill-aħjar ħafna, iżda naħseb li waqt id-diskursata li kellna reaġixxiet xi ftit jew wisq bħalma għamilt jien fl-aħħar bloggata tiegħi. Li kont naf li kien se jiġri hekk aktarx kont nigdem ilsieni, għax dak il-ħin ma kellix aptit argumenti. Mhux għax niddejjaq niddibatti, lanqas xejn, iżda sirt nobgħod li jkolli nħabbat wiċċi ta' kuljum ma' xi ħadd li jaħseb li għandi xi stima baxxa tiegħu jew tagħha. F'das-sens spiss naffaċċja l-istess dilemma: "X'se tagħmel l-Imżebbel? Mhux aħjar ma taqlax terremoti meta warakollox taf li aktarx m'int se tieħu xejn? Xi tridhom dal-kwistjonijiet?"

Minn banda veru, iżda sa minn tfuliti kelli ammirazzjoni romantika lejn individwi voċiferi. Jekk f'ħajti qatt ma tgħallimt xejn sew, tgħallimt li għandi nkun polemikuż, saħansitra miegħi nniffsi. Polemikuż fis-sens li nqajjem il-ħsieb, mhux li nkun xi pezzakustjoni. Sforz l-istudji tiegħi, jien nistaqsi u nistħarreġ lili niffsi l-ħin kollu. Jien m'għandix kwiet, imkien. Ma nieħu xejn for granted - dik qatt. Bl-istess mod nipprova nistħarreġ kull ma nara madwari u ma nħalli xejn għaddej jew jaħrabli. Xi ħaġa li għal kotra taf tkun bla interess jew agħar minn hekk kontroversjali, erħili ngħaddas il-kuxjenza tiegħi fiha, aktarx għax nemmen li huwa proprju f'dawn l-irkejjen mudlama li jinstabu l-iżjed indizji ġenwini dwar x'inhu u x'mhux tassew il-bniedem. Kultant ikollok tħallas qares għax tmur iddeffes imnieħrek f'dal-ħwejjeġ, imma din kienet għażla tiegħi, u ma jiddispjaċini xejn. Din storja antika.

Iżda li ma tgħallimtx hu li l-ħobż irid nagħtih lil min jaf jieklu, u mhux li min "he/she couldn't care less." Wisq anqas lil min l-ewwel jipprovokak imbagħad jisfidak tiġġustifika ruħek. Wisq anqas li min, għax jaf li ma jafx, joqgħod ipoġġilek il-kliem f'ħalqek u jiżgambettak il-ħin kollu. Lanqas lil min irid ibaxxik u jiddemonizzak, minflok jirrispettak għal dak li ħdimt biex sirt. U żgur mhux lil min, għax hu supperv, issibu jipprova jieħu tiegħu minn fuq, minflok jipprova jifhem il-fehma tiegħek biex jara jista' jitgħallem minnek.

M'inix qiegħed ngħid li l-persuna li tkellimt dwarha ftit ilu hi waħda minn dawn. Anzi, għandi ammirazzjoni kbira lejn dil-persuna, għax fil-ħwejjeġ li temmen fihom, aktarx kienet ferm iżjed attiva minni. Terġa' tgħid, minkejja r-retorika xellugija tiegħi, inħoss li din hi persuna ferm iżjed miftuħa għall-oħrajn minni, jew kif jingħad fil-lingwaġġ tat-triq, iżjed altruwista. Iżda deherli li l-imġiba tagħha fil-kwistjoni inkwistjoni kienet tixbaħ xi ftit lil dik ta' dawn in-nies, li għalkemm m'għandi xejn kontra tagħhom, nippreferi ma nitħallatx magħhom iżżejjed. Lil nies bħal dawn nippreferi nurihom il-karta l-ħamra, li f'dal każ għandha tkun is-silenzju.

Iżda mhux dejjem jirnexxili nagħmel dan. F'dik l-okkażjoni ma rnexxilix, u flok injorajt, daħħalt lili niffsi fi sqaq ta' polemika li dehret mill-bidu li m'hi se twassal imkien. Polemika li wara l-logħba ta' l-Ingliżi xejn ma kelli aptitha, speċjalment meta suppost kelli ħjiel biżżejjed li ma stajt qatt ningħata widen. Iżda ma ħmiltx nħalliha għaddejja, għax inzertat tikkonċernani b'mod personali ferm iżjed miż-żewġ kummenti innoċenti li għaddew Twanny u Arċibald. M'inix se niftaħ kotba għax m'hux lok, biżżejjed ngħid li għalija kien argument li jikkonċernani mill-qrib, mressaq b'mod ċivili, raġunat u loġiku. Kwistjonijiet ta' filo/psikoloġija; ma kienx hemm fejn titfixkel. Mhix kwistjoni ta' preġudizzji, iżda ta' perspettiva; lanqas ta' dogmatiżmu, iżda ta' kif wieħed jinterpreta r-realtà ta' madwaru.

Fir-risposta tiegħu, Twanny kiteb li hu wkoll għandu xi preġudizzji, li fihom infushom m'humiex preġudizzji, iżda riżultat t'esperjenzi. Ħadt gost li Twanny stqarr dan bil-mod amikevoli tas-soltu. Tkun banali jekk inqis lil Twanny bħala razzist għax qatt ma ħassu komdu jgħix ma' l-Ingliżi, iżjed u iżjed meta tqis li forsi kellu esperjenzi diffiċli. Anke l-każ tiegħu huwa l-istess. Terġa' u tgħid, ċertu twemmin tiegħi huwa riżultat ukoll ta' riċerka u riflessjoni, għax jien ta' l-affari tiegħi u ma nistqarr xejn li ma nkunx stħarriġt u żint bir-reqqa. U iżjed minn hekk, ma mmurx inxerred mibgħeda kontra ħadd, u ma nemminx li hawn tip ta' nies li huma inferjuri minni għax ma tweldux bħali, imma mod ieħor. Sempliċiment nemmen li l-umanità hija magħmula minn kontrapartijiet differenti b'ħiliet diversi. Ma nemminx li jista' jkun mod ieħor. Kieku kulħadd bħali d-dinja żgur ma timxix, u aktarx kieku aħna bħala speċi lanqas biss neżistu. Xi ħaġa bħal din ma narax għala għandha tittieħed personali jew bħala xi stqarrija ta' supremazija.

Għaldaqstant ċerti reazzjonijiet fil-konfront ta' dan, u l-iżjed tiegħi, ma nippretendihomx, l-iżjed mingħand nies li ma jkollhomx idea ta' x'qiegħed ngħid. Lura d-dar ħassejtni rrabjat ħafna miegħi nnifsi, l-iżjed għax kont ħallejt lili niffsi niżloq fin-niexef. Ma kienx imissni. Suppost jien naf aħjar; ħafna aħjar. Din hija rabja li ma tantx naf nispjegaha. Meta wasalt hawn pprovajt nikkalma. Bejni u bejn ruħi għedt li wara kollox il-ġurnata ma kinitx daqshekk ħażina, għax l-Ingliżi rebħu u lagħbu wkoll xi ftit aħjar mill-aħħar darba. Dħalt fl-internet biex nara x'kien inkiteb dwar il-partita, kemm f'dan il-blogg u kemm fis-sit tal-FIFA. Imma moħħi ma kienx hemm. Ridt nitfi u norqod.

F'dak il-mument, il-kummenti dwar sapport u mistħija u l-bqija, u forsi anke n-nuqqas ta' ċarezza mingħand min esprimihom, irritawni bil-wisq iżjed minn kemm suppost. U flok ħadt nagħsa ħadt falza stikka għax bdejt nara kollox ċpar. Ċerti kummenti għalija ma kinux ġodda. Mhux l-ewwel darba li ġie xi ħadd jgħidli li din-namra kalċistika ma' l-Ingliżi ma tawgurax tajjeb għal xi ħadd b'ideat xellugin u deċiżivament anti-kolonjali. Għaldaqstant ir-rimarki ta' Twanny u Arċibald, kif jgħidu l-Ingliżi, "rang a bell". Illum jidhirli li ma kellix għala nispara daqshekk murtali, l-iżjed fil-konfront ta' Twanny u Arċibald, għax ma kellhom x'jaqsmu xejn. Iżda tlift il-kontroll tal-ballun, bħalma ġieli jiġrilu kull kalċatur. Aktarx li dak il-ħin ħassejtni miżinterpretat mill-ġdid - akkużat b'xi ħaġa li ma rridx ngħid, meqjus bħala tali li m'inix. Il-bqija nafuh...

Nemmen xorta waħda li kelli ngħid xi ħaġa. Minkejja li kont għajjien u xi ftit xurban, dak il-partitarju akkanit li aħna lkoll forsi għandna fis-subkonxju tagħna, bħal donnu smajtu jinċitani biex niddefendi, u biex nagħmel dan billi nattakka. Forsi kellu xi ftit raġun, iżda għaġġilt, u forsi għaffiġt xi ftit ukoll.

Il-futbol jagħtik ħafna lezzjonijiet. Meta kont nilgħab il-futbol il-kowċ kien jgħidli ħafna xorti li tiskanta kemm jagħmlu sens, anke barra l-grawnd. Waħda li qatt ma ninsa hija l-fehma tiegħu li jien kont kalċatur tajjeb, iżda ferfiexi.

Il-pariri tiegħu narahom jgħoddu wkoll għal din il-kwistjoni li qbadna f'dan il-blogg. Meta tagħmel kontrattakk veloċi, trid toqgħod attent kif u meta għandek tasal għall-ballun li jkun tqassamlek ħin bla waqt minn warajk. Ma trid xejn biex titlaq tiġri fil-ħin ħażin, u bla ma forsi tintebaħ taqa' offsajd.

Dak il-ħin għandu mnejn ikollok ċans ovvju ta' gowl rebbieħ, iżda ħeqq, ikollok tieqaf tilgħab... u trodd il-ballun lura...

Naqra Kulur

2006-06-18T20:46:00.000+02:00

Mill-korrispondent taghna f'Hannover u f'Kolonja

Italia-Ghana 2-0
Ceska Republika-Ghana 0-2

Partitarju partitarja, jew kif rega' sab postu fit-tim Erezija

2006-06-18T13:59:00.000+02:00

Bħall-iblah mort waħdi sat-Tube (bar go Lussemburgu) biex insegwi l-logħba tac-Ċeki mal-Gana. Warajja fit-triq ħallejt il-ħornijiet u l-għajjat tal-partitarji Portugiżi (fil-Lussemburgu hemm minoranza kbira Portugiża). Mort sat-Tube fuq pellegrinagg stramb, ghax kont pellegrin li ma kienx cert jekk kien dieħel fil-knisja xierqa, jew anke jekk kien għadu jemmen f'xi alla. Partitarju jfittex tim, dak li kont. U wara minuta logħob kont naf li t-tim ma kienx se jkun ir-Repubblika Ċeka. Anzi. Kienu l-Gana li gennewni, u gagħluni nibqa' fuq tarf is-siggu nsegwi l-azzjonijiet ta' kontr'attakk tagħhom, u l-ħeffa li biha qasmu d-difiża Ċeka f'erbgħin bicca. U sa l-ahhar tal-logħba kont naf li l-ebda Rosicky ma kien se jgaghlni nħossni bhal dak il-guvni Ċek bilqiegħda mhux 'il bogħod minni mal-bar, rasu 'l isfel, mingħajr kliem, għajnejgħ jifgaw id-dmugħ wara d-disfatta tat-tim nazzjonali tiegħu. Il-Gana għogbuni mhux għax il-Gana xi pajjiż li nħobb jew ghax rebħu, izda ghax huwa tim Affrikan li wera grinta u maestrija tal-logħba - minkejja n-nuqqas ta' esperjenza li wrew fil-grawnd - u bhall-Cote d'Ivoire qabilhom, intfajt b'ruħi u b'gismi warajhom. Hija xewqa tiegħi - u naħseb mhux tiegħi biss - li nara tim Affrikan imur tajjeb f'dan il-werld kapp. U ħesrem għaraft għalfejn ir-rebħa tat-Taljani mal-Gana ma kinitx ħallietli togħma ħelwa. Ovvja. Ghax iddejjaqt nara lill-Gana jitilfu. U għalhekk, wara l-logħba grejt mit-Tube san-naħa l-oħra tal-belt ta' Lussemburgu biex ningħaqad ma' l-Imżebbel ghall-aħħar logħba tal-gurnata - l-Italja kontra l-Istati Uniti. Kont kurjuz nara jekk kont se nibqa' biered u diżentużjażmat mat-Taljani. Xejn minn dan. Għaraft ghal darb'oħra l-ecitament, id-dizappunt tal-partitarju, anke jekk wara li McBride qalha d-daqqa li qalha, ridtu jiskurja... ostja qisni mara, partitarja mqanqla minn aspetti tal-logħba li m'għandhomx x'jaqsmu mal-qofol tal-ħaga.... sentimentaliżmu żejjed - u fl-aħħar kwarta b'ferħ kbir ħassejt qalbi tibda tħabbat qisha mhix hi, tippalpita bħal tadama għat-tmellis tas-sikkina... iva ħi, wasalt fl-aħħar... fl-aħħar il-werld kapp beda għalija...

Il-vjolin stunat

2006-06-18T09:32:00.000+02:00

Italja - 1 : Stati Uniti - 1
17 ta' Gunju 2006

X'hin bdiet il-loghba ma kontx naf ma' min ser inzomm.

L-Amerikuuuni? Rajt it-tribuna amerikana - barbie girls (wahda!), amerikani hoxnin ma jafux jilbsu u, b'mod stramb, kien hemm mumenti fejn il-kamera wriet xi hipsters fit-tribuna minn dawk li tiltaqa' maghhom f'Portland jew Providence, imma mhux cool bizzejjed biex tarahom f'Williamsburg (NY).

Wara l-ewwel gowl Taljan u l-mossa antipatka ta' Gilardino (intefa' jigri u attaparsi daqq il-vjolin b'pretensjoni denja ta' vjolinist tas-seklu 18) kont naf ma' min ser inzomm. U kif! Bdejt inzomm ma' l-Amerikani, ghax kif dejjem nghid il-vera valur tal-futbol, almenu ghalija, hu x-schadenfreude. Sabih wisq tara t-tim tieghek jirbah imma forsi xi minn daqqiet isbah tara "l-ohrajn" jitilfu meta jkunu daqshekk pretensjuzi. Fuq La Deux gibdu stampi tal-pjazez centrali ta' La Louvière u Charleroi ippakkjati tifosi taljani kollha lesti biex jiffesteggjaw vittorja taljana (jew biex nikkwota taljan minnhom 'nu somm prée pur fèr la fett'). Hasra li ma stajtx nara l-loghba fuq ir-RAI...

Nies bhal Gattuso kienu eleganti, ghad-differenza ta' nies bhal De Rossi li wara li ddecieda li jisfaxxa wicc McBride, kellu l-wicc tost joqghod igerger mar-referee, li forsi vera kien rett izzejjed, imma ma kinitx tixraqlu x-xita ta' protesti u kliem hazin li De Rossi rajthu jlissen. Anke xi plejers amerikani ma tantx kienu sportsmanlike.

Ix-schadenfreude dahlet fl-ewwel gowl Amerikan - li kien awtogowl Taljan. Il-pjacir li tara lil Zaccardo jitbissem tbissima mhassba u kemmxejn dizappuntata wara li hu skorja l-ewwel gowl ghall-Amerikani kien pjacir pervers u sabih.

Biex nifteihmu l-Amerikani kellhom gesti stupidi wkoll. Il-fulkru ta' dawn il-gesti huma meta tkecca Mastroeni. Mastroeni beda bir-rutina ta' innocenza tieghu 'jien? jien l-anqas kont hawn meta wegga'! Kont Brooklyn nghin fil-hanut tal-laham ta' missieri... kont qed naqta' bicca perzut fil-fatt...' u l-kowc imbaccac Amerikan ghamel il-hand waving/air slapping tipika ta' zaghzagh amerikani li jaghmlu gesti bhal 'speak to the hand' u 'uh-uh'. Meta tkecca Eddie Pope evita li jaghmel hafna mossi bhal ta' Chris Rock. Chapeau. Imma insomma, il-gesti ta' l-Amerikani kienu semplicement stupidi bhala gesti mhux gesti ta' xi hadd jixrobha bhal ta' Gilardino.

Ma jiddispjacinix mill-ghazla li ghamilt... l-unika dizappunt kien dak il-gowl Amerikan li gie mhassar li, skond jien, kien validu u kellu jizdied mal-golws. Keller man of the match? U zgur!

Din il-loghba surreali kienet l-ewwel loghba f'din il-kompetizzjoni ghat-tazza tad-dinja li dhalt ghalija b'ruhi u b'gismi u kienet loghba b'hafna tensjoni. Kif qal xi hadd fuq is-sit ufficjali tal-FIFA wara l-loghba - the U.S. should win the E group for "E"ffort.

Jien u anita spiccajna l-birra taghna kuntenti li rajna loghba daqshekk stramba u ardita. Loghba bhal din li tikkumpensa ghall-fatt li ghall-ewwel darba f'bosta tazez tad-dinja x-xjaten homor ma' kkwalifikawx din id-darba. U jekk irridu vera ingebbduha nistghu nghidu li l-vittorja Amerikana kienet wahda Belgjana ukoll (Oguchi Onyewu jilghab ma' l-iStandard Liège - hasra li kien pjuttost inutili waqt il-loghba). Imma nahseb veru inkunu qed ingebbduha zzejjed imbaghad...

Links:
FIFA World Cup Match Detail
The Guardian: minute-by-minute

Gruppi C – D – E, Ġurnata 2

2006-06-18T04:24:00.000+02:00

Arġentina 6
Serbja u Montenegro 0

Festa kbira tal-futbol, wisq probabbli l-isbaħ logħba li rajna s'issa f'din l-edizzjoni tal-kampjunat. L-Arġentini għandhom ħafna talent individwali, iżda l-bieraħtlula wrew kemm dan it-talent jitkattar meta jilagħbu bħala tim. Jekk tridu eżempju, araw it-tieni gowl, dak li skorja Cambiasso wara xi seba' passi perfetti bejn il-plejers u daqqa ta' għarqub minn Crespo. Il-gowls kollha sbieħ, anki dak ta' Crespo li ġie mħassar bi żball (fil-fatt, naħseb li kien ħaqqu triplett), imma t-tnejn ta' l-aħħar bellhuni. Kemm hu veloċi Messi, il-wunderkind tal-Barça! Ferħan li José Pekerman sema' mill-partitarji. Wara r-rebħa spettakolari ta' Spanja kontra l-Ukrajna, Maradona stqarr lil stazzjon tat-televiżjoni Spanjola li kien baqa' "acojonado" –ċjoè, imwerwer, jew biex inkunu aktar eżatti, oħorġu aġġettiv mill-għerq BWL– u li jittama li ma jispiċċawx jiltaqgħu ma' l-Arġentini. Il-bieraħ però qal bil-kontra... issa mhux hu qiegħed jibża', imma Aragonés!

Tistgħu taraw il-filmat tal-Fifa, jew inkella il-vidjo ta' hawn isfel. Fl-artiklu ta' l-Orizzont, fost il-ħafna żbalji kien hemm xi erba' espressjonijiet tajbin, iżda milli nista' nara, sfortunatament l-edizzjoni tal-lum (is-Sibt) ma ġietx imtellgħa fuq l-eteru, u l-gazzetta issa mhix qiegħda għandi.

Olanda 2
Kosta ta' l-Avorju 1

Għalkemm plejer ta' skwadra li ma naħmilx (l-Arsenal, b'isem u logo tal-gwerra...), ikolli nammetti, Van Persie kien l-eroj tal-logħba. Kien kullimkien, fid-difiża, f'nofs il-grawnd u fl-attakk, skorja frikik ħelu, u meta fl-aħħar kwarta l-Affrikani bdew jagħmlu ħafna pressjoni, evita l-gowl tad-dro billi bblokkja l-ballun b'sidru fuq dik li l-Orizzont iħobbu jsejħulha l-linja fatali. Daqsxejn sfortunati l-Avorjani, iżda xorta jidhirli li kienu sopravvalutati qabel il-bidu tal-kampjunat. Hawnhekk il-filmat ta' l-isbaħ siltiet.

Il-grupp tal-mewt prattikament miet, u dik li kellha tkun partita klassika mimlija emozzjoni, l-Arġentina kontra l-Olanda, ovvjament se jeħduha bil-lajma, u wisq probabbli se jilagħbu għad-dro. Jekk il-Fifa fasslu l-ordni tal-partiti apposta sabiex it-timijiet il-kbar jiltaqgħu ma' xulxin fl-aħħar logħba, b'ċansijiet kbar li jispiċċa jgħaddi wieħed minnhom biss, fil-każ ta' l-ewwel tliet gruppi l-pjan tagħhom ma rnexxiex. L-Iżvezja, fit-tieni post tal-grupp B, jistgħu jinqalgħu biss jekk jitilfu kontra l-Ingliżi u t-T&T jegħlbu lill-Paragwaj. Tistennewx ħafna fowls jew logħob vjolenti l-ġimgħa d-dieħla... anzi, naħseb li se tkun opportunità biex jilagħbu s-sostituti.

Il-klassifika tal-Grupp C wara t-tieni ġurnata:

---

Messiku 0
Angola 0

Minkejja r-riżultat diżappuntanti għall-Messiku, ma tantx jidhirli li lagħbu ħażin, iżda sabu tim Angoliż aktar grintuż milli diġà kien fil-logħba kontra l-Portugiżi. Hawnhekk il-filmat. Jogħġobni wisq Rafael Márquez, plejer ieħor tal-Barça, imma l-plejer tal-partita (u hawnhekk it-tekniċi tal-Fifa jaqblu miegħi) mingħajr dubju kien il-kiper ta' l-Angola, João Ricardo. Jidher żagħżugħ, iżda għadni kemm sirt naf li fil-fatt għandu 36 sena, u matul l-aħħar staġun ma lagħab ma' l-ebda klabb.

B'dan id-dro ta' mingħajr gowls il-Grupp D isir daqsxejn aktar interessanti mill-gruppi A u C, għax jekk il-Messikani jitilfu kontra l-Portugall u l-Angola jirbħu lill-Iran, wisq probabbli jgħaddu l-Affrikani minflokhom. Se jiddipendi ħafna mill-filosofija kalċistika ta' Scolari (jew Felipão), il-kowċ tal-Portugiżi, għalkemm dan huwa magħruf bħala kowċ pragmatiku ħafna, u ladarba l-Portugall m'għandhomx bżonn rebħa, żgur li mhuwiex se jissogra, u bi dro għandu jkun kuntent. L-ispettaklu ser ikollna nfittxuh fi gruppi oħra.

Portugall 2
Iran 0

Mill-ġdid spikka plejer tal-Barcelona (qabel ma tistaqsu... le, ma nżommx magħhom, l-iżjed tim Spanjol li jogħġobni huwa d-Deportivo La Coruña, il-belt tal-mara ta' missieri, fejn għamilt sena naħdem u nistudja qabel ma mort l-università...) - Deco. Proprjament twieled u trabba l-Brażil, iżda wara ħafna snin f'Oporto għażel li jilgħab mas-selezzjoni Portugiża; u ironikament, meta żanżan il-flokk Portugiż tliet snin ilu, daħal bħala sostitut u skorja l-gowl tar-rebħa, sewwasew kontra l-Brażil. Kif rajna l-bieraħ, huwa plejer intelliġenti ħafna, matematiku, il-passi tiegħu ta' spiss ikunu inċiżivi, jagħti enerġija lit-tim kollu, u biex tgħaxxaq, meta jixxuttja minn barra l-kaxxa l-gowlkipers ibatu ħafna biex iwaqqfu jew saħansitra jmissu l-ballun. Hawnhekk il-filmat. Jekk il-Portugall jiltaqgħu ma' l-Olanda fl-aħħar 16, naħseb li Deco u Ronaldo se jkunu l-plejers li jagħmlu d-differenza.

U hawnhekk il-klassifika tal-Grupp D... kif għedt, ma nistagħġibx jekk il-Portugall u l-Messiku jilagħbu sempliċement għad-dro.

---

Repubblika Ċeka 0
Gana 2

Ħadd minn dawk li qed jieħdu sehem fil-kampjunat 1X2 ma basar dan ir-riżultat. Fl-aħħar rajna rebħa minn tim Affrikan, u tassew mistħoqqa; fil-fatt setgħu kienu erbgħa, għax il-Ganiżi fallew penalti u jekk niftakar sew kellhom gowl imħassar bi żball. Rosicky –l-attakkant magħruf bħala l-Mozart tal-futbol– deher stonat, u l-plejers Ċeki l-oħra ma tantx kienu f'sikkithom lanqas, x'aktarx minħabba x-xokk tal-gowl kmieni Affrikan. Il-filmat. Issa qiegħed nibża' li ċ-Ċeki jfittxu r-rebħa kontra l-Italja... Nedved jafhom sewwa l-plejers Taljani, u ma tkunx l-ewwel darba li l-Azzurri jinqalgħu minn xi kampjunat minħabba ċ-Ċeki... staqsu lil Trappatoni.

Fuq nota oħra: innutajtu li fuq il-blalen uffiċjali tat-Tazza tad-Dinja jidhru miktubin l-ismijiet tal-pajjiżi li jkunu qegħdin jilagħbu l-partita? U innutajtu li l-ismijiet ikunu dejjem bl-Ingliż ? Ma setgħux jiktbuhom fl-ilsien uffiċjali (jew f'wieħed mill-ilsna uffiċjali) tal-pajjiż li jkun, eż. Italia, Hrvatska, inkluż f'alfabeti oħra, eż. Україна ? Jekk għażlu li jużaw lingwa waħda biss, għala kellha tkun l-Ingliż, jekk il-kampjunat qed isir il-Ġermanja?

Italja 1
Stati Uniti 1

Ħadd ma basar dan ir-riżultat lanqas. L-aktar partita drammatika (u melodrammatika) li rajt s'issa... ħadt gost naraha, imma balleċ, kienet frustranti ħafna... Ma nafx intomx se taqblu miegħi, imma jidhirli li dan ir-riżultat huwa inġustizzja kbira. Veru, il-plejers ta' l-Istati Uniti (MHUX Amerikani, sakemm ma nkunux qegħdin nirreferu għall-kontinent) tawhom logħba, Del Piero u Iaquinta setgħu lagħbu aħjar, b'dik id-daqqa ta' minkba De Rossi kien ħaqqu jitkeċċa, imma r-referì saffar offsajd wara l-ieħor, bosta drabi bi żball, inkluż meta ħassar il-gowl ta' Gattuso. Insomma, proset lil Keller, xejn xejn kien ħafna aktar attent mir-referì...

Hawnhekk il-filmat tal-Fifa, għalkemm għad irridu nsibu vidjo itwal għall-moviola. U Gilardino meta ċċelebra l-gowl tiegħu x'kien qed jagħmel? Hekk jindaqq il-vjolin?

Dan il-grupp tal-mewt issa, miftuħ għalkollox... hawnhekk il-klassifika:

Semmejt ħafna l-Barça, u l-lum hemm ċans li nerġa' nsemmihom... qiegħed nittama li Ronaldinho jsaħħarna bl-eleganza u bit-tbissima ċelebri tiegħu. Nisperaw li ma jkollux moħħu f'affarijiet oħra lil hinn mill-futbol...

P.S. Tinsewx taqraw l-artiklu ta' Sharon. (Skużani dfintlek il-bloggata, issa rajtha... u jien kont waqajt lura!) L-Imżebbel jgħid li għadu ma jifhimx kif nista' nżomm ma' żewġ pajjiżi fl-istess ħin... u intom?

Pride without prejudice

2006-06-18T01:50:00.000+02:00

Thank you for inviting me here. Antoine assures me that the blog is open to posts in any language which is a good thing since, if I attempt to write about football in Maltese, I will be writing in a language I know little of about a sport I know nothing about :)

The fact that I know practically nothing about football has not, however, stopped me from writing about the World Cup in today's The Times (I think actually, the fact that it is 48 minutes past midnight around these parts makes that yesterday). Whatever. 17 June: Pride without prejudice. It starts as well as can be expected in the circumstances:

I am not particularly keen on football. Actually, strike that. I am completely indifferent. I do not hate it. It just does nothing for me. Despite being competitive by nature (for proof, apply to all my former Scrabble partners), football leaves me cold. I cannot watch it and I definitely do not play it. It is simply not a part of my life.

I usually like to send my pieces to a couple of people before I submit it for publication so that I can take into consideration some advance feedback. I miss the newsroom brainstorming of old and having to defend my corner to the editor before he accepts a piece for publication. It is a process which tends to weed out problems before the piece actually makes it to print.

This piece, I am sure you would like to know, has already been branded "superficial" and "flawed" by a couple of good friends whose opinion I respect. 800 words does not make for depth so I am ready to accept that criticism but I still have to be persuaded it is flawed. Thus, I lay it open here for discussion, if it interests anyone enough to want to...

The Times yesterday also carried another interesting piece under the heading The geopolitics of football which I think also merits a read.

TotoDinja 1-X-2, Fażi 2-B

2006-06-17T01:29:00.000+02:00

Baldu qed ikaxkarna. Il-lum laqat tlieta minn tlieta u spara 'l fuq. Prosit xbin. Ħa naraw nilħqukx fil-kupun li jmiss...

Hawn hu:

25. Italja – Stati Uniti
26. Repubblika Ċeka – Gana
27. Brażil – Awstralja
28. Ġappun – Kroazja
29. Franza – Korea t'Isfel
30. Togo – Żvizzera
31. Spanja – Tuneżija
32. Għarabja Sawdita – Ukrajna

Sellilna għal Moggi, Bald!!

Gruppi A-B, Ġurnata 2

2006-06-16T15:03:00.000+02:00

Ekwador 3
Kosta Rika 0

Mill-Orizzont:

«[...] gowl kmieni wara biss tmien minuti minn daqqa ta’ ras ta’ Carlos Tenorio witta t-triq għar-rebħa ta’ l-Ekwador li sal-mistrieħ għarfu jikkontrollaw tajjeb.

Għalkemm fit-tieni taqsima Costa Rica ħarġu aggressivi, fl-54 minuta l-Ekwador qatlu l-entużjażmu tagħhom meta skurjaw it-tieni gowl b’Agustin Delgado jirbaħ 'loose ball' (¿?), ikkontrollah b’sidru u tefa’ fir-rokna tax-xibka.

Costa Rica kienu għoddhom naqqsu d-distakk meta laqtu l-mimduda biex* fil-ħin miżjud f’kontrattakk l-Ekwador għamluhom 3-0 b’Ivan Kaviedes ma jfallix minn quddiem il-gowlkiper Porras.»

* Hawnhekk inħoss li tistona ħafna l-kelma biex. Fl-aħbarijiet sportivi jabbużawha ħafna. Il-Kosta Rika laqtu l-mimduda għax riedu li l-Ekwador jagħmluhom 3-0? Ovvjament dan huwa kalk fuq l-espressjoni Ingliża "only for", eż. "Costa Rica hit the bar, only for Ecuador to make it 3-0 in injury time". Jiġifieri li x-xutt tal-Kosta Rika ma serva għalxejn, mhux li serva biex jiskorjaw l-avversarji. Safejn naf jien il-prepożizzjoni biex ma għandhiex il-konnotazzjoni tal-frażi avverbjali ta' l-Ingliż. Per eżempju, meta ngħidu:

«Jones skorja biex imbagħad Camilleri ġab id-dro»

din fil-fatt tfisser li l-gowlkiper kien mixtri biex wara li jiskorja Jones iħalli lil Camilleri jiskurjalu!

Insomma, tajbin ħafna il-gowls ta' l-Ekwador, u mill-ftit li stajt nara l-plejers jidhru tassew b'saħħithom. Hawnhekk il-filmat. Imsejknin l-Ingliżi jekk jiltaqgħu magħhom għax ma jiqfux jiġru, għalkemm l-ewwel irridu naraw kif imorru kontra l-Ġermaniżi.

Il-klassifika tal-Grupp A wara t-tieni ġurnata:

---

Ingilterra 2
Trinidad u Tobago 0

Prosit Ingilterra. Il-bieraħ ir-reġina kienet qiegħda tiċċelebra għeluq sninha (li proprjament kien f'April) fil-katidral ta' San Pawl, u l-plejers tawha happy frickin' birthday billi wrew is-superjorità tagħhom fuq l-iskwadra ta' arċipelago xemxi li sas-sittinijiet kien għadu kolonja Brittanika. Mill-ġdid qed inħallat il-ħass mal-bass u qed inħalli l-avverżjoni tiegħi lejn il-viżjoni anglo-ċentrika tad-dinja tesprimi ruħha fid-diskors dwar il-futbol. Mhuwiex preġudizzju iżda r-riżultat ta' l-esperjenza; min-naħa l-oħra, ma għandi l-ebda intenzjoni noffendi 'l ħadd, u għalhekk min jieħu għalih jista' jmur jeħodha l-bank.

Għadni ma nistax nifhem għala l-Imżebbel interpreta l-kummenti tiegħi bħala attakk personali. L-argument tiegħek nifhmu: int iżżomm ma' l-Ingliżi għax ilek trabbi ammirazzjoni u mħabba lejn il-futbol Ingliż sa minn meta kont żgħir; hija kwistjoni ta' futbol u xejn iżjed. Xi ħsibt, li dan il-fatt ma nirrispettahx? Jien ukoll inħobb insegwi l-Premiership –l-ewwel tim tiegħi l-Man Utd–, imma bejn il-futbol tal-klabbs u l-futbol internazzjonali minn dejjem għamilt differenza, fis-sens illi jekk iżżomm ma' klabb ma jfissirx li awtomatikament trid iżżomm mal-pajjiż li fih ikun ibbażat. Il-Premiership narah bħala kampjunat internazzjonali li jintlagħab fl-Ingilterra. Mill-bqija, trid tqis li jien u int kellna esperjenzi ferm differenti, u mingħajr ma niftaħ kotba, jien għandi ħafna raġunijiet biex ma nżommx ma' l-Ingliżi fix-xena internazzjonali. Ma għandi xejn kontra l-Maltin li jżommu magħhom, wieħed jista' jifraħ bir-rebħiet tagħhom u jiċċelebra mingħajr ma jagħmel wisq storbju; niddarras biss meta jkolli nara u nisma' l-kjass eżarċebat ta' l-għajat, tat-tixjir tal-bnadar, tal-mitejn deċibel tal-ħornijiet u tal-murtali (ma kinux erbgħa dawk li nstemgħu hawnhekk iżda erba' mija) ... qishom iridu jkunu xi ħaga li mhumiex, u din l-identità mikrija jħossu l-bżonn li jbellgħuha lill-pajjiż kollu. Kwistjonijiet ta' identità apparti, lanqas meta jarmaw daqshekk għagħa l-partitarji Spanjoli jew Taljani ma nista' għaliha.

Jiena naf u qatt ma suġġerejt li inti parti minn dak il-parossiżmu. Għalija m'hemmx rabta bejn l-Imżebbel u l-fanatiċi storbjużi tal-bieraħ. Imma mhux ovvja? Kellek għalfejn iġġibhom daqshekk bi kbar?

Lura għal-logħob, tar-rebħa tal-bieraħ nifraħlek. Sfortunatament stajt nara biss l-ewwel taqsima għax inqata' d-dawl fir-raħal kollu, imbagħad kelli x-xorti nisma' l-aħħar kwarta bil-qiegħda fuq l-għatba, permezz tar-radju tal-karozza ta' dak ta' faċċata. Ħadt aktar gost insegwi l-partita hekk, barra fl-isqaq bil-kwiet, milli fuq l-iskrin il-kbir tal-każin. Jidher li meta daħal Rooney ta enerġija ġdida lill-plejers Ingliżi kollha. Yorke lagħab tajjeb ħafna wkoll u nispera li l-Karibej jerġa' jkollhom festa kontra l-Paragwaj. Jekk jirbħu, l-Ingliżi jistgħu jagħmlulhom pjaċir billi jirbħu lill-Iżvezja b'vantaġġ ta' żewġ gowls... u issa li kważi kważi sabu l-forma, għandu jkun possibbli.

Hawnhekk il-filmat ta' l-isbaħ siltiet.

Żvezja 1
Paragwaj 0

Mill-ġdid, l-artiklu tal-MRN bla sugu. Mill-Orizzont:

«L-Iżvezja kienu l-aħjar mill-bidu u wara disa’ minuti Kim Kallstrom impenja lill-gowlkiper Aldo Bobadilla. [...]

Wara l-mistrieħ l-Iżvezja ħarġu aggressivi u għal 45 minuta ppressaw hafna b’Ljungberg jersaq viċin bi freekick * li Bobadilla dawwar tajjeb f‘korner, waqt li fis-60 minuta Marcus Allback ra l-lob tiegħu fuq Bobadilla jiġi kklerjat fuq il-linja fatali minn Denis Caniza.

Iżda l-isforzi Żvediżi ġew ippremjati minuta mit-tmiem meta Fredrik Ljungberg żmarkat quddiem il-lasta xeħet fir-rokna tax-xibka bir-ras.»

* Innutaw in-nuqqas ta' konsistenza: fl-artikli ta' l-aħħar ftit ġranet użaw il-kelma frikik.

Hawnhekk il-filmat. L-Ingliżi m'għandux ikollhom problemi biex jegħlbu lill-Iżvezja, imma xi ħaġa tgħidli li se jilagħbu biss għad-dro...

Il-klassifika tal-Grupp B wara t-tieni ġurnata:

Grazzi lil Nigredo ta' l-umoriżmu li bih ġab lura t-ton kordjali tal-blogg, lil Jacques tar-ritratti sbieħ, u fuq kollox lil Ereżija tal-bloggata ħelwa li biha reġa' daħħal l-element tan-nostalġija. Ħerqan biex inkun naf x'tkun qed tħoss meta jilagħbu t-Taljani kontra ċ-Ċeki!

Il-kontroversja, nispera, intemmet.

It-twelid ta' partitarju part-time

2006-06-16T14:16:00.000+02:00

Fil-5 ta' Lulju 1982 kelli 9 snin.

Fi Triq il-Wied l-Imsida, minkejja l-erjil għoli għoxrin pied, it-televixxin bil-kemm kien jaqbad ix-Xandir Malta u xi kultant ir-Rai Uno; ir-Rai Due kien iktar ross u textix milli le, aħseb u ara t-Tre u l-bqija. Sal-logħba tat-tieni rawnd bejn l-Italja u l-Brażil ma tantx kont segwejt il-werld kapp ta' Spanja għax ħafna mil-logħbiet kienu fuq id-Due. Kelli ħabib ġar xi sena ikbar minni li kien iddeċieda li jiena nżomm mat-Taljani u kuljum kien jiġi għandi b'xi aħbar dwar il-benjamini tiegħi. Rossi, Tardelli, Altobelli, Zoff... Kont naf biss li fl-ewwel rawnd ma kienu għamlu xejn, u bil-kemm ma nqallgħux u għaddew minflokom tal-Kamerun. N'Kono. L-ikbar gowler ta' kull żmien qalli sieħbi. Nhar il-5 ta' Lulju l-ġenituri tiegħi kellhom joħorġu wara nofs in-nhar u għalhekk xegħluli t-televixxin fuq ir-Rai Uno fejn kienet se tintwera l-partita bejn l-Italja u l-Brażil, disajder għal post fis-semi finali.

Ma nafx x'ġara eżatt waqt dik il-logħba imma wara 90 minuta kont inbdilt minn osservatur diżinteressat għal partitarju mill-kbar nett, qalbu tħabbat 200 fis-sekonda, u serp ta' pjaċir jitbandal tul dahru kollu.

B'miraklu l-istampa baqgħet ċara, il-kummentatur (naħseb kien Pizzul, dak il-leħen megalitiku jitriegħed ma' kull azzjoni) instema' ċar ukoll. Kulħadd jaf kif spiċċat dik il-logħba. It-Taljani rebħu, Rossi skurja tlieta, jiena bqajt imsammar mas-siġġu, fid-dar waħdi, għal kollox mitluf fid-deni ta' l-eċitament li ssoltu jħoss biss partitarju akkanit. Meta waslu lura l-mama u l-papa sabuni naqbeż u nogħla fis-sodda, nimmolla u nwerżaq b'ferħ isteriku, u wara li ċċekkjatli t-temperatura, ommi sabitli 102 deni.

Fil-jiem li segwew dik ir-rivelazzjoni ma kontx iddiżappuntat. It-Taljani rebħu mal-Polonja fis-semi finali. Il-logħba kienet fuq ir-Rai Due jew it-Tre, insomma, ma stajt nara xejn iżda xorta bqajt ma' ġenb it-televixxin, qisni qed inqerr lill-Father Joe. Fuq l-iskrin ross, is-sawnd diżastru, bil-kemm tagħraf li hemm kummentatur u li hemm xi ħaġa għaddejja, iżda b'widnejja ma' l-ispijker, segwejt biżżejjed biex għaraft meta skurja l-ewwel gowl Rossi, u t-tieni wkoll, u għalkemm ma kontx ċert li kienet spiċċat il-logħba, meta smajt il-ħornijiet tal-karozzi barra fit-triq, u l-bnadar Taljani jperpru mill-karozzi għaddejjin sparat, ħadt ir-ruħ. Kienet logħba sofferta. Sal-lum għadni ma nafx kif kienu l-gowls ta' Rossi.

U mbagħad il-finali. Il-ġenituri ħaduni għand ħbieb tagħhom G'Mangia, fejn l-istampa kienet ċarissima, u stajt nara kull plejer li f'temp ta' ġimgħa kont sirt nafhom bl-amment - Gentile, Cabrini, anke Gelindo Bordin, il-gowler riżerv...

Għal snin wara bqajt fan tat-Taljani. Speċjalment tal-klabbs tagħhom li fis-snin tmenin rebħu Champions Cups, Cup Winners Cups u UEFA Cups bir-rimi. Soffrejt kull meta tilfu. Ħassejt dexa ta' pjaċir kull meta rebħu, bit-twistees jew il-ħobż biż-żejt f'ħalqi, wieħed mill-uniċi svogi tiegħi fl-addoloxxenza, u meta skoprejt l-atletika, żammejt mat-Taljani wkoll. Fil-maratona minn dejjem kienu minn ta' quddiem.

Fast Forwerd għat-12 ta' Ġunju 2006, għeluq snieni. 33 sena. Il-Black Bull Pub ġewwa Paceville fejn qed insegwi l-partita bejn l-Italja u l-Gana mat-tfajla u mal-ħbieb.

Il-plejers Taljani ma nafhomx, isimhom ġodda għalija, ili ma nsegwih it-tim. Kuntent li qed nara l-logħba, it-tazza tad-dinja dejjem tferraħħni għax għal xahar sħiħ donnu kulħadd ikollu ħsieb komuni, u s-sens ta' kompetizzjoni u ta' komunita jingħaqdu id f'id... qisu l-Milied... apparti li hemm il-pjaċir li żżur bars differenti u tara nies ġodda, kollha għajnejhom fissi fuq l-iskrins tat-televixxin, li kull erba' snin dejjem jikbru iżjed. Bilqiegħda, mal-ħbieb, il-logħba bdiet tiżvolġi ruħha fuq il-plażma skrin quddiemna, u jiena sirt konxju ta' l-istennija tiegħi li dejjem tiġini kull tazza tad-dinja, li d-deni jibda tiela' u l-uġigħ li jħoss kull partitarju jerġa' jibda jfeġġ ġewwa qalbi kull darba li t-Taljani jinżlu jiddifendu. Iżda did-darba ma ġara xejn minn dan. Anzi, bil-kontra, kull darba li t-Taljani tellgħu l-ballun u l-plejers tal-Gana kienu jidhru mhux għall-altezza tas-sitwazzjoni, bdejt nibża' li l-azzuri jiskurjaw. U din il-biża' ħasditni. Mela minix sapporter tat-Taljani jew? X'iż-żobb? U fil-fatt, skoprejt minnufih li s-seħer tal-5 ta' Lulju 1982 kien wasal fi tmiemu. Kont liberu, meħlus, mhux iktar partitarju. Jew?

Sieħbi Mario tani l-aħbar li ċ-Ċeki kienu rebħu 3-0, kaxkru l-Amerikani bix-xibka b'kollox, wirja eċċellenti ta' futbol, u ma stajtx ma ninnotax textixa ħafifa f'sidri... jaqaw? se tinbet fija mħabba ġdida? Fiż-żmien li qattajt Praga ġieli żammejt maċ-Ċeki fil-hockey tas-silġ u anke fil-futbol, iżda issa li t-Taljani donnhom tilfu dik is-setgħa li kellhom fuqi, se nbaxxi rasi għal seħer ġdid?

Nisperaw li l-logħba bejniethom tiżvela kollox...

Arti Mondjali

2006-06-16T14:06:00.000+02:00

Gewwa l-istazzjon Hauptbanhof gewwa Kolonja il-Germanja bhalissa wiehed jista' japprezza bicca arti Mondjali. Fil-fatt il-kumpanija TBWA kienet inkarigata minn Adidas sabiex taghmel affresk memorabbli fuq is-saqaf. Ispirata mill-arti ta' Michelangelo gewwa s-sistina din il-bicca xoghol zgur li tixraq lill-Loghba S-Sabiha!

Man/Woman of the Match

2006-06-16T09:55:00.000+02:00

Ingilterra - Trinidad u Tobago : 2-0

L-Imzebbel. Is-sorsi taghna nfurmawna li dan ir-ragel deher ihuf f’diversi bars u lokalitajiet ohra Ewropej fejn kienet qed tintwera l-loghba ta’ l-Inglizi, liebes suttana bajda b’salib ahmar fuqha. Apparentement, bejn ghajta u ohra ta’ ‘Vindaloo Vindaloo Vindaloo’ u 'f'ghoxx-Lampard-dawk-il-blalen-mac-Chelsea-ma-titlifhomx', kien qed jistaqsi ghal zewg individwi, certi Twanny u Baldu. Dejjem skond is-sorsi taghna, L-Imzebbel wera xewqtu li jorbot lit-tali individwi ma’ siggu, izommilhom l-ghotjien t’ghajnejhom miftuhin bit-tejp u jgaghlhom jaraw il-finali tat-Tazza tad-Dinja tal-1966 owver end owver egejn.

Sadanittant, L-Imzebbel qed jigi nnominat bhala Die Hard Fan of the Month, flimkien ma’ Twanny ghal Spanja u Baldu ghal San Gejtanu. Ghac-cerimonja tan-nominazzjonijiet, kien hemm il-parrukkier ta’ Rudi Voeller mistieden, li qajjem kontroversja hekk kif stqarr:

“Porca troia. Meta plejer jinzel fil-grawnd, hemm biss hu, shabu u ta’ kontrieh. Jilghab biex jirbah hu, mhux biex jaghmel unur lil pajjizu jew biex jaghti pjacir lis-sapporters. X'izzobb. Dawk l-affarijiet jigu wara, meta jkun qed ikellem lill-gurnalisti, u meta kollox ikun mexa sew. U jigi fucken jitnejjek fil-culo jekk dawk li qed ixejru l-bnadar humhiex Eskimos, Zabbarin jew is-Simpsons.”

Il-kontroversja tissokta.

Right of replyWara ċerti kummeti...

2006-06-16T01:21:00.000+02:00

Twanny u Arċibald,

Bir-rispett kollu, imma naħseb li m'intom tifhmu xejn, jew ma tridu tifhmu xejn..

Din mhix kwistjoni ta' entużjażmu eċċessiv, imma ta' sapport għall-iskejjel tal-futbol li tkun issegwi. Mhux se nieħu fit-tul, għax għajjien, u llum xbajt nikkustinja fuq ħwejjeġ li għalija huma wisq iżjed minn ovvji. Diġa tlift il-logħba Żvezja - Paragwaj minħabba ċerti mentalitajiet assurdi, u issa m'inix beħsiebni nitlef xi sagħtejn irqad minħbba dan-nejk. Kemm nagħmel żewġ punti, għax dil-ħaġa nzertat tagħtini f'sormi żżejjed.

Jiena partitarju Ingliż. Meta nifraħ għax jerbħu l-Ingliżi, ma nkunx qiegħed nifraħ b'rix ħaddieħor, imma b'rixi stess, għax jien partitarju tal-futbol Ingliż. Ma ngħidx "rebħu", imma "rbaħna". M'humiex "huma" imma "aħna". Fejn jidħol il-futbol, jien wieħed minnhom. Xejn iżjed, xejn inqas. Iżjed ċar minn hekk ma nistax inkun.

F'dal-blogg issib min jitkaża għax jisma' erba' murtali, imma mbagħad jiktiblek dwar l-Ispanja li għandu "tnemnem" f'qalbu b'ton deċiżivament emozzjonali, kif wara kollox għandu jkun. Jien kultant naħseb li qegħdin nidiskriminaw, u nispera li qiegħed nifhem ħażin, imma tassew ma jidhirlix. Jekk se noqgħodu nfettqu fuq il-korrettezza politika (xi ħaġa li ddejjaqli żobbi), irridu nużaw l-istess riga ma' kulħadd u f'kollox, u mhux fejn jaqbel lilna biss.

Jiena qatt ma mort nispara murtali jew inxejjer bnadar, għax dan narah żejjed, imma meta jerbħu l-Ingliżi nħossni ferħan daqs kull Ingliż ieħor. Għalija jkun rebaħ it-tim tiegħi u mhux ta' ħaddieħor. Nerġa' ntenni, jien partitarju ta' l-Ingliżi sal-bajd, u ili nsegwi l-futbol Ingliż sa minn meta kont nilgħab bid-duda.

Iżda m'inix 'partitarju' bħall-hooligans li jaħxu l-gost ta' kulħadd bit-tkissir, il-vjolenza u ġieli wkoll bir-razziżmu bla sens. Lanqas bħal dawk il-partitarji Ingliżi Maltin li għadhom jirromantiċċizzaw bil-kolonja u biż-żobb ta' reġina. Jekk niġu f'dan jien nistmerr lill-monarkija Ingliża, u fija għad hemm leħen Mintoffjan jgħajjat li "jew bħalkom jew aqbżulna 'l barra b'kollox għax m'aħniex bżonnkom". U kuntent li ħlisna minnhom, jew aħjar, mill-klassi dominanti tagħhom li għadha sal-lum iddardar l-Alla b'ħafna pretensjonijiet kolonjali skaduti.

Jien parititarju tal-futbol Ingliż, minn dawk li jpaxxu grawnd bis-sapport u l-allegrija, għax iħobbu lit-tim Ingliż u l-futbol Brittaniku. U ta' dan jien kburi, u m'għandi xejn għala nistħi għax meta jerbaħ it-tim tiegħi niċċelebra u nagħmel ħafna frattarija. Jekk niġu f'dan, f'dal-pajjiż hawn ħafna nies li jmisshom jistħu ferm iżjed minni minħabba l-mibgħeda li qegħdin ixxerdu fost nieshom stess, l-iżjed kontra nies oħrajn li lanqas jafuhom minn Adam. U dan mhux qegħdin jagħmluh fil-futbol, imma fi kwistjonijiet ta' ħajja u mewt.

U nispera ma jiġix xi ħadd jgħidli li minħabba hekk m'inix Malti tassew jew li qiegħed nilgħaq sorm xi ħadd. Min jafni jaf sew kemm inħobb lil Malta u lill-kultura ta' dan il-poplu. M'għandix għalfejn noqgħod inġib ħafna eżempji. Hawn qegħdin nitkellmu fuq il-futbol, u mhux fuq ħwejjeġ oħrajn li jeħtieġu t-tħaddim ta' loġika u ta' attitudni totalment differenti.

Jien paritarju tat-tim Ingliż, li hu t-tim tiegħi, għax anke wara tfuliti ddeċidejt b'mod konxju li se nibqa' nappoġġjah jiġri x'jiġri, bit-tama li xi darba, fl-aħħar, wara das-snin kollha, jerġa' jkun fejn tassew jixraqlu - fil-quċċata!

U fuck the fucken queen, u għal darba, viva l-Maltin... iżommu ma' min iżommu!

Isa... forsi xi darba nagħmlu xi ħaġa

2006-06-15T21:51:00.000+02:00

Tobago qisha Għawdex. In-nies ta’ Tobago, milli għarfuli xi ħbieb minn hemm, mimlijin bil-propjeta’ li jikru w jisolħu lin-nies ta’ Trinidad meta jmorru għall-btala fis-sajf. Il-gżira ż-żgħira meta mqabbla mal-Malta tagħha, li hija Trinidad, din hija iktar kwieta u l-ħajja timxi iktar bil-mod. U n-nies iseksku fuq dak u fuq l-ieħor, u jkunu jafu li tfajla nqabdet tqila mill-boyfriend qabel ma ssir taf hi stess. U tarġa Tobago aħjar minn Għawdex, għax għandha l-ajruport tagħha, jiġifieri niesa huma inqas dipendenti fejn jidħol trasport.

Trinidad minn naħa l-oħra, nistħajjilha Malta. Bajjiet kemm trid, poplu sa ċertu punt razzist, u gżira li nimmaġina li ttik ammont regolari ta’ klawstrofobija jekk tkun tgħix fiha. U minnflok il-Marsa tal-Ingliżi hemm il-Port of Spain, u l-indipendenza mill-Ingliżi ħaduha sentejn qabilna. U l-Prim Ministru wiċċu tost biżżejjed li jaħtar lill-mara tiegħu bħala Ministru ta’ l-Edukazzjoni.

Xi rrid ngħid b’dan kollu? Trinidad u Tobago, li għalkemm ftit ikbar ġeografikament, tista’ faċilment tqabbilhom ma’ Malta u Għawdex. U dawn waslu sal-kampjonat tat-Tazza tad-Dinja u sa joħorġu minnu, għalkemm b’ċans kbir li ma jgħaddux għat-tieni round, mingħajr mistħija.

Għala Malta qatt tagħmel xejn?

Grupp H, Ġurnata 1; Grupp A, Ġurnata 2

2006-06-15T17:44:00.000+02:00

Bejn il-lejla u għada se nibda nitkellem dwar il-lingwa tal-futbol, bil-għan illi ndommu glossarju ta' kliem kalċistiku bil-Malti u bl-Ingliż (u x'aktarx anki bit-Taljan). Ta' kuljum se nkun qed nislet xi termini u espressjonijiet li jintużaw fil-gazzetti Maltin. Kelma li laqtitni ħafna dan l-aħħar hija frikik, użata darba wara l-oħra fit-Torċa u fl-Orizzont. L-ewwel darba li rajtha deherli li kien jonqosha k oħra fit-tmiem, iżda mbagħad ftakart fil-partiti li kont nilgħab ta' tifel ma' sħabi tar-raħal, fil-grawnd jew f'dik it-triq wiesgħa li hemm bejn il-knisja u l-iskola. Kif jiġri ta' spiss f'ilsna oħra, u mhux biss fi kliem relatat ma' l-isports, il-pożizzjoni tas-sillaba tonika tinbidel, u l-aċċent jista' jiġi spostat sew lura sew 'il quddiem. Fl-Ispanjol, per eżempju, il-kelma Ingliża pé-nal-ty minn żdruċċjola saret watija (pe-nál-ti); fil-Franċiż u fil-Portugiż, il-kelma watija foot-ball saret tronka (Fr. foot-ball, Port. fu-te-bol). Għalkemm mhux dejjem faċli tiskopri r-raġuni eżatta għal dan it-tibdil, ġeneralment isir minħabba n-natura tal-vokali tal-lingwa li tkun, aktar milli minħabba regoli stretti tal-fonetika. L-eżempju Franċiż –sorprendenti mill-punt di vista ta' l-ortografija meta tqis it-tradizzjoni qawwija ta' trażlitterazzjoni li ġejja mis-seklu XVIII– jispjega ruħu faċilment għax f'din il-lingwa l-kliem kollu huwa tronk; fl-eżempju Portugiż, is-sekwenza –tb– tinstema' innaturali u kienet meħtieġa l-introduzzjoni tal-vokali e, maħtufa, li mbagħad min-naħa tagħha ikkaġunat l-ispostament ta' l-aċċent biex tevita kelma żdruċċjola. Biex immorru lura għall-kelma Maltija, il-Maltin ma jgħidux fri-kikk iżda fri:-kik, wisq probabbli biex l-ee ta' free tibqa' tinstema' bħala i twila. Ħaġa li qatt ma stajt nifhem hija għala ngħidu handsball flok handball, imma dik storja differenti.

Insomma, tawwalt ftit u ma nixtieqx nimla dan il-blogg b'wisq kliem tekniku; jekk inkompli nidħol fl-irqaqat inwegħidkom li dan nagħmlu fuq il-blogg tal-Maqluba. Nirreproduċi hawn isfel xi frażijiet li sibt fil-gazzetti Maltin b'referenza għall-partiti tal-bieraħ. (Ikkoreġejt l-iżbalji ortografiċi, u indikajt il-kliem interessanti li beħsiebni nislet għall-glossarju).

Spanja 4 Ukrajna 0

Fuq din il-logħba tkellimt hawnhekk. F'Spanja diġà ppolitiċizzaw il-goleada. Zapatero jsemmi l-Ispanja plurali. Mariano Rajoy, tal-Partido Popular, jitkellem dwar «il-kburija leġittima ta' l-eqdem nazzjon fl-Ewropa». L-eqdem nazzjon? Skond liema ktieb, señor Rajoy?

Imbagħad l-awto-ironija li tikkaratterizza l-psike ta' biċċa kbira mill-popolazzjoni Spanjola:

Miskin, mhux imdorri jirbaħ, u dażgur, imbagħad jiġru dawn l-affarijiet...

Mill-Orizzont:

«Għalkemm għadu kmieni biex wieħed jikkunsidra lill-Ispanjoli bħala sfidanti kbar għar-rebħ tat-titlu, il-plejers tagħhom taw wirja kbira f’kull dipartiment li tawguralhom għall-futur.

B’din ir-rebħa t-tim ta’ Luis Aragonés issa ilu 23 partita konsekuttiva ma jsofri telfa.

Spanja marru fil-vantaġġ wara 13-il minuta. Korner minn fuq ix-xellug minn Xavi ħoloq paniku fid-difiża ta’ l-Ukrajna u XABI ALONSO bir-ras sab ix-xibka.

Erba’ minuti wara l-iskor irdoppja u din id-darba kien DAVID VILLA li dirett minn frikik minn barra l-kaxxa ra l-ballun jixxellef ma’ ras Andri Rusol fil-barriera avversarja u jqarraq bil-gowlkiper Olexander Shovkovsky.

Il-kowċ ta’ l-Ukrajna, Oleg Blokhin, daħħal żewġ attakkanti wara l-intervall, Andriy Vorobei u Oleg Shelayev, iżda l-pjan tiegħu ġie mgħarraq wara biss żewġ minuti meta Vashchuk intwera l-karta l-ħamra għax ġibed lil Torres, u mill-11-il metru VILLA għamilhom 3-0.

Wara dan il-gowl Villa ġie mserraħ u floku daħal Raul.

FERNANDO TORRES issiġilla r-rebha bir-raba’ gowl b’xutt fuq il-ġirja disa’ minuti mit-tmiem.»

L-artiklu tal-MaltaRightNow ma sibtux. Hawnhekk il-filmat ta' l-isbaħ siltiet.

Tuneżija 2
Għarabja Sawdita 2

Kif diġà aċċenna Nigredo, din kienet logħba miftuħa u divertenti ħafna, speċjalment it-tieni taqsima. L-artiklu tal-MaltaRightNow ma fihx sugu. Mill-Orizzont:

«[...] fis-57 minuta YASSER AL QAHTANI kiseb id-dro bi ġmiel ta’ gowl b’xutt mill-ewwel fuq kross ta’ Noor għalkemm issikkat minn żewġ difensuri.

Sitt minuti mit-tmiem is-Sawdi reġgħu skurjaw u deher li kien se jkun il-gowl tar-rebħa. Id-difiża Tuneżina nqabdet f’kontrattakk, is-sostitut SAMI AL JABER avvanza waħdu minn nofs il-grawnd u b’xutt fil-baxx għeleb lil Ali Boumijel għat-tieni darba.»

Roger Lemerre, il-kowċ tat-Tuneżija, jisfida lit-tim Spanjol:

«B’dan ir-riżultat nistgħu nkomplu naħdmu b’moral għoli. Il-logħba li jmissna hija kontra l-favoriti tal-grupp, Spanja, iżda fuq dak li wrejna llum għandna biex noffrulhom sfida denja.»

Hawnhekk il-filmat.

Il-klassifika tal-Grupp H wara l-ewwel ġurnata:

---

Ġermanja 1
Polonja 0

Il-MaltaRightNow iħallu ħafna kliem bl-ortografija Ingliża: goaler, goal, ground, round. Mill-Orizzont (wara li rranġajt daqsxejn il-punteġġjatura):

«Gowl fil-ħin miżjud ta rebħa mistħoqqa ta’ 1-0 lill-Ġermanja fuq il-Polonja b’dawn ta’ l-aħħar jinsabu ferm viċin li jisfaw eliminati.

[...] ir-riżultat ta’ 1-0 ma jirriflettix l-andament tal-partita minħabba li l-iskor seta’ kien akbar li kieku approfittaw mill-okkażjonijiet li ħolqu, speċjalment fl-aħħar żewġ minuti meta laqtu l-mimduda darbtejn [...].

Iżda hekk kif deher li l-partita kienet ser tispiċċa fi dro ta’ mingħajr gowls, OLIVER NEUVILLE rnexxielu jixħet lill-partitarji tiegħu f’dellirju ta’ ferħ [...].

Sa dak il-ħin il-Pollakki kienu qed jagħlqu l-ispazji, tant li l-Ġermaniżi bdew isibuha xi ftit diffiċli biex jinfdu d-difiża [...].»

Il-kummenti ta' Klinsmann:

«Ridna aktar veloċità fil-logħob tagħna. Iż-żewġ plejers li daħħalt huma veloċi u ġabu ftit tal-ħajja fil-logħba.»

U hawnhekk il-filmat.

Daqshekk għalissa... inkomplu aktar tard. Ħudu gost!

Man/Woman of the Match

2006-06-15T07:10:00.000+02:00

Spanja - Ukrajna : 4-0
Tunezija - Gharabja Sawdita: 2-2
Germanja - Polonja: 1-0

Dik li fil Bel Paese jsejhula Botta di Culo. Xi whud jghidu li hi stamina, jew perseveranza; imma Botta di Culo tinstema' isbah.

Zewg partiti salvati in extremis u ohra fejn in-nuqqas estrem ta' dan il-fenomenu spicca biex ghamlu protagonista. Oleksandr Shovkovskyi, il-gowlkijper ta' l-Ukrjana, apparti l-ahhar gowl, kellu x-xorti hazina li jmiss il-blalen kollha li dahlu minghajr ma rnexxilu jwaqqaf l-ebda wiehed minnhom. Sorsi infurmawna li dan il-plejer ghandu antenati Interisti u ghalhekk kellu jitghabba bis-sahta tal-Close-But-Not-Quite-Enough.

It-Tunezija gabu d-dro` fil-hin mizjud, filwaqt li t-Tedeski serqu rebha fl-istess sitwazzjoni. Iz-zewg loghbiet kienu missielta u l-iskor seta' mar ijderwej. Imma rimedji effikaci kontra l-Botta di Culo ma tantx ser issib.

Nominazzjonijiet ghall-Biggest Butt on the Pitch jinkludu lil Roque Junior, talli kien jigi kkonvokat man-nazzjonal; it-tim tas-South Korea fil-Werld Kapp li ghaddiet; Gus Hiddink; u Rudi Voeller li jghidu li l-mustacci sahansitra jikbrulu f'dik il-parti ta' gismu li joqghod bil-qeghda fuqha.

Goleada

2006-06-15T04:22:00.000+02:00

Din il-bandiera repubblikana ta' Spanja. L-unika bandiera li sħabi u jien konna lesti nperpru meta konna mmorru ningħaqdu mal-manifestazzjonijiet fit-toroq ta' Madrid. Din l-Ispanja li tnemnem f'qalbi, l-Ispanja liberali, moderna, li taħrab mill-pressjonijiet omoġenizzanti għax konxja tad-diversità tagħha u tad-dinja, li ma tippretendix tkun xi ħaġa li mhijiex u ma tfaħħarx wisq lilha nnifisha, għax patrijottika mingħajr ma tagħmel wisq storbju. L-Ispanja li xebgħet minn lemin maħkum mit-tentakli ta' l-opus dei (b'ittri żgħar), fejn wieħed jista' jirrespira u jiftaħ il-pulmun mingħajr ma jibża' mill-intenzjonijiet ta' dak li joqgħod maġenbu. L-Ispanja li tħares 'il quddiem, li tapprezza l-kulturi barranin daqs tagħha stess, li ma tħossx xi nostalġija oskura għal meta f'Spanja x-xemx ma kienet tinżel qatt għax mifruxa f'erba' kontinenti, u fejn l-ospitalità li tant niftaħru biha l-Maltin tinstab ta' veru, għax kulħadd mistieden, u min jirrispetta jiġi rrispetat.

L-Ispanja ta' l-erba' lingwi –jew aktar, skond kif wieħed jiddefinixxi l-kelma 'djalett'–, tal-kafetteriji u tat-tertulias, tal-filosofija u tas-sobremesas, tal-films ta' Almodóvar qabel ma biegħ ruħu lill-magna kummerċjali, tal-versi tal-kantawtur Joaquín Sabina, ciudadano del mundo, u tal-qabbiela jkantaw fil-pjazez. L-Ispanja li mhijiex ossessjonata bil-brutalità tat-toros jew b'kulur id-dmija, l-Ispanja wikkiela, karnivora u ħabiba kbira tal-ħut, li ma tħobbx tgħid li l-gastronomija tagħha aqwa minn dik tal-bqija tad-dinja. L-Ispanja li ferm diffiċli ssib bħala turista jew imqar bħala osservatur, għax ma tipprovax timponi lilha nnifisha u qalja tagħmel ħoss. L-Ispanja li nħobb jien tiskopriha fid-djalogu kordjali, u taraha wkoll fis-skiet.

U, minkejja r-rwol importanti li kellu r-re Juan Carlos biex reġġgħu lura d-demokrazija wara l-mewt ta' Franco u evitaw gwerra ċivili oħra, l-Ispanja li għadha tistenna li jittieħed l-aħħar pass lejn is-sovranità tal-poplu: it-tmiem tal-monarkija u tal-privileġji li għadha tgawdi minnha n-nobbiltà.

Iżda meta niġu għall-isports, kull bandiera żejda, inkluża dik tar-Repubblika. Erba' snin ilu, fi żmien it-Tazza tad-Dinja tal-Korea u l-Ġappun, ma kellniex bżonn bnadar, flokkijiet, xalel jew innijiet nazzjonali biex urejna l-appoġġ tagħna lis-Selección. Kienu sfortunati ħafna f'dik l-edizzjoni tal-kampjunat, għax kontra l-Koreani ħassrulhom żewġ gowls li kienu totalment leġittmi, u misshom rebħu. Niftakru sew dak il-jum, għax kumbinazzjoni kien għeluq snini –erba' lustri u erbgħa, numru tond–, il-partita xandruha fil-għodu u konna għamilna l-lejl kollu nixxalaw fit-toroq ta' Alcalá. Komplejna l-festa fuq is-sufani tal-bar Arġentin, dak li kellu jagħlaq ftit wara u floku poġġew stabbilment ta' fast tapas b'dwal tan-neon jgħammxulek għajnejk. Logħba veloċi, il-Koreani perikolużi, l-Ispanjoli jqassmu aħjar il-ballun. 0-0 fil-brejk. Fil-bidu tat-tieni taqsima jiskorja Baraja, iżda r-referì Eġizzjan isaffar fawl ineżistenti. Puyol jiddefendi tajjeb ħafna, Casillas ma jibża' minn xejn u jwaqqafhom kollha. Il-ħin miżjud. Morientes idaħħal il-ballun bejn il-lasti, iżda r-reff jivvinta xi waħda u l-gowl jiġi annulat. ¡Me cago en la puta! Konfoffa Ażjatika żgur, lit-Taljani se jtuhom raġun. Tisfira finali. Penaltis. 3-3. Kulħadd fuq ix-xwiek. Dak il-mingħul li elimina lit-Taljani jiskorja. 4-3. Il-biża'. Ir-riġlejn jirtogħdu. Jitla' Joaquín, imkisser wara kull ma ħadem tul il-logħba. Jekk ma jiskorjax jinfetħu bwieb is-sema. Jixxuttja... bla saħħa. Il-Koreani jiskorjaw l-ħames penalti... y se acabó.

Iżda dak il-kampjunat ġie u għadda. U donnu din is-sena ta' Spanja. Fl-isports, s'intendi. Is-sena u anki dawn l-aħħar ftit ġimgħat. Nadal għadu kemm kaxkar ir-Roland Garros għat-tieni darba konsekuttiva. Alonso, kampjun tal-Formula 1, rebaħ f'Silverstone għaxart ijiem ilu. U l-lum lill-Ukranjani tajniehom erbgħa, se nispiċċaw il-grupp b'disa' punti, u hemm ċans kbir li niltaqgħu mal-Koreani fl-aħħar 16. Hekk nispera, ħa npattuhielhom!

Kemm ħadt gost nara u nisma' l-logħba... kumbinazzjoni l-bieraħ sirt naf li tista' tara l-partiti live fuq l-internet fl-ESPN2. Il-kummentarji jkunu bl-Ingliż Amerikan (u ngħid is-sewwa, niskanta kemm jafu dwar il-futbol, anki fejn tidħol din il-logħba huma ffissati fl-istatistiċi!), iżda baxxejt il-volum u qgħadt nisma' r-radju Cadena Ser. Dil-partita kelli nismagħha bl-Ispanjol, ħa nisma' lill-preżentaturi jifirħu u jkarkru għal sekondi twal l-o tal-kelma gol...

Ikklikkjaw hawn biex tisimgħu l-ewwel gowl (u l-ferħ tal-kummentaturi), ta' Xabi Alonso, u hawnhekk biex tisimgħu t-tieni, il-free-kick ta' Villa. L-isbaħ wieħed, però, kien dak ta' Torres għaxar minuti qabel it-tmiem... Puyol iserrep u jilgħab 1-2 ma' Fábregas, jitfa' l-ballun ġol-kaxxa u Torres jixxuttja b'nofs voli dritt fil-gowl... tremendo. Bellezza. Kif bdew jgħajtu l-partitarji Spanjoli fit-tieni taqsima: ¡Sí, sí, sí, nos vamos a Berlín!

Il-Koreani fl-aħħar 16, il-Brażil fil-kwarti ta' finali, imbagħad forsi l-Ingilterra (x'estażi kieku jirbħulhom lill-Ingliżi!)... u fil-final, tgħid jiltaqgħu mat-Taljani? Imbagħad jien ma' min se nżomm?? Iebsa din... imma wisq probabbli ma' l-Ispanja Repubblikana.

Man/Woman of the MatchTA' VERA!

2006-06-14T17:25:00.000+02:00

Kull kumment ieħor ikun żejjed...

Gruppi F - G, Ġurnata 1

2006-06-14T14:49:00.000+02:00

Korea t'Isfel 2

Togo 1

Ngħid id-dritt, għandi lanzita għalihom jien il-Koreani (futbolistikament, s'intendi)... erba' snin ilu eliminaw lill-Portugall, imbagħad lit-Taljani, u mbagħad, b'daqqa t'id (probabilment imxaħħma) mir-referì, bagħtu lill-Ispanjoli d–dar fil-kwarti ta' finali. Aktar fuq dik il-partita mxajtna fil-bloggata li jmiss. Biex tgħaxxaq, fuq is-sit tal-Fifa qabblu l-gowl ta' Ahn Jung-Hwan ma' dak li skorja kontra l-Italja fl-2002.

S'issa l-erba' skwadri sub-Saħarjani kollha tilfu, iżda naħseb li għadu kmieni biex ngħidu li din mhijiex is-sena tat-timijiet Affrikani. It-Togoliżi lagħbu tajjeb, speċjalment fl-ewwel taqsima, iżda l-fattur tal-veloċità jgawdu minnu anki l-Koreani. Ta' min Franza u l-Iżvizzera joqogħdu attenti, għax kontra dawn iż-żewġ timijiet se jkollhom jaħdmu ħafna... aktar u aktar wara d-dro tal-bieraħ.

Sbieħ ħafna t-tliet gowls li ġew skorjati: hawnhekk il-filmat.

Franza 0

Żvizzera 0

Partita tad-dwejjaq. Il-Franċiżi sopravvalutati, u mhux ta' b'xejn ilhom sa mill-finali tat-98 ma jdaħħlu l-ballun bejn il-lasti. Għalkemm ħadt gost nara lil Zidane u anke lil Barthez, ġeneralment kienu deludenti. Ma jniggżux, u l-Iżvizzera ma tantx offrew divertiment lanqas. Li ma nifhimx huwa għala l-kowċ Franċiz ma kienx sejjaħ lil Ludovic Giuly, l-attakant tal-Barça, lanqas meta weġġa' Cissé ftit qabel ftuħ il-kampjunat. Biex taraw x'kapaċi jagħmel f'partiti importanti, araw dan il-gowl li skorja kontra l-Milan fis-semi finali taċ-Champions.

Il-protagonista tal-logħba għalija kien ir-referì. Valentin Ivanov. Żmagat, iħobb jeżerċita l-awtorità tiegħu, joqgħod mhux b'seba' għajnejn iżda b'seba' mija, jagħmel żbalji u ma jitħarrikx. Nispera li ma jintgħażilx għal xi logħba ta' l-Italja jew ta' Spanja.

U Henry, il-maġiku Henry tan-numru 12? Donnu għadu ma sabx il-formula, jonqsu l-aktar ingredjent importanti: is-saħħa fix-xuttijiet.

Ikklikkja hawn biex tara l-filmat.

Il-klassifika tal-Grupp G wara l-ewwel ġurnata:

---

Brażil 1

Kroazja 0

Not so beautiful. Sakemm ma ssostitwewx lil Ronaldo l-Brażil kienu qegħdin jilagħbu b'għaxra. Bi ftit eċċezzjonijiet (Juan, li salva lit-tim tiegħu darba darbtejn tlieta, u Cafu, li minkejja li m'għadux jiflaħ l-istrina xorta għadu veloċi daqs vapur ta' l-art), il-Brażiljani lagħbu qishom barbie dolls. Ftit kien hemm koordinazzjoni, u f'nofs il-grawnd iddominaw il-Kroati. Kellu jkun l-isforz individwali ta' Kaka biex rebħu l-logħba, għalkemm ta' min wieħed jinnota li l-gowl spettakolari tiegħu wasal ftit wara li weġġa' l-kaptin Kroat għat-tieni darba u kellu jirtira. Hawnhekk il-filmat.

Kemm għamlu storbju l-partitarji Kroati, speċjalment dawk tan-naħa ta' fuq... min jaf jekk kinux l-istess Juropids li qalgħu t-trabil f'Ta' Qali...

Il-klassifika tal-Grupp F wara l-ewwel ġurnata:

Insomma, minkejja li l-bieraħ lagħbu l-aħħar żewġ kampjuni tad-dinja, ftit rajna futbol eċċitanti. Iżda għadu kmieni, u għalkemm il-Brażiljani jidher li se jkunu qegħdin jilagħbu b'mod aktar pragmatiku mis-soltu, naħseb li għad jirrankaw u jsibu l-eleganza u s-sbuħija li aħna mdorrijin nassoċċjaw magħhom.

Għal hawn jien... se tibda l-partita ta' Spanja. Xi għaxart ijiem ilu l-Ukrajna żammew dro lit-Taljani, iżda dawn kienu għajjenin u kienu għadhom ma sabux il-forma li wrew il-bieraħtlula. Jekk ituhom tnejn jew tlieta inkun kuntent, importanti li jibdew jattakkaw kmieni... ¡¡¡ Arriba España !!!

Melancolie

2006-06-14T14:25:00.000+02:00

Franza - Svizzera

0-0

Dejjem ghogbitni t-tahlita ta' poezija, melankonija u analizi politika u socjologika ta' shabi Francizi...

I'm not sure I told you this French theory, in which I strongly believe, about France only being able to win games when the government is on the left: well, after watching yesterday's game, I can just confirm it... We're all waiting for our national team to cheer us up as a nation (but in the same time, 60% of the people here just LOVE constantly spitting on them...), and here we go again -sad, slow, untalented, painful games. Our football is the exact reflection of our national mood : very unsecure, unconfident, seeking for a way out of the swamps. Wait & see, it could miraculously get better, but... Enough said! Thomas

TotoDinja 1-X-2, Fażi 2-A

2006-06-14T12:50:00.000+02:00

Ilħaqtek, Baldu! Iżda għadu kmieni ħafna, u bħalissa hemm sitt persuni b'8 punti. Il-Mandraġġar, li daħal wara l-ewwel tmien logħbiet, s'issa laqat 5 minn 6. Prosit xbin... minkejja li ġejt naqra tard, m'intix 'il bogħod mill-mêlée.

Nies, il-lejla jibdew il-partiti tat-tieni ġurnata... hawnhekk il-logħbiet 17 sa 24, ħallu l-kupun tagħkom fil-kummenti.

17. Ġermanja – Polonja
18. Ekwador – Kosta Rika
19. Ingilterra – Trinidad u Tobago
20. Żvezja – Paragwaj
21. Arġentina – Serbja u Montenegro
22. Olanda – Kosta ta' l-Avorju
23. Messiku – Angola
24. Portugall – Iran

Ta' min nibdew naħsbu kif se nagħmlu wara l-partiti tal-gruppi – ma nixtieqx nikkomplika wisq ir-regoli, jew inżommu l-"X" jekk naħsbu li l-logħba se tispiċċa b'dro wara 90 minuta (u ma nagħtux kas il-ħin miżjud u l-penaltis), inkella nwarrbuha u nilagħbu biss bil-1 u t-2. Għalija xorta, l-ewwel opzjoni forsi aktar interessanti, it-tieni aktar eċċitanti... intom x'taħsbu?

Man/Woman of the Match

2006-06-14T06:19:00.000+02:00

Brazil - Kroazja: 1-0

Ronaldo. Minn dejjem ikkunsidrat bhala l-pilastru tal-Brazil, il-bierah ma ddeludiex u telaq in Pole Position. Infatti ntefa' fil-lunetta avversarja u bhal pilastru, ma ccaqlaqx pulzier, la 'l hemm u lanqas 'l hawn. Hawn fuq narawh ma' siehbu Cafu` waqt Press Konferens, meta l-gurnalist Gamajkan Bradder Hillari staqsihom : 'Illejla x'se jigri?' Ftit wara Ronaldo rrisponda : 'Jiena zgur li le.'

Minkejja l-umorizmu niggiezi, il-gurnalisti sportivi xorta wahda xehtu n-nominazzjoni tieghu ghal Most Immovable Presence on the Pitch. In-nominati l-ohrajn huma l-pedamenti ta' istejdjum, Adriano u l-presenza ta' Rudi Voeller f'din il-kolonna.

Twil għal xejn

2006-06-13T21:40:00.000+02:00

Min hu butwila bħali, spilungone, qisu pilastru, x’aktarx semgħu dan il-kumpliment. L-aktar li huwa mxerred fost it-tfal, imma anki hemm xi kbar li jkomplu jgħiduh, għaliex it-tul mhux spiss in-norma, l-aktar fil-pajjiżi tan-naħa tagħna. L-espressjoni ssaħħarni għax dejjem staqsejt lili nnifsi għala t-twil jattira daqshekk attenzjoni. Biex inkunu għidna kollox, anki l-estrem l-ieħor, naturalment, jaqlagħha fuq rasu: min-nofs prinzjoni u s-sikspenz ta’ dari, għan-nanu kemmxejn kattiva u l-‘qum bil-wieqfa’ li hija kampjun ċelebri ta’ l-umoriżmu jaqta’ Malti.

Forsi għax parte in causa, parte lesa u mixgħuf, imma l-qosra jeħlisuha ħafna aktar ħafif. Il-qosra tiggustahom, l-essenza fil-fliexen iż-żgħar (u l-velenu wkoll), u l-qosra jafu jkunu ħfief ukoll, bħal Maradona u l-Bużu. It-tifkira li għandi tan-nies qosra l-iskola hija waħda fejn kienu jkunu popolari, minn quddiem f’gaj subien (tara anki f’ċerta klikek ta’ qattagħni fejn tinħasad tara wieħed qisu likk jippoppa sidru u jiftaħ idejh huma u jsegwuh), u kulħadd jaqbeż għalihom. Għax ma tridx tagħmel għaż-żgħar, imma jekk għandek il-gazz, għamel għal min hu akbar minnek.

U qisu t-twal jibżgħu anqas minnhom. Għax hemm twal u twal. Mhux dawk li jkunu ġà qishom ġolf, sovra-sviluppati. It-twal għal xejn, li jridu joqgħodu attenti ma jmorrux jaħbtu l-qrun, l-istikek forsi daqsxejn ħotbija u jbatu minn daharhom, tqal u goffi u jidhru minn kullimkien, li jidgħulhom jekk ikunu bil-wieqfa quddiemhom f’xi kunċert, u li agunija jekk ma jsibux post fuq ix-xarabank Malti u li jidħlu eżatt f’siġġu tat-tokis ta’ l-Eden.

Biex niġbdu lejn il-futbol, Koller taċ-Ċeki, li għamel l-ewwel ballun kontra l-Amerka, x’aktarx kien jipprendih kulħadd l-iskola. Imma skinny Peter Crouch, b’dak il-kunjom li jimplika tbaxxa, staħba, inżel, u qisu jdoqq bħal hunch, kien jibża’ minnu xi ħadd? L-ewwelnett, mid-dehra ugly, imma meta darba mort nara l-Arsenal man-Newcastle, lil Beardsley kienu qed jgħiruh hekk, u dak ma fihx raġel. U ngħiduha kif inhi, nieħu minni u mhux biss, it-twal enormi tipo Crouch ma tarahomx plejers kbar is-soltu, l-aktar fil-pożizzjoni kruċjali li jilgħab fiha l-beanpole Ingliż.

It-twal Crouchjani tqal u mhux ħfief, u qishom aktar magħmula għall-baskit jew għall-voli. Imma għalhekk il-futbol l-isbaħ logħba, għax poetiku fid-demokrazija tiegħu. Bla stikek u xkupi, imma trid biss ikollok riġlejk kollha hemm (u lanqas bilfors), u bl-immaġinazzjoni tista’ tiftiehem fuq l-għoli tal-mimduda u l-weqfin, basktijiet ġgieget ġebel siġriet. U tkun kif tkun, postok issibu dejjem, u mhemmx bżonn tkun speċjali wisq, bħal min jirkeb iż-żwiemel jew jiskorja f’qoffa jew iwassal il-ballun min-naħa għal oħra ta’ xibka.

Imma Crouch speċjali xorta. Apparti li jfakkarni fija, Crouch simpatikament għajnbaqru fil-ballun. M'ilnix insegwih nammetti, u naqra li ma’ min kien skorja mhux ħażin. Jien rajtu xi ftit mal-Paragwaj u, bil-limiti kollha dovuti, narani nissielet fuq il-ħaxix kull nhar ta’ Ħamis meta niltaqgħu nagħtu daqqtejn. U Anġlu wkoll jaqbel, u nnota lil kull darba li Crouch iniżżel ballun, għid li għandu jtih daqqtejn tlieta qabel jaqbdu sew jew inkella jbiegħdu wisq u jitilfu. Il-Letis, akkanit tal-Liverpool imma mhux ta’ l-Ingliżi (search me!), milli nifhem, ma tantx għandu pjaċir bih, u meta semmejtlu ċertu ġolf ieħor li ħarġuh is-Serbja fit-tieni taqsima, qalli li dak ukoll twil għalxejn. Il-Letis u Anġlu tgħidx x’passata għaddew bis-sostitut tal-Lillestroem li nħareġ mill-kowċ biex isaħħilhom l-attakk immexxi minn Michael Mifsud (qasir, ħafif u tassew gustuż), imma tarahom it-tnejn, minkejja li għall-ballun jinqalgħu mhux ħażin, mhux li għandhom xi persuna timpressjonak.

Allura, bqajt jiena biss naqbeż għal Crouch, li kienu jgħiruh freak waqt il-logħob tal-Premiership u li għandu “a good touch for a big man”, bil-parenteżi u l-kwalifiki kollha li l-kategoriji strambi jkollhom jgħaddu minnhom (gay imma jħobbu l-futbol, ta! iswed imma vera orrajt!). Wiċċu wkoll jaffaxxinani: fundamentalment mhux sabiħ u mimli irġulija bħal ta’ xi Figo jew kwalunkwe Taljan, imma gawky, ta’ Ingliż stereotipiku mrobbi taħt sema ċlampu bit-te u l-iscones, birra l-pabb, a curry at the Paki jew deep-fried Mars bar mingħand iċ-chippie. Ifakkarni wkoll f’tifel Tas-Sliema, dejjem twil wisq għall-età żagħżugħa tiegħu, għadu gawky huwa wkoll imma bil-kruha ħelwa ta’ Crouch u x’aktarx tixraqlu wkoll iż-żifna tar-rowbot, u min jaf kemm se jkun sabiħ darba jwarrad wara li l-ormoni jkunu straħu u jibda adultezza ta’ sbuħija.

Jekk naqra ‘l Crouch, forsi żżejjed kif inhu s-soltu tiegħi imma l-likk naħseb spiss nolqtu, nimmaġina tifel forsi nervuż, kemmxejn inkwetat, nevrotiku ftit jew ħafna, Ian Curtis tal-Joy Division jiddawwar mal-lasta tal-majk qisu serp li tah tal-qamar. Skizzojdi forsi wkoll, bħat-teorija fil-vina ta’ Lombroso dwar il-karatteristiċi fiżiċi tal-kriminali li kienet ħasditni ta’ tifel inqalleb il-Joy of Knowledge. Għalkemm x'aktarx, se jkollu l-kwota tiegħu ta' groupies, xorb u tbaħrid, u stejjer fuq is-Sun.

U għalhekk, f’din it-Tazza aktar minn qatt qabel, wara kemm insofri għal Malta u l-Furjana, u t-tamiet qajla mwettqa għall-underdogs u l-minnows, il-plejers suwed, somor, imdaqqna, il-pajjiżi ta’ l-Aħħar Dinja, Peter joħroġli s-simpatija mliġġma għall-Ingliżi u l-anti-Taljaniżmu, u drabi noħlomni fuq spallejh, the full 12’’11 of us, bit-trofew f’idejna inkantaw Football’s Coming Home.

Imma naħseb li l-isbaħ mod kif nista’ nara ‘l Crouch huwa bħala l-ġgant ġentili, tifel sew, ġismu stramb u mhux mifhum, li laħaq hemm fuq, l-Olimpu tal-kbar, u mejjet biex jitfgħu fix-xibka u jiżfnilna dik id-daqqa iebsa, wieqfa u mrażżna, ta’ min ma jridx jidher wisq għax ġà bla ma jrid jidher biżżejjed, imma li ġismu kieku jista’ jtir ‘il fuq ‘il fuq bil-ferħ.

Gruppi E - F, Ġurnata 1

2006-06-13T17:07:00.000+02:00

Gooday sport! - Awstralja 3 Ġappun 1

Żewġ timijiet mill-Paċifiku, b'storji u stili differenti għall-aħħar. Gowl fantażma tal-Ġappuniżi fl-ewwel taqsima – kien jew ma kienx fawl? Fil-każin ta' Lourdes qalu li l-kiper ħareġ qisu qed ikeċċi l-friefet. Schwarzer, tal-Middlesborough, minkejja l-erba' gowls li qala' kontra s-Sevilla fil-final ta' l-UEFA, kien l-eroj ta' l-Awstraljani meta rebħu lill-Urugwaj fl-għoti tal-penaltis tal-play-off tal-kwalifikazzjoni. Fowl jew le, il-bieraħ kien daqsxejn sfortunat. Hiddink irrabja, u naħseb bi raġun.

Kif diġà għarrafna Nigredo, is-Socceroos qatt ma kienu skorjaw fil-fażi finali tat-Tazza tad-Dinja. Imbagħad imorru u jtuhom tlieta f'tmien minuti. Ħelu ħafna t-tieni gowl, imma kien it-tielet li tassew ta xhieda ta' kemm l-Awstraljani kienu aktar b'saħħithom mill-avversarji. Prosit Sur Hiddink - mal-Korea t'Isfel, bl-għajnuna tar-referis, mort tajjeb ħafna, iżda jekk din id-darba jirnexxilek tmexxi lill-iskwadra mill-Antipodi sal-kwarti ta' finali, il-ħafna rispett li tgawdi minnu fid-dinja futbolistika għad jirdoppja.

Id-dinja mużajk. Araw x'taħlita ħelwa kellna fiż-żewġ timijiet: Alessandro Santos plejer tal-Ġappun, u jilagħbu ma' l-Awstralja kien hemm Bresciano, Grella, Viduka, Schwarzer... Mhux biss, iżda Cahill, l-awtur tad-duppjett li qaleb l-iskor, imwieled minn missier Ingliż u omm Samoana. Dawn il-plejers li jogħġbuni, qishom in-nomadi tal-futbol... u għad issib min jippretendi li r-razez u n-nazzjonijiet ikunu 'puri'. X'affarijiet dawn, ma jafux li s-sbuħija qiegħda fil-varjetà!

Hawnhekk il-filmat ta' l-isbaħ siltiet.

---

Morru lura d-dar, ejja...
Stati Uniti 0

Repubblika Ċeka 3

Fil-pajjiż ta' l-istilel u l-istrixxi, hemm ħafna nies li jaħsbu li d-dinja tibda f'Seattle u tispiċċa f'Maine; meta xi tim tal-baskitbol jirbħu l-kampjunat nazzjonali jsejħulhom il-World Champions. Iva, naf, qed inħallat il-ħass mal-bass, imma ma nistax naħbiha: din hija waħda mir-raġunijiet il-għala l-Istati Uniti, fl-isports u mhux, ma nista' nniżżilhom xejn.

Wara biss 5 minuti wasal il-messaġġ, ċar u tond minn ras Koller: kexkxu 'l hemm, x'l-imniefaħ ġejtu tagħmlu hawn? Petr Cech, Poborsky, Nedved (minkejja li plejer tas-Serie B Taljan...) – iċ-Ċeki kienu superjuri f'kull dipartiment. Lil Rosicky jgħidulu l-Footballing Mozart, u effettivament, fiż-żewġ gowls tiegħu t-trajettorja tal-ballun jidħol bejn il-lasti kienet qisha melodija. Ikklikkja hawn biex tara l-filmat.

B'hekk l-Istati Uniti tad-Duh!merka jibdew il-kampjunat f'qiegħ il-klassifika... fejn ħaqqhom ikunu.

Forza Azzurri! - Italja 2 Gana 0

F'żewġ kelmiet Jacques qal kważi kollox: sbuħija u grinta. Grande Camoranesi, għalija l-aqwa plejer tal-logħba. Pirlo dendlilhom waħda tajba, li wisq probabbli tispiċċa fit-top ten tat-turnew, u li kieku Toninu kien ftit aktar xortih ma' għajnu f'dak ix-xutt bomba tal-minuta 27 kien skorja gowl bellezza. Il-Ganjani lagħbu tajjeb, speċjalment id-difiża Mensah, iżda fl-attakk ibatu wisq.

Fit-tieni taqsima, Iaquinta ra ż-żewġt uċuh tal-munita: l-ewwel darba li sab ruħu waħdu quddiem il-kiper Affrikan waqqgħuh b'daqqa malinja fuq għarqubu, u li ma kienx għall-iżball ta' l-assistent referì (għax żgur li ma kienx offsajd) id-difiża kien jitkeċċa mingħajr tlaqliq ta' xejn. L-ewwel żewġ sillabi minn fomm Lippi setgħu jintgħarfu faċilment, it-tnejn frikattivi: Va-fa... (Sfortunatament, dan il-mument kritiku ma ġiex inkluż fil-filmat.) Imbagħad, it-tieni darba, minkejja l-iżball iblah ta' Kuffour, Iaquinta ġera lejn il-gowl qisu trejn u ferraħ lill-partitarji kollha tal-Belpaese. Kemm ħadt gost narahom jiċċelebraw... jalla jkomplu hekk ħa jispiċċaw il-grupp b'disa' punti, u jnessuna -imqar ftit- mill-mistħija ta' l-iskandli li wħud qed iħossu li qatlu l-Calcio darba għal dejjem.

Il-klassifika tal-Grupp E wara l-ewwel ġurnata:

Għadna nistennew xi rebħa sorpriża... u qalbi tgħidli li l-lejla l-Iżvizzera, tim żagħżugħ mimli talent (nispera li jilgħab Gygax, dak li skorja kontra l-Italja f'partit ta' ħbiberija xi ġimagħtejn ilu) se jiksbu tliet punti kontra Franza. Se naraw ukoll lil Ronaldinho u t-tbissima karatteristika tiegħu (forsi mhix kumbinazzjoni li twieled f'Porto Alegre) ... il-festa tal-Logħba s-Sabiħa tkompli.

P.S. Lil dawk li qed iżommu ma' l-Ingliżi – sibt dan il-vidjo :-)

Ma Jitghallmu Qatt

2006-06-13T09:30:00.000+02:00

Prosit lill-azzurri tal-loghba sabiha u grintuza li laghbu l-bierah. Ghogbuni. Vera li l-Ghana setghu ikunu iktar konkreti u inqas fexfiexa imma dan ma jnaqqasx mill-loghob sabih li rajna. Ovvjament meta dahal Mauro German il-loghba sbiehet specjalment bit-toppu li kellu. Hasra li lil Del Piero stmawh fil-warrani wara li dahal u l-uniku blalen li tawh kienu ghall-girja olimpjonika.

Sadattant skoprejna li il-bufera ta'skandli u imhatri gewwa l-Italja ma affetwatx lill kullhadd l-istess. Buffon ma tantx deher inkwetat. U dak l-imnieghel Cannavaro sahansitra ammetta illi kellu imhatra fuq il-partita tal-bierah. Fil-fatt Stephen Appiah (ex Juventus) kellu imhatra ma Cannavaro dwar min se jirbah il-partita u issa Appiah se jkollu jixtri plazma skrin lil Cannavaro.

U ahbar ohra ta' l-intricci bejn Piedipuliti u l-Werld Kapp. Jidher li fl-ahhar xi hadd induna li il-kapokapone tar-Roma Sensi m'huwiex ezattament qaddis. Fil-fatt fil-kaz tal-falsifikazzjoni tal-passaporti ta' Cafu u Gustavo Barthelt intalab li Sensi jehel ghaxar xhur habs. Din ovjament hija l-gustizzja normali - l-ebda azzjoni ma ttiehdet dwar frodi sportiva cara daqs kristall (ghalfejn tiffalsifika passaport ta' plejer?).

Intalbu ukoll disa' xhur habs ghal Cafu - wiehed mis-simboli tal-futbol Braziljan. Jekk (u hawn naghmlu diversi mossi skaramantici) il-Brasil jilhqu il-final Cafu jaf ikun l-ewwel plejer li jkun laghab f'erba' finali differenti. Skond Cafu l-ahbar li gejkja mill-Italja dwar it-talba ghall-inkarcerazzjoni hija inenzjonata biex itellfu il-koncentrazzjoni. Nahseb li dam wisq jilghab mar-Ruma. J'Alla jirbah il-Werld Kapp... imbaghad tara l-gustizzja.

Man/Woman of the Match

2006-06-13T08:44:00.000+02:00

Gappun - Awstralja : 1-3

L-ispirtu Aborigenu li hakem lit-tim Awstraljan kontra l-Gappun. Il-fotografi taghna rnexxilhom jiehdu ritratt esklussiv ta' din l-entita` invisibbli minn Dawnander li lejn tmiem il-loghba nvadiet il-grawnd. Il-verzjoni Awstraljana ta' l-iskwirril ta' Highbury, ghenet mhux ftit sabiex it-tim Orjentali jghejja drammatikament u jhalli via libera ghall-attakkanti tal-flokk isfar biex jiskurjaw wiehed, tnejn, tlieta fi spazju ta' tmien minuti. Fir-ritratt naraw kif l-ispirtu qieghed jaqta' jdejh lejn ix-xettici li qaghdu jirrimarkaw kif l-Awstralja qatt ma skurjaw gowl fit-Tazza tad-Dinja.

L-ispirtu Aborigenu huwa nnominat ukoll bhala Most Bestial Presence on the Pitch, fejn ghandu c-cans li jigi nkluz ma' leggendi rebbieha ta' dan it-titlu, fosthom Vinnie Jones, Gennaro Gattuso u Rudi Voeller fl-ahhar loghba tieghu bhala kowc tar-Roma.

Angola - Portugall: 0-1Bastardi, qħab u servjenti

2006-06-12T14:22:00.000+02:00

Tassew logħba interessanti li għal bosta kellha interess mhux biss kalċistiku iżda wkoll mill-iżjed storiku. Ix-xorti riedet li l-Angola, li kienet kolonja Afrikana tal-Portugiżi, tniedi l-ewwel dehra tagħha fit-Tazza tad-Dinja b'partita kontra l-eks-ħakkiema tagħha. L-Angoliżi ħarġu telliefa b'telfa minima, iżda żgur mhux b'rashom baxxuta. Il-Portugall ma setax kellhom bidu aħjar, iżda wara l-furja inizjali battew mhux ftit, u l-Angoliżi bdew bil-mod il-mod deħlin fil-partita, speċjalment fit-tieni taqsima.

L-entużjażmu tal-partitarji Angoliżi wara tmiem il-partita wera ċar kemm dawn kienu kuntenti bid-dehra qalbiena tat-tim tagħhom. Dik l-eforija fakkritni fil-partitarji tat-Trinidad u Tabago li huma wkoll ferħu mhux ftit wara li t-tim tagħhom żamm fi dro lill-ġinġrin ħelwin ta' l-Iżvezja. Jien għoddni ħassni ħażin. Min jaf x'inhu ġej nhar il-Ħamis!

Ngħid is-sew, għal mument immaġinajt lill-Maltin fl-istess sitwazzjoni f'partita kontra t-tim nazzjonali Ingliż. Kważi kważi stajt nisma' lill-partitarji Ingliżi jinfexxu jsejħulna waiters waqt li aħna ngħajjruhom bastards. Din l-istorja jafha kważi kulħadd. Min għandu interess partikulari f'dik il-ġrajja, jista' jasal wasla sal-bini ta' l-Union Press fil-Marsa, fejn fil-kuridur ta' l-ewwel sular jista' jara mal-ħajt kartellun ġgantesk ta' l-ewwel faċċata tal-ħarġa tal-jum ta' wara tal-ġurnal l-orizzont.

Inzerta li kemm il-prestazzjoni ta' l-Angoliżi u kemm ir-riżultat aħħari tal-partita, kienu bejn wieħed u ieħor l-istess bħal tal-logħba ta' ħbiberija storika li kienet intlagħbet fl-istadjum tal-Gżira. Illum dan sar jixbaħ lit-Teatru Rjali tal-Belt Valletta. Iżda minkejja li dan l-istadjum illum jinsab mitluq, f'dawk l-inħawi llum xorta għadek tara kalċaturi ta' kull età, daqs u nazzjon, u saħansitra ta' kull sess. Dawn issibhom jilgħabu bil-blalen u l-boċċi u jħabbtu mal-lasti bla heda minn fil-għodu sa fil-għaxija. Tassew m'għandhomx kwiet. Spiss nistaqsi lili nnifsi għala l-FA Maltija qatt ma inkludiet fil-kontinġent tagħha wħud minn dawn il-kalċaturi u esperti tekniċi. Minn hawn nagħmel appell lil Dr. Joe Mifsud biex jieħu nota u passi xierqa dwar dan li qiegħed ngħid, forsi ma tafux kif inżidu l-entużjażmu u ntejbu xi ftit il-livell ġenerali tal-futbol Malti.

Lura għal-logħba ta' lbieraħ, nistgħu ngħidu li l-prestazzjoni ta' l-Angola kompliet tikkonferma kemm tassew tjieb il-futbol Afrikan, u wkoll, kemm dawn "il-qatta negri" la huma l-boloh u wisq anqas l-islavaġġ li wħud minn ħutna l-Maltin tant wissewna dwarhom. Lill-avversarji tagħhom l-Angoliżi tawhom battikata mhux ħażin, u forsi ma kienu jkunu serqu xejn kieku rnexxielhom iġibu l-iskors indaqs. Forsi l-Angola m'hux l-aqwa tim Afrikan tal-mument, iżda nħoss li għad nisimgħu iżjed dwarhom.

Kollox ma' kollox it-timijiet Afrikani qegħdin juru logħob ta' livell għoli, speċjalment il-Kosta ta' l-Avorju li forsi kontra l-Arġentini kien ħaqqhom xi ftit aħjar. Ma niskanta xejn jekk f'dan it-turnew għad narawhom javvanzaw u saħansitra jeliminaw timijiet ferm iżjed kwotati, bħal ngħidu aħna, lil dawk li dan l-aħħar sirna nafuhom bħala tal-Juwropids.

F'dan il-kuntest, kurjuż ħafna dwar x'se juruna l-lejla l-Gana kontra t-Taljani. Lil dawn ta' l-aħħar kulħadd jiftakarhom jitħabtu mhux ftit biex għelbu lin-Niġerja waqt l-edizzjoni tat-Tazza tad-Dinja li saret fl-Istati Uniti fl-1994. Iżda aktarx li f'dan is-sens, l-iżjed logħba inter-kontinetali memorabbli kienet il-kwarti tal-finali bejn l-Ingilterra u l-Kamerun ta' l-1990, meta għal xi ħin l-Afrikani saħansitra kienu b'gowl minn fuq wara li sa ftit qabel l-iskor kien jaqra 1-0 kontra tagħhom.

Kellhom ikunu żewġ penalties fuq l-istrajker leġġendarju Gary Liniker li, kif kien xieraq, kienu salvaw lill-Ingliżi minn telfa sorprendenti... u lili minn bikja tassew kbira, li iżda mbagħad kelli nibkiha xorta waħda, wara dik il-qaħbeċ lotterija tal-penalties f'dik is-semi-finali memorabbli kontra l-Ġermanja tal-Punent.

Hekk kif qiegħed nikteb din il-bloggata, ħarsti marret fuq id-DVD ta' dik il-logħba, li minkejja li ilni li xtrajtu xi xahar, għad ma sibtx qalb noqgħod nerġa' narah. Iżda dwar dik il-partita memorabbli, u r-repliki tagħha li segwew waqt partit eliminatorji oħrajn li ġew wara, forsi nikteb iżjed 'il quddiem. Għalissa ma fadalli xejn ħlief nawgurla lil sħabi l-partitarji Taljani "in bocca al lupo, ma attenti al lupo!"

Gruppi C - D, Ġurnata 1

2006-06-12T13:10:00.000+02:00

Il-Larinġa Mekkanika:
Serbja u Montenegro 0
Olanda 1

Qed jiddispjaċini daqsxejn li tlift din il-logħba –ħadt sjesta twila, għamilt dawra durella mal-gazzetti u aġġornajt it-tielet bloggata tal-firillu u l-farfett– għax skond id-deskrizzjoni ta' El Mundo, din il-partita kienet «taqbida bejn is-sbuħija estetika u l-eqdem ortodossja». Hawnhekk il-filmat ta' l-isbaħ siltiet. Rebħet l-estetika lis-sobrjetà: it-Tulipani għelbu n-nasba ta' l-offside u Robben tana gowl mill-isbaħ. Għalkemm uħud mill-plejers Balkaniċi ħarġu jikkritikaw lill-kowċ tagħhom wara l-partita, ta' min wieħed jinnota kemm hija kompatta d-difiża: fil-fatt, fl-għaxar logħbiet tal-kwalifikazzjoni qalgħu biss gowl wieħed – dak ta' Spanja.

Il-klassifika tal-Grupp C wara l-ewwel ġurnata:

Bravu, bravu pitravu:
Messiku 3 Iran 1

Imsejknin l-Iranjani - avolja l-Messikani kienu superjuri (hawnhekk il-filmat), bil-gowl li qalgħu kwarta qabel tmiem il-logħba minħabba żbalji tal-kiper u ta' wieħed mid-difensuri tilfu ċ-ċans li jiksbu l-punt tad-dro. Imbagħad ġie t-tielet gowl, ta' Zinha... bellezza, naħseb it-tieni l-isbaħ gowl li rajna s'issa, wara dak ta' Frings. Qegħdin jgħidu li Omar Bravo kien l-eroj tal-partita. Inċidentalment, qabel ma sar plejer professjonali tal-futbol Bravo kien dilettant tal-boksing, kif tistgħu taraw minn wiċċu:

Saffar, reff...
Angola 0 Portugall 1

Jekk l-Ingliżi lagħbu qishom FC Baked Beans, il-Portugiżi l-bieraħ kienu Sporting Bacalhao. Kont mingħalija li l-Portugall it-tim ta' l-aċċellerazzjoni, veloċi u ħfief daqs l-irjieħ ta' l-Atlantiku, u fl-ewwel ftit minuti tal-logħba hekk dehru: mill-bidu nett Figo ma qgħadx idur mal-lewża – ħariġha, ħaffef 'il fuq u fetaħ għal Pauleta, li messu skorja dak li probabbilment kien ikun l-aktar gowl kmieni fl-istorja tat-Tazza tad-Dinja. Imbagħad il-gowl, xi ftit ċansijiet fiż-żewġ naħat tal-grawnd, u l-partita raqdet. Hawnhekk il-filmat. Cristiano Ronaldo kien daqsxejn sfortunat –laqat il-traversa fl-35 minuta–, u Simao lagħab tajjeb ukoll, iżda l-bqija, ħlief forsi l-aħħar ħames minuti meta l-Affrikani bdew ifittxu serjament id-dro, baħħ u dwejjaq. L-aħħar darba li ltaqgħu dawn iż-żewġ timijiet, fl-2001, il-partita ġiet sospiża 20 minuta qabel it-tmiem minħabba logħob vjolenti, b'4 plejers ta' l-Angola mkeċċijin. Tal-bieraħ kienet daqsxejn maħmuġa wkoll, u ta' min Ronaldo joqgħod naqra attent, għax meta jinbxuh jirreaġixxi malajr u faċli jitkeċċa u jitlef xi partita tal-fażi eliminatorja.

Il-klassifika tal-Grupp D:

S'issa rajna ħafna Chelsea u ftit Man Utd... u Juventus? La Rometta? Issa naraw... nispera li l-Azzurri ma jbatux wisq kontra l-Gana (l-hekk imsejħin Brażiljani ta' l-Affrika), fil-1X2 bassart rebħa Taljana, imma forsi l-plejers jinsabu wisq demoralizzati biex jilagħbu b'ruħhom u ġisimhom kif għamlu dejjem il-predeċessuri tagħhom. Jekk ma jirbħux il-lejla, iċ-Ċeki se jbiċċruhom.

Saħħa ħbieb... u ħudu gost.

---

P.S. (1) - Bilħaqq, Saviola ma kienx offside meta skorja t-tieni gowl ta' l-Arġentina... araw ir-ripetizzjoni.

P.S. (2) - Mark: tinsiex timla l-kupun li jmiss tal-1X2... baqa' siegħa u nofs.

P.S. (3) - Tellajt il-kanzunetta Il-Werld Kapp ta' Renald Abela u l-Bamboċċu... togħġobni wisq. Hawn xi ħadd għandu ftit tal-ħin (u paċenzja) biex iniżżel il-kliem ħalli ntellgħuh hawnhekk?

Man/Woman of the Match

2006-06-12T09:48:00.000+02:00

Angola - Portugall : 0-1

Eccezzjoni straordinarja fejn it-titlu se jinghata lil aktar minn persuna wahda. Dawn it-tlett sapporters ta' l-Angola huma fil-fatt Belgjani minn Ghent li minghalihom sejrin jissapportjaw lil pajjizhom fil-Werld Kapp. Hekk kif illendjaw il-Germanja, qalb tajba infurmathom li l-Belgju ma' kienx ghadda ghal din l-edizzjoni. Ghalhekk, minflok jidghu, bdew ikantaw: DO-RE-MI-AN-GO-LA. End di rest is histri.

Sorsi infurmawna li t-tlett paladini huma wkoll innominati ghal Jolliest Superheroes Award. Rebbieha ta' dan it-titlu jinkludu Cafu`, li taghmillu x'taghmillu fil-grawnd se jidhak f'wiccek; ir-referee Collina ghal ragunijiet ovvji; u Rudi Voeller ghal dik id-darba li ddecieda juri wiccu quddiem in-nies meta qaxxar il-mustacci.

Kanzunetti għall-Werld Kapp

2006-06-11T20:10:00.000+02:00

Meta kont qed inħejji l-poddata mis-sensiela ta' Mużika Mod Ieħor għal din il-ġimgħa, ħsibt li jkun xieraq indoqq xi ħaga li b'xi mod torbot mal-logħob tat-Tazza tad-Dinja. Min jafni jaf li jiena ma tantx jien dilettant tal-futbol u allura avveniment bħal dan li jiġi darba kull erba' snin, għalkemm insegwih ferm aktar mill-kumplament tal-logħob bil-ballun, xorta nfittex elementi mużikali jew spettakolari fih.

Insomma, li ridt ngħid huwa li mir-repertorju relattivament vast ta' kanzunetti minn Malta m'irnexxieli nsib xejn (s'issa) li jorbot direttament mal-Werld Kapp. L-eqreb li ġejt kien permezz ta' kanzunetta mill-grupp Beangrowers bl-isem ta' Maradona, li oriġinarjament dehret fl-album tagħhom tal-1999 48K.

Maradona tal-Beangrowers m'għandha x'taqsam xejn mal-logħob tat-Tazza tad-Dinja, imma tal-anqas isem dan il-plejer tant magħruf żgur li huwa sinonimu ma' dan il-kampjonat, anke jekk id-diska m'għandha x'taqsam xejn mas-suġġett...sa fejn nista' nifhem jien.

Jekk xi ħadd jaf b'xi kanzunetti jew għanjiet Maltin li b'xi mod jorbtu mal-logħob tat-Tazza tad-Dinja nieħu pjacir ferm jekk tgħiduli bihom. Tistghu jew tikkuntattjawni direttament inkella tħallu kumment ma' din il-bloggata. Min jaf, forsi matul il-kampjonat jirnexxieli ngħaqqad biżżejjed siltiet biex niddedika poddata sħiħa lil dan is-suġġett.

TotoDinja 1-X-2, Fażi 1-B

2006-06-11T17:44:00.000+02:00

Qabelxejn, proset kbira lil Antonio, li għalkemm jgħid li ma tantx jifhem fil-futbol, s'issa laqat sitt riżultati minn sitta. Biex intenni l-kumment ta' Rod: ma nagħmlux mod li tajt xi ċempila lil ċertu Luciano hux?

Aġġornajt il-klassifika, kif tistgħu taraw fil-kolonna tax-xellug. Lil Toni, Maria u Mark: mhux ġust li tibdew b'żvantaġġ għax ġejtu naqra tard, anzi jien xtaqt nibdew ħafna qabel (3 jew 4 ijiem qabel) imma ma kellix ċans intella' l-blogg sal-ġurnata ta' qabel il-ftuħ, imbagħad kelli problemi bil-Blogger. Ejja, jekk tridu... kunu onesti - kif ħsibtu li kienu se jispiċċaw il-logħbiet li tliftu?

Sadattant, hawnhekk it-tmien partiti li jmissu fit-tliet ijiem li ġejjin, ħallu t-tbassiriet tagħkom fil-kummenti:

9. Italja – Gana
10. Stati Uniti – Repubblika Ċeka
11. Brażil – Kroazja
12. Awstralja – Ġappun
13. Franza – Żvizzera
14. Korea t'Isfel – Togo
15. Spanja – Ukrajna
16. Tuneżija – Għarabja Sawdita

Prosit mill-ġdid, Baldu! Proset ukoll lil Maria, li s'issa żbaljat waħda biss!

Man/Woman of the Match

2006-06-11T07:14:00.000+02:00

Ingilterra - Paragwaj : 1 - 0

Filwaqt li l-goalkeeper tas-sudamericani wera li ma tantx huwa para guai tajjeb ghax halla lil siehbu jiskurjalu, l-unur tal-Men of di Mecc jiehdu Peter Crouch, li kien l-uniku wiehed li deher li kellu aptit loghba futbol dakinhar. Fans tal-Beano jiftakru l-bidu tieghu bhala t-twil tal-Bash Street Kids. Sorsi qalulna li Mrs. David Beckham innominatu bhala l-Most Longest Presence on the Pitch. Rebbieha passati ta' dan l-unur kienu l-linji bojod supporters ta' Maradona u t-tracca saliva li halla Rijkaard meta kien bezaq lil Rudi Voeller.